УХМР информира дека под влијание на влажен бран, утре во попладневните часови во западните делови ќе има врнежи од дожд во пониските места и снег на планините. Во текот на ноќта кон сабота и во сабота претпладне врнежите ќе се прошират во поголем дел од земјата и наместа ќе бидат пообилни (20 л/м2).

Според УХМР, поради спуштање на постудена воздушна маса со засилен северен ветер врнежите ќе преминуваат во снег на повисоките и на некои од пониските места. На планините снежната покривка ќе се зголеми, а помала снежна покривка ќе се формира и на некои од повисоките места.

Во Скопје утре во вечерните часови ќе има повремени врнежи до дожд, а во текот на ноќта и во сабота претпладне во повисоките делови од котлината врнежите ќе преминат во снег. Во сабота ќе дува умерен, повремено засилен северен ветер.

Градоначалникот на Општина Битола, Тони Коњановски, денес ја одржа првата координација за 2025 година со раководствата на јавните општински претпријатија и установи. На состанокот, заедно со секретарот Борче Димитровски, беше истакната важноста на заедничката работа и координираните активности за исполнување на најголемиот приоритет – потребите на граѓаните.

Коњановски нагласи дека општината ќе продолжи посветено да соработува со сите јавни претпри

Полицијата утрово околу 2 часот во Тетово ги лишила од слобода Е.З. (24) и А.О. (24), и двајцата од скопското село Грчец, кои биле барани со потерници по наредба на Основен суд Скопје 1 поради бегство од КПУ Затвор Скопје.

Како што информира МВР, Е.З. е осуден на казна затвор во траење од пет години, а А.О. на казна затвор од три години. 

– Лицата ќе бидат предадени на надлежната казнено-поправна установа, се наведува во соопштението од МВР.