Поднесени се уште шест кривични пријави за девет лица до Основното јавно обвинителство заради вршење криминални дела со употребувани возила, при што е нанесена директна штета врз Буџетот од 635.827 денари, информираат од Царинската управа.

Во еден случај вмешан е и царински службеник за кој е изготвено отказно решение. Случаите се дел од предкривичните постапки на Секторот за контрола и истраги при Царинската управа за криминални дела со употребувани возила за кои извести пред јавноста изминатиот месец.

„Во предкривичните постапки инспекторите уште во еден случај утврдија најгрубо кршење на законските прописи при што возач, увозник и царински службеник се сомничат за внес на товарно моторно возило во државата при што за истото е избегнато плаќање увозни давачки со што е нанесена директна штета врз Буџетот од 256 илјади денари. Во овој случај возилото е одземено, а против сторителите е поднесена кривична пријава и тоа по два основи, кривично дело царинска измама и кривично дело фалсификување исправи. Против царинскиот службеник е изготвено отказно решение“, велат од Царина.

Оттаму додаваат дека кривична пријава заради царинска измама и фалсификување исправа е поднесена и до правно и одговорно лице на фирма за сторено кривично дело царинска измама и фалсификување исправа. Во овој случај станува збор за кривични дела заради плаќање пониски увозни давачки.

„Сторителите при увоз на товарно моторно возило при царинење на возилото поднеле фалсификувана исправа за преференцијално потекло на стоката со цел истата да биде ослободена од плаќање царина. Ова е утврдено по извршена верификација на приложениот доказ за потекло на стоката со царински орган на земја членка на ЕУ, по што изготвено е решение со кое увозникот се задолжува да плати износ од 236.241 денар“, информираат од Царина.

Во останатите четири случаи Секторот за контрола и истраги поднесе кривични пријави за четири лица заради основано сомнение фалсификување исправи со цел плаќање помали увозни давачки при увоз на глисери и возило со што е нанесена директна штета врз Буџетот во висина од 143.453 денари.

Никотинските производи од несогорлив тутун од еден познат производител од денеска имаат нова цена.

Имено, тие се поскапи за 10 денари и од 150, од денес се продаваат по цена од 160 денари за една кутија со 20 патрони. 

Овој вид на цигари се особено популарни меѓу младите, а нивната цена со години беше фиксирана на 150 денари,

Управата за јавни приходи (УЈП) запелни 24 патнички моторни и товарни возила од скопски бизнисмен на кој и покрај тоа што му било одобрено одложување, тој не сакал да плати данок. Од УЈП за МКД.мк велат дека заплената на возилата е направена по спроведена постапка за присилна наплата од движни предмети, a заради неплатен даночен долг, за кој од страна на даночниот обврзник претходно било побарано и одобрено одложено плаќање на неплатен даночен долг по основ на данок на додадена вредност и данок на добивка.

• „Заради обезбедување на даночно побарување во присилна наплата, извршен е упис на заложно право врз движни предмети, 24 патнички моторни и товарни возила, кој обврзникот ги има оставено како гаранција за обезбедување на плаќањето на даночниот долг. Од причина што даночниот обврзник нередовно ги исполнувал своите обврски, односно заради неплаќање на две доспеани рати, од страна на УЈП се преземени сите мерки за наплата на долгуваниот износ, даночните службеници ја започнаа постапката за впаричување на гаранцијата, со увид на лице место,а по извршениот попис, составен е записник и одземени се вкупно 22 возила. Запленетите возила ќе бидат предмет на продажба на е – аукција“, велат од УЈП за МКД.мк.