АД Државна лотарија под водство на Перпарим Бајрами, поранешниот директор кој е недостапен за органите на прогонот, трошоците за услуги и за работење за една година ги има зголемено од 6 на 11 милиони евра, пренесе Фактор.

Како што наведуваат ова за прв пат може да се види откако акционерското друштво пред неколку дена го објави ревизорскиот извештај за своето работење од пред една година на платформата на „Македонска берза“. Таму пишува дека трошоците за работењето, односно за продажба, се зголемени од 361 милиони на 670 милиони денари до крајот на 2023.

Трошоците за закупнини се зголемени од 14 милиони на безмалку 54 милиони денари, односно 900.000 евра. Услугите за одржување пораснале од 11,3 на 31,1милиони денари. За реклами и промоции биле издвоени 130 милиони, а една година претходно тој трошок изнесувал 47,5 милиони денари. „Провизии за продажба“ како услуга е прикажана во висина од 105 милиони денари, а претходно за тоа биле платени околу 67 милиони. За транспортни и комунални услуги биле потрошени 700.000 евра, а една година пред тоа тоа било двојно помалку. 

Спонзорствата и донациите биле речиси двојно зголемени од 25,6 на 48,2 милиони денари.  Ставката „платени посебни давачки и надомести“ изнесува 935.000 евра, а претходно за ова не биле платени ниту цели 300.000 евра. За „професионални услуги“ исплатен е речиси еден милион евра, а една година претходно само 350.000 евра.

Обвинителството и судството имаат доверба во јавноста од само 2%, ниво кое е помало отколку довербата во “шибицарите“ што измамуваат луѓе на улица со триковите преку три кутии од ќибрит и топчето што никако го нема кај што сте го виделе.

Дека има причина за таа ниска доверба докази гледаат граѓаните, преку сопствени искуства и сознанија кои ги добиваат секој ден. Еве еден документиран доказ како се “обработуваат“ судии за да се пресуди во полза на “обработувачите“.

Се работи за, навидум, банална судска парница пред граѓански суд за развод и решение кој родител по разводот ќе биде примарен за престој и воспитување на детето, согласно условите за живот, карактерот и однесувањето на родителот како и утврдени потреби и склоности за комуникација на самото дете кои ги оценува надлежна, стручна социјална служба.

Пред основен суд во Охрид била поведена постапка за развод на брак и додела на малолетниот син, која постапка е поведена по тужба на тужителот (таткото) против тужената (мајката) и која постапка заврши со пресуда со која бракот се разведува а малолетниот син се доделува на чување и воспитување и делумно издржување на таткото. Тоа е ставот и надлежната социјална служба која дава свое мислење и решение, и која во случајов има функција на стручна институција пред судот.

Во текот на оваа постапка, тужената поднела предлог за доверување на постапување на друг стварно надлежен суд (Скопје) по овој предмет до врховниот суд на РСМ, судот согласно ЗПП ја прекинал постапката и целиот предмет го доставил на Врховниот суд на РСМ. Врховниот суд предлогот на тужената за определување на друг стварно надлежен суд по предметот на основниот суд Охрид го одби како неоснован и затоа постапката била продолжена и завршена пред Основниот суд во Охрид.

Судот во Охрид пресудил развод и определување на детето престој кај таткото. Другата страна, мајката, поднесува жалба пред Апелација во Битола.

Целиот текст на Вечер.мк

Државниот санитарен и здравствен инспекторат ќе издаде решение со наредба за спроведување постапка за утврдување дисциплинска одговорност кај здравствените работници кои учествувале во лекувањето и исписот на новороденчињата-близначиња кои починаа на 16 јануари.

Ова стои во наодот на Инспекторатот кој во понеделникот изврши вонреден инспекциски надзор во прилепската болница, конкретно во Гинеколошко-акушерското и во неонатолошкото одделение за случајот со починатите новороденчиња.

-Инспекторатот ќе издаде и наредба за задолжително известување на надлежен Центар за социјални работи во случај кога интересите на пациентот односно неговиот родител/старател се спротивставени, а за што од страна на ДСЗИ ќе биде спроведена и соодветна прекршочна постапка. Истовремено ДСЗИ врз основа на Законот за санитарна и здравствена инспекција, до министерот за здравство ќе иницира постапка за стручен надзор над стручната работа на здравствената установа согласно Законот за здравствена заштита, стои во известувањето на Државниот санитарен и здравствен инспекторат.

Инспекторатот констатирал дека кога на 10 јануари мајката со потпис, на свое барање заминала од болницата со новороденчињата предвреме родени на 30 декември и со мала тежина, болницата не го известила Центарот за социјални работи.

-Во врска со исписот од установата, од страна на докторите од неонатолошкото одделение, добиен е податок дека мајката инсистирала на испис на новородените и покрај нивното убедување дека треба да останат во установата се нивно целосно адаптирање. И покрај тоа новородените на барање на мајката и со нејзин потпис, испишани се од установата со препорака за доење, витамин Д3 и контрола кај педијатар поради мала тежина. Од страна на установата, во врска со предвремениот испис на новородените, не е доставено известување до надлежниот Центар за социјални работи, се вели во извештајот на ДСЗИ.

Бебињата – близначиња се родија на 30 декември предвреме, во 34-та гестациска недела со мала тежина, под 2 килограми.

На своја рака со потпис мајката на 10 јануари си заминала дома со бебињата. На 16 јануари при тешка здравствена состојба на бебињата, семејството од својот дом во селото Славеј повикало Итна помош и била констатирана смртта на машкото бебе, а женското починало потоа во прилепската болница.