На адресата, „Јован Цвијиќ 33“ во Нови Сад, односно семејната куќа на Џоле, беше претставена антологија на љубовната поезија на Ѓорѓе Балашевиќ, и премиерно беше изведена негова досега непозната песна, пишува „РТС“.

„Се сеќаваме на Џоле секогаш кога сме културни, секогаш кога некому му се заблагодаруваме, секогаш кога некого сакаме, секогаш кога сме најдобри домаќини на странците“, вели Алекса Балашевиќ.

„Џоле е некаде безбеден и неговото присуство во оваа куќа е такво. Конечно“, тврди Јелена Балашевиќ.

Повторната средба со со него, пред неговата куќа, беше посебен аудио-визуелен настан, тамбурџии и членови на семејството. Целиот регион ги чекаше овие стихови, а ќе ги има уште, бидејќи во новата книга има и необјавени песни и преписки меѓу сопружниците. Секоја содржи и оригинални делови од ракописот на Балашевиќ.