Connect with us

Македонија

Истече забраната за зголемување на цените, се очекуваат ПОВИСОКИ ЦЕНИ и на храната

Published

on

Од полноќ истекоа и останатите антикризни мерки, со кои до вчера беа лимитирани и цените на основните прехрамбени производи.

Од денеска престануваат да важат дел од антикризните мерки што Владата ги воведе во март со цел ублажување на последиците од енергетската криза и заштита на стандардот на граѓаните. Основните прехранбени продукти повеќе нема да се продаваат со нула проценти ДДВ, а од денес се враќа и ДДВ-то за бензините на 18 проценти.

Во изминатите три месеци, ДДВ-то за лебот, брашното тип 400, сончогледовото масло за јадење, трајното млеко, оризот и јајцата беше намалено од пет на нула проценти, а на предлог на Министерството за економија беше донесена и одлука за намалување на трговските маржи.

Како дел од 26-те антикризни мерки беа и намалувањето на акцизите и на ДДВ-то од 18 на 10 проценти на енергенсите.

Укинувањето на антикризните мерки се очекува да предизвика пораст на цените на храната и на енергенсите. Од полноќ по нова, зголемена цена веќе се продаваат горивата. Цената на Еуросупер БС-95 и на дизелот е зголемена за девет денари за литар, а на Еуросупер БС-98 за 9,5 денари за литар. За 8,5 денари за литар поскапо е и Екстра лесното масло за домаќинство. Според новите цени, Еуросупер БС-95 се продава за 104 денари, Еуросупер БС-98 за 106,5 денари за литар, дизелот за 95 денари, а Екстра лесното масло за домаќинство за 93 денари.

Од Владата вчера не информираа дали на вчерашната седница било разговарано за продолжување на антикризните мерки. Од опозицијата, пак, најавија дека ќе поднесат закон со кој ќе предложат прехранбените производи да бидат ослободени од ДДВ до крајот на годината, а ДДВ-то на горивата да биде пет проценти.

Македонија

Ѓорѓиевски: Честитка по повод 80-годишниот јубилеј на НУБ „Св. Климент Охридски“ – Скопје

Published

on

Честитам на 80-годишниот јубилеј на Националната и универзитетска библиотека „Св. Климент Охридски“ – Скопје, која со својата богатa библиотечна имовина и фонд од над 3 милиони збирки, од кои некои се прогласени за културно наследство, се докажа како клучен стожер на културата, науката и образованието во Македонија.

Со одлука на Президиумот на АСНОМ, оваа библиотека беше основана, а нејзиниот придонес во развојот на Македонија е неизмерен. Денес, благодарение на посветеноста на директорот Јовица Никчевски и неговиот тим, библиотеката продолжува да игра важна улога во зачувувањето и презентирањето на нашето културно наследство.

Со големо задоволство ги поздравувам сите активности и заложби на НУБ, а посебно им честитам за успешно менаџирање на овој важен јубилеј. Познавајќи го директорот Никчевски, сигурен сум дека библиотеката ќе продолжи да има светла иднина и ќе остане непроценлив извор на знаење и културен иденитет.

Честа ми беше да бидам дел од ова значајно случување.

Continue Reading

Македонија

Претрес во Непроштено: Пронајдено оружје и муниција

Published

on

На 22.11.2024 во 16.45 часот полициски службеници од СВР Тетово го лишиле од слобода Љ.П.(51) вработен како виш оперативен работник во МВР, од с. Непроштено, кај кого, врз основа на судска наредба од Основниот суд Тетово, во времето од 12 до 16.45 часот, полициски службеници извршиле претреси во неговиот дом и помошните простории, како и во уште една куќа во селото која е во негова сопственост.

При претресите пронајдени се ловна пушка (карабин), 14 парчиња муниција за карабин, дробилка, два оптички нишани, поголема количина на куршуми, чаури и проектили од куршуми од разни калибри, една кеса со барут, една шок бомба, една воздушка пушка „гамо“ со вградена оптика, пиштол „глок“ калибар 9 мм, две рамки со по 10 куршуми и други предмети.

По документирање на случајот, против Љ.П. ќе биде поднесен соодветен поднесок.

Continue Reading

Македонија

МИЦКОСКИ: Ќе излеземе со нов предлог-проект за набавка на 100-120 електрични автобуси кои нема да бидат само за ЈСП

Published

on

Премиерот Христијан Мицкоски вечерва најави нов предлог проект кој е во фаза на анализа за набавка на 100-120 електрични автобуси кои што нема да бидат распределени само за ЈСП-Скопје.

„Ние сме одговорна Влада и како Влада така и ќе продолжиме да се однесуваме. И набргу од денеска ќе излеземе со еден нов предлог-проект, а тоа е – анализираме се уште каква е расположливата моќ на буџетот за набавка на помеѓу 100 и 120 електрични автобуси заедно со полначи 50-ина, коишто ќе бидат распределени не само во Скопје за ЈСП, туку и за оние општини каде што има организиран јавен градски превоз по пропорцијата 80:40 или можеби ќе биде 70:70 – ќе видиме, се уште размислуваме и ја анализираме оваа ситуација и убеден сум дека набргу од денеска ќе изнајдеме едно вакво решение со кое што драматично ќе го олесниме и јавниот превоз во Скопје, но и во другите општини коишто имаат организиран јавен превоз“, рече Мицкоски.

Тој вели дека од информациите со коишто располага од Бирото за јавни набавки е одговорено позитивно на барањето на ЈСП за спроведување итна постапка за набавка на нафта по пат на преговарање.

Continue Reading
Advertisement
Advertisement

Трендинг

Copyright © 2024 Булевар.мк