Градоначалникот на општина Кисела Вода, Орце Ѓорѓиевски, ја истакна својата подготвеност и визија за иднината на главниот град, најавувајќи дека доколку стане кандидат за градоначалник на Скопје, очекува победа уште во првиот круг.

Во ексклузивното интервју за неделникот „Фокус“, Ѓорѓиевски ја претстави својата стратегија за модерно, уредено и европско Скопје, истакнувајќи дека неговата амбиција не е тајна, туку резултат на континуирана работа и реализирани проекти.

„Веќе повеќе од година и пол работам на концептот за подобар град. Досега, во општината Кисела Вода, реализиравме речиси 100% од изборната програма, што е доказ дека знаеме како да испорачаме резултати“, изјави Ѓорѓиевски.

Во својата програма, тој најави конкретни решенија за проблемите на Скопје, меѓу кои се:

✅ Генералка – темелно расчистување и уредување на јавните простори

✅ Лесно метро – современо и ефикасно урбано решение за транспорт

✅ Гасна централа – подобро енергетско снабдување за градот

✅ Комунална полиција – повисоки стандарди за јавниот ред и дисциплина

Според Ѓорѓиевски, во наредниот период ќе следуваат анкети, како што најави и претседателот на ВМРО-ДПМНЕ и премиер Христијан Мицкоски, од кои ќе се утврди кој ќе биде кандидатот за градоначалник на Скопје.

„Граѓаните ја препознаваат работата и поддршката што ја добивам секојдневно ми дава дополнителен мотив. Верувам дека Скопје може да биде модерна метропола на 21-от век, горд град со кој сите ќе се пофалиме“, порача Ѓорѓиевски.

Скопје се подготвува за нови предизвици, а Ѓорѓиевски останува еден од имињата кои најгласно ја истакнуваат својата визија за неговата иднина.

Градоначалникот на општина Кисела Вода, Орце Ѓорѓиевски, најави продолжување на успешната иницијатива за наградување на младите спортски таленти со бесплатно летување. Оваа мерка е дел од стратегијата за поддршка на спортот и промовирање на здравиот начин на живот меѓу учениците.

„Спортот не само што го подобрува физичкото и менталното здравје на младите, туку создава и другарства, дисциплина и тимски дух. Со оваа награда, го вреднуваме нивниот труд и посветеност, но и дополнително ја поттикнуваме спортската култура во училиштата,“ истакна Ѓорѓиевски.

Победниците во Лигата на училишен спорт, која опфаќа натпревари во кошарка, фудбал, одбојка и ракомет во машка и женска конкуренција, ќе имаат можност бесплатно да летуваат во Извидничкиот Центар во Охрид.

Градоначалникот нагласи дека општината ќе продолжи со мерки што ќе овозможат уште поголема афирмација на спортот и развој на младите спортисти, уверувајќи дека најдоброто допрва доаѓа.

Градоначалникот на општина Кисела Вода, Орце Ѓорѓиевски, оддаде почит на Гоце Делчев, истакнувајќи ја неговата визија и храброст како темел на силна и обединета Македонија.

„Испречени пред неправдите, пред обидот за негирање на македонскиот бит, со гордост се поклонуваме пред нашиот и само наш, македонски херој! Борбата на Гоце продолжува!“, порача Ѓорѓиевски.

Тој нагласи дека опстанокот на вистината за Македонецот мора да остане жив и дека тоа е заветот на оваа и сите идни генерации.

„#ГоцеЕМакедонија и за тоа нема никаков компромис! Да живее Република Македонија!“, заврши Ѓорѓиевски во својата патриотска порака.