Македонија

Имаме со што да се гордееме – Македон од Тетово е вистински гениј

Македон Димитровски има само седум години и со леснотија решава математички задачи како за втора година од средно образование. Овој мал генијалец неодамна на Македонија ѝ донесе златен медал во натпревар по математика, во конкуренција со 4.000 учесници од цел свет, пренесува Нова Македонија.

– Натпреварот се вика „Математика без граници“ и се организира во 22 земји во цел свет и се реализира преку менторите во училиштата. Неговата учителка поттикна Македон да оди на натпревар, па ние го пријавивме. За првиот натпревар, кога полагаше, малку се подготвуваше дома, и потоа освои златен медал. Во вториот дел се натпреваруваат сите успешни од првиот натпревар. Ама ние не разбравме дека треба пак да се пријавиме. И испадна дека не може да учествува. Арно ама, неговата учителка пишала до организаторот и дека беше со освоен златен медал, па го примија. Се полагаше истиот ден, само овојпат немаше подготовка зашто немаше време, и пак освои златен медал. Сега го поканија на некое завршно финале во Несебар, но не знам дали ќе успемее да отидеме – раскажува неговиот татко Владимир Димитровски.

Македон чита и пишува од две години. И на латиница и на кирилица. Течно говори и англиски јазик.

– На четири години го носевме на тестирање во еден центар за психологија. И кога го однесов, психологот со кој разговаравме ни рече дека нема тест за таа возраст. Македон решаваше тест за возраст од 7 до 14 години, а испадна дека има коефициент на интелигенција 134. Ни рекоа дека со текот на возраста тој коефициент ќе достигне до 145-150. Кога го запишувавме, пак, во прво одделение, според процедурата, нели, бевме на психолог за тестирање. Таа ни рече: Над 40 години работам, ама вакво дете немам видено. Нѐ праша дали сакаме веднаш да се запишеме во второ или трето одделение. Не сакавме зашто е важен и емотивниот развој. А нему и нема да му смени многу зашто и тоа што се учи во погорните оделенија не му е предизвик, сѐ знае – раскажува таткото.

Македон во само еден час ги има научено кинеските бројки до милион, и како се читаат и како се пишуваат и како се изговараат. Истото се има случено и кога го пратиле на курс по германски јазик. После само еден час тој ги знаел бројките до милион.

– Детето има фази на интерес. Галаксиите ги научи до најмала ситница, секоја планета која темепратура ја има, колку е оддалечена од Земјата, дали е масата цврста, гасовита, немаше нешто што не знаеше, а имаше само пет години. Сега е во фаза географија. Не само што ги знае знамињата, ги знае и како се менувале минативе 100 години. Во последно време сака да „предвидува“, ги црта картите на Европа и кој која земја ќе ја заземе и како ќе изгледа мапата на Европа или на светот за едно 20 години. Тон такви мапи има нацртано – раскажува Владимир.

фото: Приватна архива
Сепак, математиката му е број еден, нема фази во тоа.

– Уште на три години пресметуваше броеви, синуси, квадратни корени, и на трицифрени броеви, без никакво помагало. Во Македонија нема институција каде што би го пратиле, па земавме приватно професор по математика. Сака некој да го насочи, да му даде предизвик. Сега е второ одделение, а решава задачи за втора средно. Професорот што работи со него ни вели: Јас магистри сум спремал, ама ова немам видено. Работи со него за да го држи во кондиција – вели Владимир.

Талентите на Македон имаат широк дијапазон. Математика, јазици, вселена, географија…

-Географија и математика ме прават најсреќен. Географија поради тоа што е најинтересно, а математика поради бројките, зашто многу ги сакам – вели Македон.

Најмногу време сака да поминува со деца, вели дека обожава друштво и има многу другарчиња.

-Многу сакам да возам и тротинет. Имам и симпатија, собрав храброст и веќе и кажав, таа малку се срамеше – ни се довери Македон.

Тој многу ја сака и музиката.

– Имаме дома еден синтизајзер. И само слушам еден ден некој свири горе. Си реков некоја демо-снимка и одам и го гледам Македон свири, и тоа Бетовен. Ми вика: Ја имам чуено еднаш на Интернет. Јас и мајка му гледаме и се чудиме – вели Владимир.

Македон е второ одделение во основното училиште „Лирија“ во Тетово. И покрај интелектуалните предизвици, Македон најмногу сака да ја дели играта со други деца.

