Македонија

Тупанчевски не платил за летот до Палермо ниту за билетот за мечот со Италија

Published

3 years ago

April 6, 2022

Министерот за правда Никола Тупанчевски конечно ги разјасни дилемите околу неговото присуство на фудбалскиот меч Италија – Македонија. Во изјава за А1он вели дека не го прекршил владиниот етички кодекс, но исто како обвинителката Фатиме Фетаи, за хотелското сместување вели дека платил по враќањето од Палермо, на билетот за фудбалскиот меч пишувало нула – евра, а авионскиот лет, додава, бил организиран од Фудбалската федерација за гостите кои биле поканети, што значи бесплатно.

Во изјавата за порталот А1он, министерот Тупанчевски рече дека за хотелското сместување во Палермо добил фактура од македонска туристичка агенција на која, рече, имало рок за плаќањен од седум дена.

„Фактурата ја добив на 24 март, мечот беше на 25 март, фактурата имаше рок за плаќање, парите ги уплатив на 28 март“, рече Тупанчевски.

Тој негира дека плаќањето го извршил откако „пукнала аферата“, повторувајќи дека ќе ја плател без оглед дали медиумите ги поставиле прашањата или не, затоа што „фактурата имаше рок за плаќање“.

„Претпоставувам знаете дека постои можност, односно агенциите даваат рок до кога може да ѝ се платат парите“, рече Тупанчевски.

Тој не се согласи дека го прекршил етичкиот кодекс, велејќи дека чартер летот бил организиран за гостите на Фудбалската федерација, а на билетот немало цена која треба да се плати, односно пишувало „нула евра“.

Според Тупанчевски, нема прекршување на етичкиот кодекс бидејќи, нагласува, не се потрошени буџетски средства, не било ангажирано обезбедување ниту службено возило ниту пак, каква било друга привилегија од министерската функција.

За разлика од обвинителката Фатиме Фетаи, министерот Тупанчевски досега не ја прикажал јавно својата фактура за хотелското сместување.

Инаку, за време на фудбалскиот меч Италија – Македонија камерите во еден момент ја прикажаа вип – ложата во која јасно се видоа Никола Тупанчевски, Фатиме Фетаи и претседателот на судот во Кавадарци Лазар Нанев како навиваат, по што медиумите го поставија прашањето на чија сметка функционерите патувале, кој ги платил билетите и хотелското сместување.

Македонија

Жена нашла туѓа платежна картичка, па си пазарела со неа

Published

12 hours ago

December 20, 2024

Арлингтон

Во март 2024, пријавената пронашла платежна картичка, сопственост на Љ.Н., при што во повеќе наврати, извршила трансакции на различни локации.

СВР Битола поднесе кривична пријава против К.Ц. (49) од Прилеп поради постоење основи на сомнение за сторено кривично дело „оштетување и неовластено навлегување во компјутерски систем“.

Македонија

ХЕЦ Чебрен ќе се гради, но ќе биде во државна сопственост

Published

12 hours ago

December 20, 2024

Арлингтон

Хидроцентралата Чебрен да биде во државна сопственост. За оваа владина идеја на маса се седнати стручни лица од сите опфатени области. Владата не се откажува од изградбата на хидроцентралата Чебрен, а целта е истата да биде во државна сопственост. Нова студија нема да се прави. Ќе се искористат постоечките, а планот е државата да биде доминантен сопственик, во корист на сите.

Овие информации денес ги соопшти министерката за енергетика, рударство и минерални суровини, Сања Божиновска, на денешниот брифинг со новинарите.

-Сакаме тоа да биде државен проект, но прво да видиме колку пари ќе чини. Или ќе гледаме да биде во доминантна државна сопственост. Според некои проценки, сумата може да стаса од 600 милиони до една милијарда евра. Тоа за Македонија е многу, рече Божиновска.

Таа додаде дека треба да се инвестира во Чебрен за Македонија да биде енергетски независна. Особено, ако се земе предвид дека во последните три години сме дале 340 милиони евра за увоз на струја.

-Во ЕСМ постојат студии од 1960 година, а последната е од 2022 година. Професорите ги разгледаа сите студии. Ние не сакаме пак да правиме физибилити студија, тоа да ни одземе една година, или година ипол. Сакаме да направиме еден проект, за да видиме што може да се направи затоа што хидрологијата е подложна на климатските промени, рече Божиновска.

Министерката потврди дека има заинтересирани странски инвеститори за хидроцентралата и дека сакаат во изградбата да бидат вклучени домашни фирми и експерти.

Кај минатата Влада на СДСМ, немаше никаков интерес за вакви проекти, па екс-премиерот Ковачевски сакаше да го даде во странски раце и да го продаде Чебрен.

Владата на Мицкоски, размислува во насока Чебрен да стане во државна сопственост.

Македонија

“Ќе ги исклучиме сите семафори во Скопје ако нема плата” – вработени во Улици и патишта

Published

13 hours ago

December 20, 2024

Арлингтон

Вработените во „Улици и патишта“ утринава протестираа пред канцеларијата на градоначалничката Данела Арсовска, заканувајќи се со гасење на семафорите низ цело Скопје и целосна блокада на главниот град , пренесува Сител.

„Доколку не земеме плата, ние си продолжуваме. Од понеделник со возила ќе излеземе на улица и семаформите ќе ги исклучиме да не работи целиот град“ – Нусрет Пашалиќ, вработен во Јавното претпријатие „Улици и патишта“

Според синдикатите, доцнењето со платата не е единствениот проблем. Тврдат дека сметката на претпријатието е блокирана поради долгови, нема ризла и нафта за работа, дел од машините се расипани оти не се сервисирани, а имаат и проблеми со регистрацијата.

„Побарано е од раководството на јавното претпријатие, синдикални пари што има членство тие скромни пари, да им ги дадеме да ги регистрираат возилата. Луѓе, ова е жално, смешно, трагично не знам како да кажам“ – Марјан Ристески, КСОМ