Синоќешниот земјотрес со јачина од 5,8 степени според Рихтеровата скала со епицентар во Лерин, поточно на границата со Македонија, беше најмногу почувствуван во Битола, иако потресот беше почувствуван и во Скопје, Охрид, Струга, Прилеп, Струмица и други градови.
Граѓаните во Битола велат дека се вознемириле и сметале дека куќите ќе се срушат.
Потресот предизвика материјални штети. Забележани се испукани ѕидови во куќи и згради.
Голем број Битолчани ноќта ја минаа на отворено откако по земјотресот имаше афтершокови.
Како изгледа силниот потрес:
Градоначалникот на Општина Битола, Тони Коњановски, за денес во 11 часот, закажа состанок на општинскиот кризен штаб во проширен состав.
На состанокот главниот акцент ќе биде ставен на две точки:
Првата, состојбата во Битола после вчерашните серија земјотреси и
Втора точка, состојбата со Ковид-19 во Битола.
На состанокот ќе бидат разгледани и дополнителните мерки кои може да бидат преземени од страна на штабот за заштита и спасување на Општина Битола по однос на наведените две точки.
Дел од медиумите јавуваат дека земјотресот срушил една постара куќа во Генимаале во Битола.