Македонија

20% од превозните средства за патници се технички неисправни

Published

3 years ago

December 16, 2021

Речиси 20 отсто од автобусите и комбињата кои превезуваат патници се технички неисправни. Од јануари до денес полицијата спровела 2.300 вонредни технички прегледи и кај околу 400 пронашла неправилности и фалинки.

Министерот Спасовски вели дека најчесто дефектите се кај сопирачките. Откако ќе се поправи дефектот возилата повторно одат на технички преглед, па дури потоа добиваат дозвола за да се вратат во сообраќај.

Меѓутоа, МВР има надлежност да реагира само кај недостатоците коишто се под Законот за безбедност на сообраќајот.

-Контролата на компаниите, издавањето на лиценци и се друго за кое е задолжен Инспекторатот за транспорт си ги прават според нивни планови и тие се дел од Инспекцискиот совет. Така што, доколку има потреба за било каква размена на податоци ние тоа го правиме во континуитет. Меѓутоа, преземањето на активности е исклучиво нивна надлежност и зависно од тоа како предвиделе, така ги прават тие контроли, вели Спасовски.

Прашан зошто македонските институции не објавуваат детали од истрагата за несреќата во Бугарија, Спасовски вели дека таа ја прават бугарските истражни органи и додека не заврши таму, не може да се обелоденат информации во јавноста.

-Секоја истрага мора да се води во институции, не преку медиуми, рече Спасовски.

Спасовски вели дека досега обезбедена е целосна документација која е потребна за истрагата од фирмата „Беса-Транс“.

Related Topics:неисправни превозници технички

Up Next

Заев разочаран од Пендаровски: “Неразбирливо е зошто некој би бил против пријателство со соседите”

Don't Miss

Уапсен Горан Стојков, поранешниот командант на „Лавови“

Македонија

Паднаа повеќе дилери: Серија на апсења во Скопје и Струмица

Published

39 mins ago

January 3, 2025

Арлингтон

Полициските служби продолжуваат со засилените активности за сузбивање на нелегалната трговија со дрога. Во текот на 2 јануари, во рамки на неколку полициски акции, беа извршени апсења на лица кај кои беше пронајдена марихуана.

Во 16:15 часот, на подрачјето на Шуто Оризари, полицијата го лиши од слобода О.Р. (41) од Скопје. Кај него беше пронајдена марихуана, која беше одземена.
Во 14:10 часот, во Карпош, беше уапсен С.Ш. (28) од село Крушопек, скопско, со пронајдена марихуана.
Во 21:40 часот, на подрачјето на Гази Баба, беше приведен С.С. (22) од Кочани, кај кого исто така беше најдена марихуана.
Во 15:00 часот, во општина Аеродром, полицијата го уапси И.С. (39) од Скопје, кај кого беше пронајдена дрога.
Во 23:45 часот, на подрачјето на Чаир, беше уапсен А.Љ. (25) од Скопје, со пронајдена марихуана.

Сите приведени лица ќе се соочат со соодветни поднесоци по целосното документирање на случаите.

Во друга акција, во Струмица, во 13:00 часот, полициските службеници од СВР Струмица извршија претрес во домот на З.Р. (52) од Струмица, со судска наредба. Притоа, беше пронајдена марихуана. За случајот е известен јавен обвинител, а против З.Р. ќе биде поднесена соодветна пријава.

Македонија

Пензионери, фатени со 200 куршуми во „Голф“

Published

44 mins ago

January 3, 2025

Арлингтон

Брачна двојка пензионери од скопското село Батинци вчера добиле кривични пријави откако претходно биле фатени со 195 куршуми со калибар од 9 милиметри во нивниот автомобил, соопшти полицијата.

„СВР Скопје поднесе кривична пријава против Х.М.(72), поради постоење основи на сомнение за сторено кривично дело „неовластено изработување, држење, посредување и тргување со оружје или распрскувачки материи“ и против М.М.(77), поради постоење основи на сомнение за сторено кривично дело „соизвршителство“ во врска со „неовластено изработување, држење, посредување и тргување со оружје или распрскувачки материи“. На 10.06.2024 во 17.20 часот во с.Батинци, скопско, полициски службеници извршиле преглед на патничко возило „голф“ со скопски регистерски ознаки управувано од М.М., а како совозач била Х.М., кај која биле пронајдени и одземени 195 куршуми калибар 9 мм“, пишува во полициското соопштение.

Македонија

Нападнати малолетници од нивни врсници

Published

46 mins ago

January 3, 2025

Арлингтон

Во текот на вчерашниот ден во две полициски станици во Скопје било пријавено за физички напади на малолетници од страна на нивни врсници.

Првата пријава е регистрирана вчера во 10.30 часот во СВР Скопје, каде 40-годишна жена пријавила дека на 31.12.2024 околу 17.00 часот пред угостителски објект на подрачјето на Карпош, нејзиниот малолетен син бил физички нападнат од друг малолетник. Се преземаат мерки за расчистување на случајот.

Втората пријава е забележана во 23:15 часот каде било пријавено дека на подрачјето на Центар малолетничка била физички нападната од неколку малолетнички.

МВР соопштува дека и во двата случаи се преземаат мерки за расчистување на овие настани.