На саемот „Винска визија на Отворен Балкан“, претседателот на Србија, Александар Вучиќ се пофали со убавите жени во Врање, но македонскиот премиер Христијан Мицкоски одговори дека убави жени има и во Македонија.

На саемот се претставија повеќе од 300 винарии од Македонија. Во Белград се одржа и Македонска вечер. 

Пелистер изгуби дел од најстарата моликова шума. Невремето кое изминатиот викенд го зафати Битолскиот регион уништи преку 150 дрвја, меѓу кои и најстарото стебло, старо и пол векови.

Според НП „Пелистер“ најголема штета е причинета во средишниот дел, каде се наоѓа најстарата шума од молика, а каде се уништени околу 150 стебла на површина од стотина хектари. Според познавачите, освен силниот ветер, причина за ваквата штета е и староста на дрвата.

Македонскиот бор, како што му е и официјалното име, е исклучително значен ендемичен вид, а тој е и причина што Пелистер во 1948 година е прогласен за национален парк, прв во државата.

Нова заменик претседателка на опозициската СДСМ е Фани Каранфилова Пановска.

Таа беше избрана за оваа партиска функција на вчерашниот 30. Конгрес на партијата.

Каранфилова Пановска доаѓа на местото на Сања Лукаревска, која по последните парламентарни избори поднесе оставка, а сега е пратеничка на партијата.

Претходно на таа функција беше Радмила Шекеринска.

Која е Каранфилова-Пановска

Каранфилова-Пановска зад себе нема политичко искуство.

Лидерот на СДСМ, Венко Филипче, кој и ја предложи за оваа функција, вчера изјави дека двајцата се познавале долго време, а на јавноста и е позната пред се како поранешен директор на Фондацијата Отворено општество Македонија.

На оваа позиција беше избрана во 2015 година и тогаш го наследи Владимир Милчин, првиот извршен директор на Фондацијата.

Повеќе не е на таа позиција.

Целата своја професионална кариера Каранфилова-Пановска ја поминала во граѓанскиот сектор.