Детска игра во Прилеп можела да заврши со фатални последици. Три деца и смениле скретниците на пругата и одзеле предмети кои се користат за сигнализација, а катастрофата била избегната благодарение на навремена реакција на вработен во Македонски железници.

„На 23.02.2022 околу 19.30 часот, полициски службеници од ОВР Прилеп лишиле од слобода тројца малолетници од Прилеп. Тие се сомничат дека во периодот од 16.50 до 17.03 часот на Железничката станица во Прилеп ги промениле скретниците со кои се менува правецот на коловозната линија по која се движи возот и одзеле предмети кои се користат за сигнализација на возовите“, се вели во полицискиот билтен.

Вработен во Железници тоа навреме го забележал и ги вратил елементите во првобитната положба за влез на возот кој се очекувал. За случајот бил запознаен Јавен обвинител и по негово целосно документирање ќе биде поднесена соодветна пријава.