Битола ја доживеа една од најсјајните вечери во својата спортска историја. Под светлината на рефлекторите и со силен дух, Пелистер го совлада вечниот ривал Вардар со гол во последните моменти од натпреварот. Капитенот Мирко Ивановски, како вистински херој на својата екипа, го постигна решавачкиот гол во 92. минута, носејќи им го триумфот на своите „зелено-бели“.

Овој натпревар, одигран под рефлекторите на стадионот „Петар Милошевски“, беше вистинско дерби кое привлече над 6.000 љубители на Пелистер. Атмосферата беше неверојатна, исполнета со енергија и гордост, со навивачи кои неуморно ја бодреа својата екипа до самиот крај.

Овој историски момент не е само спортски успех, туку и симбол на силата и единството на Битола. Градот, со својата богата култура и традиција, покажа дека и на спортските терени се бори со полн жар, а овој настан ја круниса неговата љубов и поддршка за спортот. Битола сјае како никогаш досега, горда на своите херои и на незаборавната вечер што ќе остане врежана во срцата на сите битолчани.

https://www.instagram.com/reel/DB6-RVfR2_L/?igsh=ZzVnMWM3dDV0MWk0

Градоначалникот на Битола, Тони Коњановски, им упати честитки на фудбалерите на Пелистер за големата победа над Вардар, со која градот ја прославува својата годишнина.

Во драматичен натпревар во последните моменти, капитенот на „зелено-белите“ Мирко Ивановски со гол во 92. минута го донесе триумфот за својот тим, победувајќи го ривалот Вардар со 1-0. Натпреварот, кој се одигра под рефлектори на стадионот „Петар Милошевски“ во вечерен термин, привлече над 6.000 приврзаници на Пелистер, а атмосферата беше на ниво на вистинско дерби на македонскиот фудбал.

Овој историски момент ја прослави не само спортската победа, туку и силата на спортскиот дух и гордоста на Битола.

Младиот ракометен голман Иван Галевски се подготвува за претстојните два квалификациски натпревари за ЕП, каде избраниците на Кирил Лазаров ќе се сретнат со селекциите на Естонија и Литванија.

Чуварот на мрежата на Алкалоид е поради повикот во националниот тим и за него преставува чест и задоволство.

„Ова е мој прв повик за официјални натпревари во репрезентацијата. За мене е огромна чест, но чувствувам и огромна одговорност. Играме два меча со Естонија и Литванија, противници кои заслужуваат голем респект, но ние ќе дадеме максимум од себе и одиме на победа.

Мислам дека тука сум за да го оправдам повикот од селекторот и ќе се обидам да одговорам максимално на задачите. Ако ми се укаже шанса за настап, ќе бидам комплетно фокусиран и ќе го пружам најдоброто од себе за победа на нашиот национален тим“, изјави Галевски.