Македонија
Дeтaли за профecopoт кој со мeтaлeн предмет пpeтeпa учeник
Професорот, што денеска напладне со метален предмет повреди ученик бил проблематичен подолг период, потврди директорката на средното училиште „Ибраим Темо“ Бесиме Јонузи.
Според неа, расправијата меѓу професорот и ученикот почнала завчера, а дисциплинската комисија во училиштето вчера донела одлука за негово суспендирање.
– Мотивот не го знаеме, затоа што со професорот сме имале проблеми години наназад. Сите институции се известени, преземени се сите законски мерки. Инцидентот почна завчера, јас вчера наутро свикав состанок на дисциплинската комисија од каде излезе одлука за негово суспендирање. Денеска требаше да ја потпишам одлуката и да го известам професорот. Не знам дали тој дозна за одлуката па се случи инцидентот, со железен бокс го удрил во глава. Викнавме полиција го приведоа, а детето го однесовме во болница, изјави Јунози.
Професорот привремено е суспендиран, а како што нагласи директорката, институциите ќе одлучат за негово враќање на работното место.
Инцидентот се случил денеска околу 13 часот и 30 минути, кога професорот Е.С. (57) со метален предмет го удрил средношколецот по главата. Детето било примено на одделението за Хирургија, каде било сошиено, а професорот е приведен во полиција.
Македонија
НЕКОЛКУ ИЛЈАДИ ЛУЃЕ ВО СОФИЈА ДАДОА ПОЧИТ ЗА ЖРТВИТЕ ОД КОЧАНИ Едноминутен молк пред судската палата
Неколку илјади граѓани на Софија се собраа пред Судската палата и молчеа една минута оддавајќи почит кон жртвите од трагедијата во Кочани.
Неколку илјади луѓе синоќа со едноминутно молчење во центарот на Софија, оддадоа почит кон жртвите од трагедијата во Кочани. Тие се собраа пред Судската палата, пренесе БГНЕС.
Кочани денеска им кажува последно збогум на своите деца кои загинаа во пожарот во дискотеката „Пулс“ на 16 март.
Пожарот избувна во раните утрински часови на 16 март. Загинаа 59 лица, а над 160 се повредени. Најтешко повредените се лекуваат во странство.
Македонија
После дискотеките, почнете и со проверка на зградите за колективно домување, препорачува Андоновски
Јован Андоновски, поранешниот заменик на народниот правобранител, алармира дека по дискотеките и локалите за ноќна забава, трева да се изврши акција за проверка на бесбедноста на зградите за колективно домување. Тој овој став го сподели на својто фејсбук профил.
– После дискотеките, почнете и со проверка на зградите за колективно домување. Хидранти има или нема, црева за гасење пожар, излез за евакуација, светлосна сигнализација во случај на непогода, доградби и дивоградби на заеднички простории, вклучително и на надворешни (резервни) скали, скривници запуштени со децении. Како може во згради да има кафетерии, ресторани, игротеки за деца и што ли уште не во импровизирани простории? Проверете ги и училиштата и градинките. Дали имаат противпожарни апарати и хидранти, дали се во исправна состојба, дали воопшто некој знае да ракува со нив, порача тој.
Дејствувајте пред да биде доцна, алармира Андоновски.
На 18.03.2025 во 10.10 часот на автопатот Скопје – Велес, на наплатна станица Петровец, полициски службеници од Мобилната единица за безбедност на сообраќајот на патиштата при Секторот за сообраќајни работи во МВР извршиле контрола на товарно возило – влекач „Мерцедес“ и полуприколка со скопски регистарски ознаки, управувано од М.М.(47) од Скопје, а сопственост на правно лице.
Притоа, бил констатиран прекршок по член 344 став 3 од Законот за безбедност на сообраќајот на патиштата, а во врска со член 26/10 од Законот за возила, односно затоа што сообраќајната дозвола на влекачот и полуприколката биле истечени и важеле до 24.04.2024.
По целосно документирање на случајот, ќе биде поднесена соодветна пријава.
-
Црна Хроника2 days agoВИДЕО: Еден од осомничените ја крши задната врата за да се излегува од диското
-
Македонија2 days agoВлошена состојбата на пациенти на КАРИЛ
-
Македонија4 days agoСопственикот на дискотеката во Кочани приведен
-
Македонија4 days agoПриведен Александар Карадакоски, газда на фирмата што раководела со „Пулс“
-
Македонија4 days agoОсуммина членови на бендот на ДНК загинаа во пожарот во Кочани
-
Македонија4 days agoХеројот што не ја напушти дискотеката: Виктор Јорданов загина спасувајќи животи (Видео)
-
Република2 days agoВИДЕО: Тетовската полиција спаси млада девојка од обид за самоубиство
-
Македонија4 days agoЕве чив потпис стои на последната лиценца за кочанската дискотека