Битола беше домаќин на 30-то поединечно Државно првенство во бокс, каде спортската сала „Боро Чурлевски“ блесна со енергија и страст за овој спорт. Настанот, кој ја собра елитата на македонскиот бокс во сите возрасни и тежински категории, ја потврди Битола како центар на спортскиот дух и традицијата.

Градоначалникот Тони Коњановски го истакна значењето на овој спортски хепенинг, со посебен акцент на возобновувањето на култниот турнир „Битолски победник“. „Битола, како спортски град и дом на еден од најдобрите боксерски клубови – БК Пелистерски јунак, гордо го прифати предизвикот. Возобновувањето на ’Битолски победник‘ е симбол на нашата посветеност за спортот и за градот како носител на традициите и иднината,“ изјави Коњановски.

На првенството, кое беше организирано од националната боксерска федерација предводена од Кристијан Андреевски, со поддршка на Општина Битола и БК Пелистерски јунак, се добија новите државни шампиони.

„Публиката во Битола имаше можност да ужива во врвниот спортски настан, а оваа традиција ќе продолжи. ’Битолски победник‘ беше последен пат организиран во 1996 година, а сега, со поддршка на сите нас, го враќаме овој симбол на македонскиот бокс,“ додаде градоначалникот.

Со враќањето на овој историски турнир, Битола ја зацврстува својата улога како лидер во спортскиот развој и промотор на македонските спортски вредности.

МВР, Бирото за јавна безбедност и СВР Скопје работат во насока на разбивање на една криминална група на подрачјето на градот Скопје, која што години наназад беше недопирлива за овие институции, рече денеска премиерот Христијан Мицкоски.

Сведоци сме на една робусна акција на МВР, на Бирото за јавна безбедност и на СВР Скопје, во насока на разбивање на една криминална група на подрачјето на градот, која што години наназад беше недопирлива за овие институции. Но, она кое што го направија овие институции претставува исклучително значајно, затоа што само пред два дена се најдени околу 200 грама експлозив кои се доволни да кренат во воздух која било поголема зграда на Влада, на Парламент, рече Мицкоски.

За потсетување, покрај досегашната заплена на милиони евра, накит, автомобили, часовници и други вредни предмети, во Арачиново со багери, детектори за метал, под земја, но и во шупи, во дворови на куќи и празни плацови се бараше што има скриено криминалната група Беланоца, а најдени се и 14 гранати 40мм и две калапчиња од 200гр ТНТ.

Најави дека ќе продолжат во битката против сузбивање на криминалните структури, но и на повикување на одговорност на политичките криминалци.

Со оваа влада граѓаните можат да бидат безбедни. Продолжуваме во нашата одлучна битка против сузбивање на ваков тип на криминални структури, но и на повикување на одговорност на политички криминалци кои што во изминатите седум години ја пустошеа Македонија. Повикувам граѓаните да бидат, мирни, спокојни и да знаат дека оваа Влада буквално води сметка за се она кое што треба да ја гарантира нивната безбедност, рече Мицкоски.

Извор: Вечер.мк

Вчера во Штип биле приведени Љ.Д. (45), И.Д. (25), А.Д. (24), Т.Д. (22) и К.Д. (25), сите од Штип, затоа што нападнале полициски службеници при вршење на службени дејства.

Претходно, полициските службеници се упатиле кон манастирот „Воскресение Христово“ во атар на Штип, каде била пријавена кражба и по преземените мерки и активности во врска со тој настан, се упатиле кон Штип. При тоа, кај местото викано Елките, забележале запрежно возило натоварено со бесправно исечени огревни дрва. При преземањето мерки и активности за расчистување на настанот, полициските службеници биле нападнати од Љ.Д. (45), И.Д. (25), А.Д. (24), Т.Д. (22) и К.Д. (25), кои употребиле и тврди и остри предмети. Еден полициски службеник испукал и предупредувачки истрел во воздух, по што лицата се лишени од слобода и по документирање на случајот, ќе биде поднесена соодветна пријава. Двајца полициски службеници биле повредени.