Најдобриот бугарски фудбалер на сите времиња Христо Стоичков изрази сочувство за трагедијата во Македонија.

„Светот може да биде толку убав, но може да биде и илјада пати пострашен! Нема ништо поужасно од смртта на млади луѓе! Наши деца кои отишле да се забавуваат! Очите ми се полнат со солзи кога читам и гледам вести! Господ нека е со Северна Македонија!“, напиша на Фејсбук легендата на бугарскиот и на светскиот фудбал.

Фудбалската федерација на Македонија ги одложува сите денешни натпревари во сите конкуренции,

“Фудбалската федерација на Македонија  ги одложува сите денешни натпревари во сите конкуренции. Длабоко сме потресени од трагичната несреќа во Кочани во која настрадаа многу млади луѓе.

Во овие тешки моменти, нашите мисли и молитви се со семејствата и блиските на настраданите. Изразуваме најискрено сочувство и поддршка.

Фудбалската федерација на Македонија ги одложува денешните натпревари во сите конкуренции.

Дополнително ќе биде одреден датумот за одигрување на одложените мечеви”, стои во соопштението на Фудбалската федерација на Македонија.

Фудбалската федерација на Македонија, и во објава на социјалната мрежа Инстаграм изрази сочувство и поддршка.

“ Обединети во тагата!

Со срце исполнето со болка и спомен ја споделуваме тагата со семејствата и блиските на настраданите.
Нивниот светол дух ќе живее во нас.
Нека почиваат во мир ”, стои во објавата на Фудбалската федерација на Македонија на социјалната мрежа Инстаграм.

 

View this post on Instagram

 

A post shared by Football Federation-Macedonia (@ffmacedonia)

Ракометната репрезентација на Македонија претрпе пораз од 28-27 на гостувањето во Копер против Словенија, во рамките од четвртото коло од квалификациите за ЕП 2026.

Ова беше дефинитивно најтешкиот меч што нашите ракометари мораа да го играат, ако се земе во предвид страшната трагедија утрово ја погоди цела Македонија, поради што федерацијата побара дуелот во Копер да биде одложен, но беше одбиена од страна на ЕХФ.

За проблемите да бидат уште поголеми, тешка повреда на денешниот меч заработи Марко Митев, кој на носилки го напушти теренот и одличниот бек сигурно го очекува подолга пауза од терените.

Кузмановски со шест гола беше најефикасен во нашиот табор, а по три погодоци постигнаа Пешевски, Лазаревски, Серафимов и Атанасијевиќ, додека голманите Митревски и Галевски имаа по шест успешни интервенции. Најдобри во таборот на Словенија беа Влах со девет и Мливиќ со седум погодоци.

Во преостанатите две средби од овој квалификациски циклус нашите репрезентативци ги очекува гостување во Естонија и домашен дуел со Литвнаија, мечеви на кои сме фаворити за две победи со кои рутински би обезбедиле пласман на ЕП 2026.