Извор: Нова Македонија

Up Next

(Видео) Душичка-Мече со скршена нога снимено како минува улица во Маврово

Don't Miss

Бугарската авиокомпанија „Гуливер“ престана да продава карти за летот Софија – Скопје

Европа

ЕУ најавува драстично заострување на миграциските правила — нови центри, затегнати контроли и затвор за одбиени баратели на азил

Европската Унија се подготвува да воведе најстроги миграциски мерки во својата историја, како одговор на растечки политички притисоци и зголемени миграциски текови, јавува регионалниот портал.

Што предвидуваат новите мерки?

Предлог-документот предвидува формирање на „центри за враќање“ (detention/return camps) надвор од територијата на ЕУ, каде што мигрантите со одбиено барање за азил ќе бидат сместувани и брзо враќани во безбедни држави.

За оние кои одбиваат доброволно да ја напуштат Унијата, се предлагаат две опции: долг притвор или присилно отстранување.

Како цел на овие мерки се наведува — „враќање на контрола“ над миграцијата и спречување на нелегалните влезови во Унијата.

Реакции и критики

И покрај падот на незаконските преминувања за околу 20 % во последната година, дел од земјите членки усвојуваат поостри позиции. Европскиот комесар за миграција изјави дека „ЕУ мора да функционира побрзо и поефикасно” за да ја врати довербата на граѓаните.

Сепак, мерките наидоа на остра критика од организации за човекови права, кои предупредија дека вакви политики ја зголемуваат ранливоста на мигрантите, отвораат можност за кршење на човековите права и создаваат „правна сива зона“ за илјадници луѓе.

Некои земји – како Франција и Шпанија – ги изразија своите сомнежи за законитоста и практичноста на предлог-центри надвор од ЕУ, предупредувајќи дека ваквите решенија веќе покажале дека можат да пропаднат.

Какво значење имаат новите мерки?

Ако се усвојат, овие правила најверојатно ќе претставуваат голема промена во миграциската политика на ЕУ — од политика на интеграција и азил, кон политика на строги контроли, затворање и враќање.

Тоа значи дека лицата со одбиен азил веќе нема да имаат можност за долго легално останување во земјите членки, a државите ќе добијат инструменти за побрзо справување со миграциските текови и заштита на границите.

Во меѓувреме, организации за човекови права и дел од земјите-членки предупредуваат дека без оддржлив механизам за интеграција, ваквите мерки може да доведат до раст на илегалната миграција, тешка социјална состојба и дополнително маргинализирање на ранливите категории.

Македонија

Божиновска: Св. Климент Охридски е темелот на нашата духовност, писменост и водилка на нашето образование

По повод големиот христијански празник посветен на Свети Климент Охридски, министерката Божиновска упати честитка, истакнувајќи го неговото огромно значење за македонската духовна, културна и образовна историја.

Во пораката, Божиновска потсетува дека го прославуваме творецот на прочуената Охридска книжевна школа, еден од најзначајните средновековни писатели, педагози и духовници, чие дело оставило длабок белег во развојот на словенската писменост.

„Свети Климент Охридски со својата неуморна просветителска работа, со своите дела и со својата посветеност стана заслужен не само за македонскиот народ, туку и за целиот христијански свет,“ истакнува министерката.

Таа додава дека наследството на Св. Климент и денес е темел врз кој се градат современото образование, духовност и културен идентитет, потсетувајќи дека неговата мисија продолжува да инспирира генерации ученици, наставници, научници и духовни водачи.

Министерката ја заврши честитката со порака за единство и напредок:

„Да го чуваме и надградуваме она што го создаде големиот просветител. Делото на Св. Климент нека нè води кон мудрост, знаење и човечност.“

Македонија

Проданоски: Св. Климент Охридски е светилник на нашето образование и традиција

Градоначалникот на Прилеп, Дејан Проданоски, упати честитка до православните верници и до сите сограѓани по повод големиот христијански празник посветен на Свети Климент Охридски, истакнувајќи го неговото исклучително значење за македонската духовна, културна и просветителска традиција.

„Денес го славиме споменот на еден од најважните духовници, учители и просветители во македонската историја – светителот кој ги постави темелите на словенската писменост, ја создаде Охридската книжевна школа и го зацврсти македонскиот духовен и културен идентитет,“ истакна Проданоски.

Тој нагласи дека богатото наследство на Св. Климент и денес е силен столб врз кој почиваат нашите образовни и духовни вредности, потсетувајќи дека неговото дело продолжува да инспирира генерации ученици, наставници и интелектуалци.

„Нека делото на Свети Климент не води кон мудрост, добрина и човечност. Нека празникот ни донесе мир, здравје и благосостојба,“ порача градоначалникот, завршувајќи со традиционалната честитка:

„За многу години!“