Македонија

Почина Сашо Пижевски – Пиже од култните „Хавана Бенд“

Published

2 years ago

May 18, 2022

На 57 годишна возраст, почина Сашо Пижевски – Пиже — познат скопски шоумен, пејач и угостител. Тажната вест на социјалните мрежи прв ја објави Игор Џамбазов. Тој се прости од Пиже преку социјалните мрежи.

Пиже е роден е во скопско Дебар маало, каде го поминал своето детство, за потоа да се преселил во Влае, каде што и до денеска живееше. Тој е еден од главните творци на ноќниот и забавен живот во Скопје од крајот на 80-тите па со мали паузи сè до денес.

Заедно со Горан Атанасов – Зеко и Игор Џамбазов бил основач и член на култната група Хавана Бенд, која била своевидна атракција на македонската естрада во раните 90-ти, позната по хитовите Шток ми бејби, Нема спас, Дај ми, жити се и др. По нејзиното распаѓање, се посветил на својот бизнис – угостителството и само повремено, како гостин, учествувал во неколку музички проекти.

Во последно време актуелен беше со повторното обединување на Хавана Бенд и нивниот хит Балада за мајка ти и татко ти, плод на соработката со Александар Митевски и како сопственик на привлечниот кафе-бар Мајка ти и татко ти.

Џамбазов, се прости од него.

„Каде бе Пиже? Каде бе брате? Само пред пет дена пиевме кафе кај мене у маало. Ми збореше за Скјатос, а во очите ти светкаа тинејџерски искри на радост. Имаше повеќе живот во тебе од сите гости во бавчата. Ми рече: “Џамбаз, уште не и ме се дааме на копиљациве, така? Па шо бе, боље изглеаме од нив”. Довидување, другар мој. И сликни едно селфи од горе. Ја ќе го објавам, ти шерни го. Тага. Збогум брате…“, напиша Џамбазов.

View this post on Instagram

A post shared by Игор Џамбазов (@igordzambazov)

Македонија

Работник, качен на скеле, без заштитна ограда и без шлем, ниту врзан, работи на висина од 10 метри

Published

3 hours ago

November 5, 2024

Арлингтон

Очигледно немилиот настан што се случи пред 3 дена кај просторот на поранешната фабрика „Треска“ во Скопје каде падна работник од скеле не ги освестува ниту градежниците ниту работниците. Твитер профилот Римувач објави снимка на работник како е качен на скеле без заштитна ограда, без шлем како извршува работи на вистина од 10 метри.

„За да однесе пари дома овој работник се качил на скеле без заштитна ограда, кое се ниша небаре чека момент да се разглоби, а нема ниту шлем… ова е слика за алчноста на сопствениците на градежни фирми и немоќта на инспекцијата, при што битен е само профитот, не и човечкиот живот“, стои на описот на овој профил.

Македонија

Македонија подготвува нов пакет помош за Украина

Published

3 hours ago

November 5, 2024

Арлингтон

Владата денес ќе донесе одлука за обезбедување нов пакет помош за Украина. Ова го најави министерот за одбрана Владо Мисајловски, на форумот организиран по повод 75-годишнината од НАТО во МНР.

Министерот Мисајловски вели дека Македонија ќе се приклучи на барањата на другите земји членки на алијансата и на ЕУ да продолжи да го помага одвраќањето на руската агресија. Не беше соопштено што ќе содржи помошта за Украина но Мисајловски најави дека тоа ќе се објави откако ќе биде одржана затворената седница на Владата денес во попладневните часови.

„Ќе продолжиме да помагаме. Затоа сме пријатели“, порача министерот Мисајловски тврдејќи дека помош ќе има и во иднина според можностите на Македонија.

Тој најави забрзана модернизација на нашата армија за која идната година одвојувањата ќе бидат над два отсто, порачувајќи дека станува збор за сериозни суми пари.

Македонија

Почина работникот кој пред 3 дена падна во градилиштето „Треска“

Published

3 hours ago

November 5, 2024

Арлингтон

Почина 27-годишниот Л.Ш од село Ѓермо тетовско откако пред 3 дена падна од градилишето „Треска“ во Центар. Младото момче се здобило со тешки повреди при што било пренесено на скопските Клиники. МВР овој случај го имаше забележано и во билтенот.

„На 02.11.2024 во 20.40 часот во СВР Скопје било пријавено дека околу 16.30 часот, при извршување градежни работи на објект во изградба на подрачјето на Центар, со тешки телесни повреди се здобил Л.Ш.(27) од с.Ѓермо, тетовско. Тој бил пренесен во Комплексот клиники „Мајка Тереза“ во Скопје, каде околу 18.30 часот починал“, се вели во соопштението на МВР.

Од полцијата додаваат дека бил извршенувид од увидна екипа од СВР Скопје, бил известен трудов инспектор, а по наредба на Јавен обвинител телото на починатиот било предадено на обдукција.