По серијата земјотреси што го погодија Истанбул утрово, турските власти апелираат до граѓаните да не влегуваат во потенцијално оштетени згради и да користат мобилни телефони само во итни случаи.

Според министерот за внатрешни работи, Алије Јерликаја, тимовите за управување со катастрофи и вонредни состојби веќе започнале со проценка на штетите на терен.

Првите слики што пристигнуваат од Истанбул покажуваат вознемирени граѓани како во паника ги напуштаат зградите и се обидуваат да воспостават контакт со своите најблиски. Силниот земјотрес предизвика страв и евакуации низ целиот град.

Жителите на Истанбул се во шок по земјотресот. Селин Титер, била на работа во деловна зграда на европската страна од градот кога започнал земјотресот, пренесуваат медиумите.

На почетокот според изјавата, почувствувала како земјата се поместува под неа, исфрлајќи ја од рамнотежа. Потоа слушнала длабок татнеж, „како нешто да удираше одоздола“.

„Кога тоа се случи, многумина испаничија. Многумина почнаа да бегаат“, рече таа.

Таа додаде дека многу луѓе во Истанбул се многу претпазливи кога станува збор за земјотреси, особено по катастрофалните земјотреси од 2023 година во Турција и Сирија, кога загинаа 55.000 луѓе.

„Повеќето луѓе што живеат во Истанбул знаат дека се очекува голем земјотрес. Луѓето сега се прашуваат – дали ова беше претпотрес?“

Турската агенција за вонредни ситуации објави дека уште три земјотреси се регистрирани во населбата Бујукчемеџе во западниот дел на Истанбул. Поради огромниот број на пристапи до веб-страницата на агенцијата, системот привремено беше исклучен, а дополнителни информации се очекуваат во наредните часови.

Последователно, официјалната проценка на јачината на земјотресот беше намалена на 4,9 степени според Рихтеровата скала, а епицентарот се наоѓа во Мраморното Море во близина на Истанбул. Претходно беше објавено дека земјотресот бил со јачина од 6,2 степени.

Министерот за транспорт и инфраструктура, Абдулкадир Уралоглу, изјави дека нема пријавени штети на патиштата, железниците, аеродромите и линиите на метрото во Истанбул.

Истанбул, град со повеќе од 16 милиони жители, се наоѓа на Северноанадолскиот расед, познат по својата висока сеизмичка активност. Експертите со децении предупредуваат дека уште еден голем земјотрес е само прашање на време и дека илјадници лошо изградени згради, изградени за време на градежниот бум, се главната причина за потенцијални трагедии.

Медиумите потсетуваат дека Истанбул неколку пати низ историјата бил погоден од разорни земјотреси. Најстрашниот во историјата се случил во 1509 година и е познат како „мала апокалипса“.

Се апелира до граѓаните да бидат максимално внимателни и да ги почитуваат упатствата на надлежните служби.

Грција започнува сериозна борба против интернет-пиратеријата – казни и за обични корисници

Грчката даночна управа (AADE) го засилува надзорот над онлајн пиратеријата и за првпат таргетира и обични интернет корисници. Според новиот закон 5179/2025, граѓаните што гледаат или преземаат пиратски филмови, серии, музика или спортски содржини – преку торенти или нелегални стриминг платформи – ризикуваат високи парични казни до 10.000 евра.

AADE доби нови овластувања не само да ги санкционира организаторите, туку и крајните корисници. Казните се разликуваат според начинот на користење:

Приватно гледање/преземање: 750 евра по прекршок, 1.500 евра за повторно.

Јавно прикажување (кафулиња, хотели): 1.500 евра, па 3.000 за повторување.

Профит од пиратерија: до 5.000 евра, па 10.000 за повторување.

Автоматска идентификација преку IP адреса

AADE во соработка со други служби, преку IP адресите може да ги идентификува прекршителите и да ги поврзе со нивниот даночен број (AFM), што овозможува директно издавање казни без дополнителни процедури.

„Dynamic blocking“ – брзо блокирање на сајтови

Новиот систем овозможува блокада на пиратски веб-страници во рок од 30 минути. Ако страницата се премести, се активира автоматски процес за повторна блокада. Ова важи за сите интернет провајдери во земјата.

Нови единици за дигитален надзор

Формирани се специјализирани тимови што секојдневно ги следат социјалните мрежи и платформите за содржина. Целта е навремено препознавање и санкционирање на сите форми на онлајн пиратерија.

Ова е дел од национална кампања за заштита на авторски права, а пораката е јасна: дури и едно гледање на пиратски филм дома може скапо да ве чини.

Дејан В.(32), кој денеска беше ранет во луксузен локал во Нов Белград е застрелан пред очите на жена му и малолетното дете, велат станарите од околните згради кои новинарите на „Блиц“ ги затекнаа на местото на престрелката.

Според очевидци, во моментот на пукањето во Нов Белград, во локалот освен Дејан В., сопругата и детето имало и 7 лица од обезбедувањето.

Според нив, пријателите по пукањето го ставиле повредениот во автомобил и го однеле во болница.

– Неодамна го презеде тој локал. Го знаеме како нов сопственик. Слушнавме дека носи и наногица – велат станарите.

– Тој е таму цело време откако го зеде локалот. Неговото обезбедување е постојано со него и гледаат кој седи внатре – тврди станарот.

Инаку, повредениот Дејан веќе и е познат на полицијата поради претепувањето на Дарко Лилиќ, синот на поранешниот претседател на Југославија – Зоран Лилиќ.

Фото: Курир.рс