На погребната церемонија на папата Франциск денеска во Ватикан, актуелниот американски претседател Доналд Трамп се најде под силен оган на критики поради неговото облекување, што многумина го оценија како чин на непочитување.

Иако строгите протоколарни правила за ваков настан налагаат темен костум и задолжително долга, црна вратоврска – Трамп се појави облечен во темносин костум, дополнет со сатенска сина вратоврска и беџ со американското знаме. Овој избор веднаш предизвика бројни негативни реакции на социјалните мрежи.

„Зошто Трамп е единствениот светски лидер кој носи син костум? Зарем нема чувство за прилика?“, се прашуваа корисници, додека други коментираа: „Колкаво непочитување – Трамп во син костум на погреб“ и „Зарем немал барем темносин или црн костум? Каде му е почитта?“.

Дополнителна споредба се направи и со присуството на поранешниот американски претседател Џо Бајден, кој избра сина вратоврска, и украинскиот претседател Володимир Зеленски, кој пристигна без вратоврска. Сепак, најголем дел од светските лидери, меѓу кои и британскиот опозициски лидер, се придржуваа до воспоставената традиција и беа облечени во елегантна црна облека.

Во контраст со Доналд Трамп, неговата сопруга Меланија Трамп, која го прославуваше својот 55-ти роденден, беше облечена во црн капут, со црн вел од чипка и ракавици – целосно усогласени со строгите правила на облекување пропишани за вакви прилики.

Иако вакви церемонии се моменти на универзално изразување почит, изборот на облека на Трамп остави впечаток на несериозност и повторно го стави во центарот на јавните полемики.

Додека шефови на држави, кралски височества и високи црковни великодостојници денеска му оддаваа последна почит на папата Франциск во Ватикан, забележливо отсуство предизвика бројни прашања: каде е кралот Чарлс?

Иако британскиот монарх важи за еден од највлијателните светски лидери, неговото отсуство од погребната церемонија е резултат на длабоко вкоренети традиции и строги протоколарни правила кои важат уште од 16. век.

Како врховен поглавар на Англиканската црква, кралот Чарлс не може да учествува во церемонии на Римокатоличката црква во својство на британски монарх. Оваа црква, која официјално се одвои од Ватикан во 1534 година со актот на кралот Хенри VIII, има свои јасно утврдени канонски правила што го дефинираат односот со останатите христијански конфесии.

Тогаш, кралот Хенри VIII, поради одбивањето на папата Климент VII да му дозволи развод од Катерина Арагонска, основал независна Англиканска црква и самиот се прогласил за нејзин поглавар. Оттогаш, секој британски монарх ја носи титулата Врховен гувернер на Англиканската црква, со надбискупот на Кентербери како нејзин духовен водач.

Иако кралот Чарлс повеќепати лично се сретна со папата Франциск, неговото отсуство на денешната церемонија е целосно во согласност со праксата на британската круна. Истото правило го почитуваше и кралицата Елизабета II, која за време на своето долгогодишно владеење никогаш не присуствуваше на погреб на папа.

Кога папата Јован Павле II почина во 2005 година, тогашниот принц Чарлс, како претставник на кралицата, присуствуваше на церемонијата. Тогаш, неговото присуство имаше и посебен симболизам – се случи еден ден пред неговата венчавка со Камила.

Овој пат, кралското семејство повторно одлучи да го испочитува протоколот: наместо кралот, на церемонијата во Ватикан присуствува неговиот син, принцот Вилијам.

Интересен е фактот дека кралот Чарлс беше последниот светски лидер што оствари средба со папата Франциско – само две недели пред неговата смрт, за време на државната посета на Италија.

Британскиот двор и понатаму покажува доследност кон старите канонски правила, со што ја нагласува посебноста и историската автономија на Англиканската црква, која и денес има клучна улога во дефинирањето на односите меѓу двата најголеми христијански света.

Францускиот претседател Емануел Макрон денес по средбата со украинскиот претседател Володимир Зеленски во Рим објави дека Украина е подготвена за безусловно примирје.

Во објава на мрежата X, тој рече дека завршувањето на војната во Украина е цел што ја делат со американскиот претседател Доналд Трамп и дека Киев сака да соработува со Европа и САД за да постигне примирје.

Сега е до претседателот Путин да докаже дека навистина сака мир.“ Ќе продолжиме со нашата работа во рамките на коалицијата на добронамерните, започната во Париз минатиот март, со цел да се постигне ова примирје и целосен и траен мир во Украина“, рече Макрон.

Зеленски се сретна и со Трамп и британскиот премиер Кир Стармер, кој присуствуваше на погребот на папата Франциск во Рим, а Елисејската палата објави дека состаноците поминале добро.