И оваа година наместо на Коледе, децата шетаат со попови на црковни литии.

Во Берово организирана првата Божикна литија во која учество зедоа над 300 дечиња од овој град.

Пеејќи во еден глас и славејќи го Христовото раѓање со стиховите од песната „Вечниот бог”, најмалите поворката ја започнаа од градската црква, упатувајќи се во правец до железара Орбис, потоа продолжувајки кон „Здравствен дом” Берово и Полициската станица, за на крај да се вратат до градската црква.

По завршувањето на Божикната литија најмалите од страна на организаторите добија пакетчиња. Настанот го поздрави и градоначалникот Звонко Пекевски кој на граѓаните на Берово им го честиташе Божик, посакувајки им многу здравје и среќа во Новата 2022 година.