Македонија

Неделков потврди: ШТРАЈКОТ во основните и средните училишта ПРОДОЛЖУВА, градинките ќе почнат да работат регуларно

Published

3 years ago

April 27, 2022

Претседателот на СОНК Јаким Неделков ги сумираше заклучоците од денешниот Совет на СОНК кој разговараше за вчерашните договори со Владата.

-Нашето членство се изјаснуваше по однос на договореното и ги сумиравме резултатите. Од вкупно 480 синдикални организации, 388 беа за продолжување на штрајкот, а 83 за прекинување на штрајкот. Најголем дел од овие се од синдикатот за детска заштита, додека за продолжување на штрајкот се изјаснија синдикалните организации од основното и средното образование. СОНК со оглед на сумираните резултати, одлучи штрајкот во основното и средното образование да продолжи и во утрешниот ден се до исполнување на нашите барања. Во градинките штрајкот ќе се стави во мирување, градинките редовно ќе работата во интерес на родителите, децата и на стопанството кое трпи, и ќе ги отворат вратите и ќе работат со нормален интензинет, рече Неделков.

Советот на СОНК одлучи да организира голем масовен протест во среда 4 мај 2022 пред Владата.

Македонија

Пукано во 20-годишно момче од Шуто Оризари – посочен е можниот сторител

Published

1 hour ago

November 14, 2024

Арлингтон

Денеска (14.11.2024) во СВР Скопје било пријавено дека на подрачјето на Шуто Оризари, Ш.М.(20) од Скопје бил повреден од огнено оружје, а како можен сторител бил посочен Х.И.(47) од Скопје.

Се преземаат мерки за расчистување на случајот.

Македонија

Мајка ја наведувала нејзината малолетна ќерка на проституција

Published

1 hour ago

November 14, 2024

Арлингтон

Надворешната канцеларија за криминалистички работи Свети Николе, поднесе кривична пријава против Љ.Н.(42) од Свети Николе, поради постоење основи на сомнение за сторено кривично дело „запуштање и малтретирање на дете“.

Пријавената, во периодот од 2020 до 24.10.2024, ја наведувала нејзината малолетна ќерка на проституција, за што добивала паричен надомест.

Македонија

Вработена во МВР го оштетила Буџетот за над 189.000 денари

Published

1 hour ago

November 14, 2024

Арлингтон

Одделот за внатрешна контрола, криминалистички истраги и професионални стандарди, до надлежното Основно јавно обвинителство Скопје, поднесе кривична пријава против С.Т. поради постоење основи на сомнение за сторено кривично дело ,,несовесно работење во службата“ по член 353-в став 1 од Кривичниот законик.

Пријавената С.Т. – на работното место помошник на министерот во Центарот за обука на МВР, во периодот од септември до октомври 2023 година, постапила несовесно во вршење на своите должности и овластувања, на тој начин што на лица со кои министерството имало склучено договор за основна обука за полицаец (генерација 2023/2024) им овозможила да продолжат со основната обука и покрај тоа што им бил откажан договорот за основна обука поради тоа што не ги освоиле потребните бодови за продолжување на обуката во друг модул. Пријавената самоволно и незаконски им овозможила да ја продолжат обуката на начин што им биле прифатени поднесените приговори, им било извршено ретестирање спротивно на подзаконските прописи што ја регулираат предметната материја и им овозможила да засноваат работен однос во министерството и покрај тоа што во договорот била предвидена одреба согласно која во случај на спор постапувањето е во надлежност на судот.

Со тоа што им овозможила на кандидатите за полицаец понатамошно право на обука, престој и исхрана во Центарот за обука во МВР, таа го оштетила буџетот на МВР во вкупен износ од 189.777 денари.

Одделот за внатрешна контрола, криминалистички истраги и професионални стандарди изрече задолжителни мерки да се преиспита основаноста на склучените договори за работа.