Македонија

Бугарската истрага заклучи – возачот на автобусот е виновен за трагедијата

Се укажува дека возачот на автобусот е виновен а тој е мртов. Вака бугарските истражители и обвинителството ќе ја затворат истрагата за несреќата во која загинаа 45 мна државјани на македонија на автопатот Струма во Бугарија, пренесува Телма.

Заклучокот е дека причина е единствено човечка грешка и со тоа и ќе се заклучи овој случај. Истражителите не најдоа никакви пропусти ниту во сигнализацијата на патот.

“Со сигурност може да се каже дека нема друга причина освен однесувањето на возачот на автобусот. Навистина линиите на хоризонталната сигнализација, страничните линии се поизбледени, но не се невидливи. во тоа време немало магла, ништо друго не ја намалувало видливоста освен ноќните услови и до избвесен степен влажниот коловоз поради ситнитиот дожд. Средната линија е доста јака и таа е скоро исполнета и со сигурност е јасно видлива” – изјави Младен Петров од националната истражна служба.

Проверени се и сите претпоставки за присуство на запаливи течности во автобусот и јасно е утврдено дека такви немало. Утврдено е дека во Автобусот навлегла заштитната ограда кога тој удрил во неа, се создал притисок на резерворот за гориво и горивото се запалило од големото искрење.

“Состојбата на автобусот како што е техничката исправност, и подготвеноста за патување на релацијата но и она што го превезувал беа предмет на многу детално истражување. Имаше многу претпоставки но апсолутно сите се отфрлени и категорично може да се каже дека нема никакви показатели за пренос на запааливи материи. Оштетубањето на автобусот и горивото довеле до запалување на автобусот, а од тука па натаму пожарот се развивал многу бргу” – тврди Петров.

Но, нема објаснување зошто толку бргу огнот се разгоре а целото возило исгоре сосе патниците за само неколку минути. Сега се чека обвинителите да шресечат околу крајот на истрагата. по ова истражителот најави дека ќе бидат вклучени и роднините на загинатите и преживеаните осуммина патници за правата кои им следуваат.

Државниот обвинител на Македонија, Љубомир Јовески, неодамна не ја отфрли можноста дека роднините имаат право на жалба на одлуката на бугарското обвинителство.

Рече дека може да поднесат и граѓанска тужба за надоместување на штета. Можат да побараат и увид во списите на предметот рече Јовески.

Up Next

Вевчански афористичар: Не кажувајте и на Бугарија дека ми е роденден (СТАТУС НА ДЕНОТ)

Don't Miss

Вработен во пошта украл 220 илјади денари од починато лице

Македонија

Безбедноста на новогодишните пакетчиња проверена – резултатите во АХВ охрабрувачки

Агенцијата за храна и ветеринарство (АХВ) спроведе вонредни инспекции на детските новогодишни пакетчиња и откри само минимални неправилности. Вкупно беа извршени 262 контроли во магацини за пакување, маркети и продавници кои нудат овој вид производи.

Проблеми беа утврдени кај неколку оператори поради несовпаѓање на роковите на збирните декларации со роковите на поединечните производи, како и некомплетни декларации. Во такви случаи, инспекциските служби издале четири решенија за повлекување на пакетчињата од промет, додека двајца оператори добиле решенија за поставување на исправни збирни декларации на производите.

Според АХВ, ситуацијата годинава е значително подобрена во споредба со лани, кога инспекциите открија несоодветно означување на пакетчињата, производи со поминат рок на употреба и краток рок на трајност, како и производи со променети органолептички својства. Оваа година, пак, недоследностите се сведени на минимални и не претставуваат ризик за здравјето на децата.

Агенцијата најавува дека контролите ќе продолжат и во наредниот период, особено пред и по новогодишните празници, со цел да се обезбеди безбедноста на детските пакетчиња.

Македонија

Магла и блокади: Сообраќајот на регионалниот пат Берово–Струмица целосно запрен поради најавен собир

АМСМ известува дека поради појава на магла, видливоста на патните правци Неготино – Градско и Неготино – Демир Капија е намалена на само 50 до 60 метри. Возачите се предупредуваат да возат со зголемено внимание и да ги прилагодат брзината на условите на патот.

Жителите на село Двориште најавија јавен собир на регионалниот пат П-1302 (Берово – Струмица), на местото познато како „Студенец“, утре, на 19.12.2025 година во 10.00 часот. Се очекува патот да биде целосно блокиран, па возачите кои патуваат по правецот Струмица – Берово се советуваат да користат алтернативни патни правци.

На државните патишта се вози непречено, со релативно посуви коловози. Интензитетот на сообраќај надвор од градските средини е умерен. На граничните премини нема подолги задржувања за влез и излез од државата, што овозможува непречено движење за патниците.

Македонија

Синоќа воздухот во Македонија достигна критично загадено ниво

Минатата ноќ воздухот во повеќето македонски градови беше критично загаден, а мерните станици регистрираа концентрации на ПМ-честички кои алармираат за сериозна опасност по здравјето. Особено алармантни се ПМ2,5 честичките, кои според стручњаците не смее да се вдишуваат подолго време.

Според податоците на AQIcn.org, најзагадената точка во земјава околу 22 часот била во Струмица, точно во дворот на основното училиште „Никола Вапцаров“ и градинката „Детска радост“. Таму AQI-индексот, кој ги комбинира сите клучни загадувачи, скокнал до 339 – ниво кое се смета за „опасно“ дури и за сосема здрави луѓе.

Не многу подобро било ниту во другите градови. Кичево, Скопје и Гостивар забележале AQI вредности помеѓу 200 и 300, што е доволно за предупредување дека престојот на отворено е ризичен. Во Скопје, најкритични биле Карпош 2, Карпош 4 и Аеродром, каде индексот се искачил на околу 250.

Граѓаните се советуваат да останат во затворени простории и да избегнуваат физички активности на отворено додека воздухот не се стабилизира.