Создавањето заеднички гранични пунктови Елез Хан-Блаце и Јажинце-Глобочица е повеќе од гранична инфраструктура, тоа се нови точки за услужување и соработка, кои уште повеќе ги поврзуваат Македонија и Косово и натаму го зајакнуваат добрососедството“ – изјави премиерот на Косово Албин Курти на денешното предавање во употреба на едношалтерскиот систем на граничниот премин Елез Хан-Блаце. Ова го објави информативниот портал на албански јазик „Алфакс“.

Порталот натаму пишува: Курти истакна: „Отсега граѓаните ќе бидат проверувани само на влезот во земјата домаќин, а податоците ќе се разменуваат во реално време преку заеднички технолошки систем. Само во 2024 година повеќе од 5 милиони граѓани ги поминале трите гранични точки меѓу Македонија и Косово. Оваа бројка е потврда за поврзаноста меѓу нашите луѓе, но и за потребата за слободно и брзо движење и на граѓаните и на стоката. Не радува тоа што отсега нашите полицајци ќе работат рамо до рамо на исти простори.“

Тој изрази очекување дека оваа иницијатива ќе биде придружена со доизградба на автопатот Скопје-Блаце и тунелот на оската Тетово-Призрен.

Група студенти во Нови Пазар денеска се обиде да ги запре автобусите со кои од Нови Пазар стотици приврзаници на српската власт тргнуваа кон Белград на големиот митинг на кој ги повика претседателот Александар Вучиќ.

Студентите седнаа на улицата пред кружен тек во градот, по што интервенираше полицијата, која ги отстрани и ги приведе, јавуваат српските медиуми. 

Денеска во Белград се одржува централниот настан на тридневниот собир „Не ја даваме Србија“, кој е одговор на власта на шестмесечните протести на српските студенти ширум земјата.

https://www.facebook.com/plugins/video.php?height=476&href=https%3A%2F%2Fwww.facebook.com%2Fsloznoprotivdiktature%2Fvideos%2F1463727907922602%2F&show_text=false&width=267&t=0

Посериозен конфликт меѓу полицијата и граѓаните во Нови Пазар се случи откако студентите, според информациите од социјалните мрежи, го блокирале преминот на автобусите со приврзаници на СНС на пат кон митингот во Белград.

Студенти и граѓани седнаа на коловозот во обид да го блокираат минувањето на автобусите, но полицијата, според видеата објавени на социјалните мрежи, насилно интервенирала и почнала да ги отстранува од улицата, пишува Нова.

Насобраните извикуваа: „Срам ви е?“, „Срам да ви е“, додека полицајци, како што може да се види на видео снимките, влечеа некои граѓани за раце и за нозе.

Полицијата ја отстрани толпата од коловозот и дозволи автобусите да поминат.

Додека возилата поминуваа, граѓаните и студентите со негодување и свирежи им викаа „Чаци“.