Александар Ѓорчевски, таткото на трагично убиената 14-годишна Вања Ѓорчевска, денеска сведочеше пред судот и повторно изрази незадоволство од односот на институциите за време на истрагата. Тој нагласи дека уште при првиот негов исказ во истражната постапка побарал да биде подложен на полиграфско тестирање со цел, како што рече, „дефинитивно да се докаже вистината“. Сепак, неговото барање било одбиено од страна на обвинителството.

„Јас на првиот исказ кај вас побарав детектор на лаги. Ми рековте дека во таа фаза не е дозволено. Тој уред децидно ќе покаже дали ја говорам вистината. Од мене ви е таа информација“, изјави Ѓорчевски обраќајќи ѝ се директно на обвинителката во судницата.

Тој истакна дека од самиот почеток инсистирал на соработка и транспарентност, но, според него, институциите не покажале волја да ги искористат сите можни алатки за расветлување на случајот. Во своето сведочење тој апелираше до обвинителството да го анализира целосното негово движење преку системот за видеонадзор „Безбеден град“ во деновите пред и по исчезнувањето на Вања.

„Зошто не ја продолживте снимката уште 10 секунди, каде се гледа како веднаш се враќам назад?“, праша Ѓорчевски, алудирајќи на видео-снимка на која се гледа како неговото возило го преминува мостот кај Александар Палас, но не и враќањето назад.

Тој потенцираше дека дел од снимките се користат селективно и без контекст, што, како што рече, остава простор за манипулација со фактите и за погрешна перцепција во јавноста. Својот исказ го заврши со повик за целосна објективност и непристрасност од страна на правосудните органи, додавајќи дека неговата единствена цел е да се расветли целосно случајот и да се најде правдата за неговата ќерка.

За време на овој викенд, територијата на нашата Република Македонија ќе биде под влијание на потопла воздушна маса од југ. Сепак, утре (сабота 12 април) сеуште особено во Повардарието и во источните предели ќе дува повремено засилен до силен ветер од северен и од северозападен правец (повремено и локално со брзина од над 60 км/час).

Утре (сабота 12 април) во попладневните часови ќе има појава на локален краткотраен дожд и услови за ретки грмежи, додека само на највисоките планини ќе има услови за слабо провејување на снег. Во недела (13 април) брзината на ветерот значително ќе се намали и времето ќе биде стабилно, со појава на умерена локална облачност.

И во Скопскиот регион утре (сабота 12 април) сеуште ќе дува засилен ветер од северен правец, а потоа ветерот значително ќе ја намали својата брзина, и тоа во недела (13 април).

Што се однесува до температурите, тие наутро ќе се спуштаат во интервалот од 0 до 9 степени. Преку ден пак тие ќе се искачуваат од 15 до 23 степени. Во Скопје и околината температурата за време на овој викенд ќе се искачи до околу 21 степен.

Судството уште еднаш покажа дека не работи во заштита на правдата и во корист на граѓаните, велат во партиското соопштение од ВМРО-ДПМНЕ.

Наместо правда за народот, судството единствено работи во заштитата на неговите членови кои делат неправда или пак ја раздаваат правдата.

Со вчерашната постапка, Судскиот совет само го потврди ова. Судски совет се стави во служба и заштита на судија за кој човечкиот живот вреди само две години затворска казна. Тие го штитат судијата кој на возач, кој прегази и усмрти млада девојка која поминувала на пешачки, му пресудиле бедни две години затвор и го покриваат неговиот срам.

Овие членови на Судски совет, сите до еден се луѓе на Зоран Заев, кои се избрани од претходната влада на СДС и ДУИ, кои сега здружно ја газат правдата и ја уриваат државата.

Токму ова и беше причината поради која и им беше изгласа недовербата.

Но тие, не знаејќи за срам, морал и интегритет, наместо да поднесат оставки, со изгласани интерпелации продолжуваат да прават неправда.

Ова е тоа судство, расцветано како пупка на Заев, кое за ќебапи одредува пет години затворска казна, за кубење за коса на Радмила Шекеринска четири, додека за убиен човек само две години казна затвор.

Ваквите срамни одлуки на судството, потоа одбранети и поддржани и од Судски совет директно влијаат на губењето на надежта кај граѓаните дека правда во Македонија е возможна и дека постои.

Но овој гнил правосуден систем ќе падне и ќе се распадне. Во државата ќе има одговорност и ќе има независен и кредибилен судски систем, во кој дел ќе бидат високо професионални лица со кредибилитет и висок морален интегритет, стои во соопштението на партијата.