Фудбалската федерација на Македонија на денешната седница на УО го назначи Леонид Јандреоски за нов Генерален секретар на ФФМ. Тој е назначен за прв оперативец во „Куќата на фудбалот“ со мандат од четири години.

Леонид Јандреоски (02.10.1997) е дипломиран економист на економскиот факултет при УКИМ. Има завршено магистарски студии на економскиот факултет во Љубљана, во областа спортски менаџмент. Активно учество во организацијата на Европското првенство во фудбал до 21 година во Љубљана, Словенија 2021 година. Стекнат сертификат за напреден спортски менаџмент, едукативна програма организирана од МОК.

Работно искуство има во реномираната компанија А1 Македонија во делот на маркетинг комуникации, продолжувајќи го искуството во истата област од Универзал Медиа.

Секој клуб од Првата МФЛ ќе добие по 150.916,00 евра од солидарна шема.
На денешната седница на Управниот одбор на Фудбалската федерација на Македонија беа донесени следните одлуки:

Управниот одбор на ФФМ донесе одлука за распределба на средствата наменети за солидарна шема на УЕФА за сезоната 2024/25 во висина од 1.811.000 евра.

Средствата ќе бидат распределени на клубовите од Прва МФЛ кои ќе ги исполнат критериумите за натпреварувачата сезона (програма за развој и минимум правни информации).

Средствата ќе бидат распределени подеднакво, односно секој клуб ќе добие по 150.916,00 евра.

Управниот одбор на ФФМ го усвои предлогот за назначување на Генерален секретар на ФФМ.

Репрезентацијата на Македонија до 16 години оствари победа со 2:0 над соодветната селекција на Киргистан во вториот контролен натпревар што го одигра нашата селекција во Сиде, Анталија.

Македонија беше подобар противник во текот на целиот натпревар. Покрај двата постигнати погодоци во првото полувреме, нашите млади фудбалери пропуштија неколку извонредни прилики.

Фадил Исламовиќ со гол од пенал во 12. минута ја доведе Македонија во предност. Сонер Ракипи во 18. минута погоди за предност од 2:0, по една добра акција изведена од нашите фудбалери.

Бленди Љачка имаше одлична прилика да го зголеми нашето водство, шутирајќи одлично од 20 метри, но голманот на Киргистан со добра интервенција го сочува својот гол. Во нова добра можност за гол се најде Дејан Спасевски, но немаше среќа да погоди.

Првиот контролен натпревар во Сиде, Анталија, младата репрезентација на Македонија го одигра против Русија. На тој тест меч, селекцијата на Русија забележа победа од 3:0.

Контролен натпревар во Сиде, Анталија;

Репрезентации до 16 години:

Македонија – Киргистан 2:0 (2:0);

Македонија: Ринор Цека, Васко Папалиски, Грегоријан Михајловски, Давор Јорданов, Михаил Митревски, Дејан Спасевски, Бленди Љачка, Арда Иљазовски, Фадил Исламовиќ, Сонер Ракипи, Вулнет Амети;

Резерви: Иван Стоилковски, Лука Грчевски, Давид Лиотоски, Божидар Гогачевски, Мелдин Аломеровиќ, Аријан Рамадани, Марко Мирчевски, Горјан Петковски, Лука Георгиевски, Алекса Јазагиќ, Стефан Јордановски, Коста Бошковски Андреј Цветковски;

Селектор: Драган Начевски;

Македонската фудбалска репрезентација вечерва (20:45 часот) ќе го одигра вториот квалификациски натпревар за пласман на СП 2026 година. Противник на нашата селекција под водство на Благоја Милевски е Велс, а натпреварот ќе се игра на Арената „Тодор Проески“.

Овој натпревар ќе има хуманитарен карактер, бидејќи сите приходи од продажбата на билетите ќе бидат наменети за семејствата на жртвите од трагедијата во Кочани.

Нашите фудбалери ќе настапат во темни дресови, а Бојан Миовски на теренот ќе носи нови копачки со македонското сонце, во чест на сите кои ги загубивме во страшната несреќа.

„Секој човек има своја приказна и секој човек има свое животно патување. Навраќајќи се во моето детство додека ги држев моите први копачки, се сетив дека кажав нешто што длабоко посакував: „Еден ден со цело срце ќе играм за мојата земја“ и еве ме, по многу години, играм за Македонија, мојата земја, бисерот на Балканот. Овие специјализирани копачки имаат исклучително значење, со свето нешто – моето национално знаме и иницијалите на моето семејство. На денешниот натпревар за македонската репрезентација, ќе ги носам во чест и сеќавање за сите што ги загубивме на 16.03.2025 година, за сите кои се уште се борат за своите животи и за сите семејства. Нека почиваат во вечен мир упокоените души, сите мои молитви за повредените“,