Со ножевите осомничените се упатиле кон полицајците, вербално заканувајќи им се дека ќе ги убијат. Едниот од осомничените и физички нападнал полицаец, го турнал и започнал да го стега за вратот, нанесувајќи му површинска телесна повреда, соопшти Јавното обвинителство.од слобода со засилување од интервентна екипа од СВР Битола, соопшти Јавното обвинителство.

Основното јавно обвинителство Битола поведе постапка и предложи притвор за две лица кои осомничени за кривичното дело напад врз службено лице при вршење работи на безбедноста од член 383 став 2 од Кривичниот законик, соопшти Јавното обвинителство.

Едниот од нив е осомничен и за обид за кривичното дело спречување на службено лице во вршење службено дејствие, според член 382 став 3 од КЗ.

„Осомничените со ножеви во рацете им се заканиле на двајца униформирани полициски службеници, кои, постапувајќи по наредба за вршење на мотопатролна дејност на регионалниот пат Битола-Бистрица го запреле возилото во кое се наоѓале осомничените, за да извршат контрола на возилото и на возачот. Со ножевите осомничените се упатиле кон полицајците, вербално заканувајќи им се дека ќе ги убијат. Едниот од осомничените и физички нападнал полицаец, го турнал и започнал да го стега за вратот, нанесувајќи му површинска телесна повреда. Кога полицајците се обиделе да го совладаат, другиот осомничен се обидел да ги спречи, така што ги тргал за рацете и униформите. Двајцата осомничени биле лишени од слобода со засилување од интервентна екипа од СВР Битола“, соопшти Јавното обвинителство.

Одлучувајќи по предлогот од надлежниот јавен обвинител, судија на претходна постапка од Основниот суд во Битола на осомничените определи притвор во траење од 8 дена, додаде ЈО.

Ќе се следи состојбата и доколку имаме девијантно однесување од страна на трговците, ќе бидат преземени мерки. Последната мерка која ја има Владата на располагање е да донесе повторно ограничување или лимитирање на цената, посочи премиерот.

Откако дел од трговците ги качија цените на основните продукти кои не се дел од новогодишната кошничка, премиерот Христијан Мицкоски остро реагираше, по што биле забележани корекции на ваквите злоупотреби.

-Утрово разговарав со министерот за економија и труд Дурмиши, но и претходниве ден-два добивам информации од страна на Државниот пазарен инспекторат дека најголемиот дел од трговците ги враќаат цените на она ниво на кое што беа пред овие покачувања. Го почитуваат укажувањето и замолницата која јавно ја упативме до нив. Очекувам во периодот кој следи тоа да продолжи иако редовно со интензивна контрола од страна на Државниот пазарен инспекторат. Ќе се следи состојбата и доколку имаме девијантно однесување од страна на трговците, ќе бидат преземени мерки. Последната мерка која ја има Владата на располагање е да донесе повторно ограничување или лимитирање на цената, посочи премиерот.

За тоа, во моментов, нема потреба бидејќи најголем дел од трговците го почитуваат укажувањето на премиерот и Владата.

[Велес, 27.12.2024] -– Компанијата Агриа, како долгогодишен партнер на Општина Велес и поддржувач на образовниот развој, додели четири стипендии на најуспешните ученици и студенти за учебната 2024/2025 година.

Стипендиите за средношколци се доделени на двајца ученици, еден од Гимназија „Кочо Рацин“ и еден од ОСУ „Димитрија Чуповски“. Стипендиите за студенти, исто така, се доделени на двајца, едниот студент на медицина, а другиот на факултет за фармација. Добитниците на стипендии се избрани врз основа на постигнатиот успех, заложбите и амбициите за понатамошно образование.

Финансиската поддршка ќе се доделува месечно во времетраење од 9 месеци и ќе ги покрива материјалните потреби на учениците односно студентите.

Оваа активност е дел од континуираната соработка помеѓу компанијата Агриа и Општина Велес, а која успешно се спроведува веќе четврта година по ред. Компанијата планира и во иднина да инвестира во млади таленти и да го зголемува бројот на стипендии.

„Континуираната инвестиција во образованието претставува еден од темелите за одржлив развој на нашето општество. Доделувањето на овие стипендии е наш начин да покажеме дека ги препознаваме и поддржуваме трудот и талентот на младите луѓе,“ истакнаа од Агриа.

Компанијата Агриа останува посветена на својата мисија за поддршка на образованието и создавање можности за младите да го реализираат својот потенцијал.