Полицијата на прес-конференција во 18 часот соопшти дека во нападот во училиштето Oребро загинале околу 10 лица.

„Не можеме да бидеме попрецизни од тоа. Работиме на идентификување на убиените“, велат тие.

Напаѓачот од претходно не и бил познат на полицијата. Полицијата верува дека тој дејствувал сам.

– Веќе нема никаква опасност, соопшти полицијата.

Полицијата не дава информации за возраста на жртвите.

Мотивот за овој страшен настан е непознат, тврди директорот на градската полиција Роберто Еид Форест, но се чини дека не станува збор за тероризам или организиран криминал.

Неколку шведски медиуми јавуваат дека 11 лица загинале, а неколку други се повредени. Претходно беше соопштено дека во Универзитетската болница се згрижени шестмина повредени.

Но и покрај добрата заработувачка, во Германија ова речиси никој не сака да го работи

Многу наши граѓани заминуваат да го бараат своето подобро утре во поразвиените земји од Европа, а најголемиот дел од нив нема никогаш да се врати во Македонија.

Нивните животи едноставно продолжуваат таму, а Македонија секојдневно се празни, посебно низ помалите градови.

Една од земјите во кои најчесто заминуваат луѓето од нашата земја е Германија, каде не морате секогаш да сте на некоја висока позиција за да заработите неверојатна сума на пари гледано од наша перспектива. Имено, во оваа развиена европска држава многу работни позиции кои кај нас се гледаат со потценување, но и кои во нашата земја најчесто се мизерно платени, таму не само што се заработува пристојно, туку и се поплатени од многу други.

Станува збор за работни позиции за кои не ви треба академска титула, но кои во исто време и не се баш популарни во Германија.

Еве некои од нив:

Гробар

Како што може да се прочита во германските медиуми, денес ретко кој од младите во Германија прифаќа да се занимава со оваа работа. И бидејќи нема многу заинтересирани, а истовремено станува збор и за дејност во која тешко некој може да останете без работа, за оваа позиција платата е далеку од лоша. Па така, според статистиката преку 25 % од гробарите заработуваат и повеќе од 3.762 евра бруто месечно, а оние што ќе го научат занаетот и многу повеќе.

Но секако не треба да се заборави дека станува збор за поприлично тешка работа, посебно ментално, наведуваат германските медиуми.

Пастор

Покрај гробарите, во Германија добро се платени и свештените лица, а исто така и оваа работа не е премногу популарна. Според порталот „Gehalt.de“, еден пастор во Германија има просечна бруто месечна плата од околу 6230 евра, но за да станете свештено лице во Католичка црква потреби се околу седум години, додека за протестантите се бара дури и нешто повеќе, па така овие работни позиции не се популарни кај младите, иако свештените лица најчесто добиваат и службен стан така што вкупните трошоци им се помали.

Извор: glamur.mk

Новиот систем за влез/излез (ЕЕС) најверојатно ќе биде имплементиран во текот на 2025 година, додека системот ЕТИАС ќе следи неколку месеци подоцна.

Според податоците на официјалната веб-страница на Европската унија, имплементацијата на системот за регистрирање граѓани кои не се членки на ЕУ кои патуваат на краток престој во 29 европски земји треба да започне во 2025 година, додека ETIAS ќе биде оперативен шест месеци по имплементацијата на EES. 

Во декември 2024 година, Европската комисија предложи почеток на системот за ЕЕС и им даде на земјите-членки шест месеци да го спроведат.

EES првично беше најавен за 10 ноември 2024 година, но поради неизвесност за непречено функционирање беше одложен со најава дека ќе се применува постепено, а не на сите гранични премини на ЕУ одеднаш, како што првично беше најавено.

Се очекува ЕУ да ги објави точните датуми оваа година.

Што е EES систем?

Системот за влез/излез (EES) е автоматизиран ИТ систем за регистрирање на државјани кои не се членки на ЕУ кои патуваат на краток престој, секој пат кога ќе ги преминат границите.

Нови системи за патување: Еве што ќе ви треба за да ја преминете границата

EES ќе функционира така што ќе бара биометриски податоци како отпечатоци од прсти и фотографија на граничните премини, покрај вашиот пасош.

Системот ќе се применува на граничните премини на следните земји: Бугарија, Хрватска, Унгарија, Романија, Словенија, Грција, Австрија, Белгија, Чешка, Данска, Естонија, Финска, Франција, Германија, Исланд, Италија, Латвија, Лихтенштајн, Литванија, Луксембург, Малта, Холандија, Норвешка, Полска, Португалија, Словачка, Шпанија, Шведска, Швајцарија.

Што е системот ETIAS?

Системот ETIAS ќе вклучува издавање одобрение за патување кое ќе чини седум евра, кое патниците ќе треба да го добијат пред да го започнат своето патување во Европа.

Тој ќе биде поврзан со пасошот на патникот и ќе важи до три години или до истекот на важноста на пасошот, кое и да е прво.

Ќе биде потребна дозвола ETIAS за влез во: Хрватска, Бугарија, Романија, Унгарија, Грција, Словенија, Австрија, Белгија, Кипар, Чешка, Данска, Естонија, Финска, Франција, Германија, Исланд, Италија, Латвија, Лихтенштајн, Литванија , Луксембург, Малта, Холандија, Норвешка, Полска, Португалија, Словачка, Шпанија, Шведска и Швајцарија.