Најмалку две докторки специјалисти се под сомнеж дека биле дел од организирана шема за незаконско додeлеување инвалидиски пензии.

Истрагата засега води до 50 лица вмешани во криминалот. И Министерот за здравство Арбен Таравари имал информации за нечесни доктори. Порача дека сите што се огрешиле треба да одговараат.

Министерството за здравство ќе набави 100 нови амбулантски возила – процедурата наскоро ќе почне

Министерството за здравство подготвува набавка на 100 модерни амбулантски возила за потребите на болниците низ целата држава. Како што изјави министерот Арбен Таравари денеска од Куманово, се очекува овој план да помине на владина седница, по што ќе почне и официјалната постапка.

Возилата ќе бидат распределени според потребите на здравствените установи, со фокус на оние болници што се соочуваат со најголем недостаток.

„Инаку од 2014-та година, за жал, не се набавени возила мислам од Министерството за здравство. Има возила коишто ги набавиле на пример, самите болници или пак донации од општествено-одговорни компании, како што денеска е случајот со ‘Балкан Груп’“, изјави Таравари.

Министерот нагласи и дека здравствениот систем се соочува со сериозен недостаток на доктори, средномедицински и технички кадар ширум државата. Сепак, како што посочи, веќе се преземаат конкретни чекори.

„Сите болници имаме недостаток на кадар, каде и да одите во Македонија – од Гевгелија до Гостивар, од Охрид до Куманово, од Велес до Штип, секаде до Кичево, секаде има недостаток на кадар. Знаете дека сме започнале, веќе 250 специјализанти се вработуваат, за средномедицинскиот кадар, тече постапката да се трансформираат работните места од договор во решенија. 1.800 вработувања за една година, никогаш не се случило во Македонија во здравствениот систем“, рече Таравари.

Во текот на вчерашниот ден (23.04.) санкционирани 865 возачи, 128 за неносење заштитен шлем

Вчера (23.04.) во рамки на активностите на полициските службеници од сите осум сектори за внатрешни работи при БЈБ на МВР, а во врска со засилените сообраќајни контроли за почитување на сообраќајните правила и прописи на патиштата низ државава, беа издадени 865 платни налози.

Според статистичката евиденција по однос на сторените прекршоци согласно Законот за безбедност на сообраќајот на патиштата, и натаму меѓу најбројните се прекршоците на непрописно паркирање (213), потоа прекршоците по основ на движење со неприлагодена брзина од дозволената (117), како и прекршоците по основ на непоседување на возачка дозвола (110).

Покрај ова, вчера беа изречени и 128 прекршочни платни налози за мотоциклисти по основ на неносење заштитен шлем, потоа во четири случаи казнети се алкохолизирани возачи, седумина возачи минале на црвено светло, а прекршочни пријави заработиле и петмина пешаци.

Исто така по основ на неносење сигурносен појас изречени се 47 прекршочни казни, по основ на недозволено говорење на мобилен телефон при возење – 25.

Согласно, пак, Законот за возила од сообраќај се исклучени 33 нерегистрирано возило како и 10 технички неисправни возила.