Незадоволен сопственик на „Тесла-ес“ во Финска го детонира своето електрично возило – заедно со кукла со ликот на основачот на „Тесла“, Илон Маск – во знак на протест поради трошоците за замена на батеријата.

Туомас Катинен го разнесе својот Tesla S – модел 2012 година – со 30 килограми динамит по откажувањето на батеријата и откога се соочи со сметка за поправка од 17.000 фунти (22.000 долари), пренесуваат британски медиуми.

Наместо да ги собере парите, 26-годишникот стапил во контакт со локални јутјубери Youtubers Pommijätkät т.н. бомбаши, кои решиле да му помогнат да го разнесе автомобилот.

Цената на овој модел, за кој не важи гарнацијата дека е од постарите, е околу 73.990 фунти (100.000 долари).

„Тесла“ и Маск се соочија со бран поплаки за трошоците за замена на батеријата, при што гаражи од трети страни (независни сервиси) нудат замена за една четвртина од цената.