Одделот за внатрешна контрола, криминалистички истраги и професионални стандарди при Министерството за внатрешни работи, до Основното јавно обвинителство за гонење на организиран криминал и корупција – Специјализирано оддделение за гонење на кривични дела сторени од лица со полициски овластувања и припадници на затворската полиција, поднесе кривична пријава против полициските службеници К.Ѓ., Г.Д., Н.С., И.Г., Д.Д., Д.Д., Н.М., С.С., З.Т. и Д.Т., сите вработени во Единицата за брзо распоредување, поради постоење основи на сомнение дека извршиле кривично дело „злоупотреба на службената положба и овластување’’ казниво по член 353 од Кривичниот законик.

Пријавените, со намера за себе да прибават противправна имотна корист, искористувајќи го стекнатото право за надомест на патни трошоци, поради тоа што по лична карта се воделе со место на живеење надвор од Скопје, ја злоупотребиле службената положба на начин што примале парични средства од Министерството за внатрешни работи за денови во кои не патувале од своето место на живеење до работното место во Скопје и обратно, со што во периодот 01.12.2023 до 17.09.2024 го оштетиле буџетот на Министерството за внатрешни работи во вкупен износ од 1.098.120 денари.

Одделот за внатрешна контрола, криминалистички истраги и професионални стандарди за пријавените полициски службеници ќе поднесе и предлог за поведување на постапка за утврдување на дисциплинска одговорност.

Македонија се соочува со сериозни еколошки и здравствени ризици поради неефикасното управување со отпадот, а властите се под притисок да најдат одржливо решение. На партнерската конференција „Преобмислување на отпадот – од предизвици до одржливи решенија“, што започна денеска во Скопје, експерти и претставници на институциите се согласија дека воспоставувањето на регионален систем за управување со отпад (РСУО) е најдолгорочната опција.

Организаторот на конференцијата, шведската организација Салар Интернешнл, нагласи дека модерните еколошки практики вклучуваат затворање на дивите депонии, изградба на современи регионални центри за отпад и развој на инфраструктура за рециклирање. Според нив, Македонија мора итно да го подобри системот за управување со отпад за да ги исполни европските еколошки стандарди и да го заштити здравјето на граѓаните.

Сепак, проектот за воспоставување регионален центар за управување со отпад во близина на Битола наидува на отпор од граѓаните, кои стравуваат за неговото влијание врз животната средина. Градоначалникот на Општина Новаци, Стевче Стевановски, призна дека недоволната информираност на населението е клучен фактор за протестите.

„Битолчани протестираат можеби со право, но главната причина е тоа што недоволно ги информиравме за тоа како ќе изгледа овој центар за управување со отпад. Можеби во иднина ќе треба повеќе да работиме на тоа, да направиме медиумска кампања за да го доближиме проектот до луѓето“, изјави Стевановски.

Проектот, кој беше најавен уште во 2009-2010 година, сè уште не е реализиран, а наместо да се работи на поголема транспарентност, властите ја префрлаат вината врз граѓаните. Ова дополнително ја продлабочува недовербата и го одложува спроведувањето на решенијата.

Во меѓувреме, незадоволството на граѓаните расте. Минатата недела, жителите на Битола излегоа на протест пред општинската зграда, барајќи јасни одговори за влијанието на проектот врз нивните заедници.

Салар Интернешнл предупредува дека доколку Македонија не преземе итни мерки, ќе се соочи со зголемено загадување и сериозни здравствени проблеми, што ќе доведе до уште поголеми трошоци во иднина.

Клучното прашање сега е: дали властите ќе ја преземат одговорноста за подобрување на системот за управување со отпад, или ќе продолжат да ја префрлаат вината врз граѓаните, кои бараат транспарентност, безбедност и подобар квалитет на живот?

Американските власти постојано вршат проверка на носителите на визи, дури и по нивното издавање, со цел да утврдат дали ги почитуваат сите закони и правила на САД. Доколку се утврди дека некој го прекршува законот, неговата виза може да биде укината, а тој депортиран, соопштуваат американските власти.

„Скринингот не завршува со издавањето на визата. Ние постојано ги проверуваме носителите на виза за да се осигураме дека ги следат сите американски закони и правила. Доколку утврдиме дека некој не ги почитува, ќе му ја укинеме визата и ќе го депортираме“, се наведува во соопштението.

Овој процес е дел од строгите безбедносни мерки што ги спроведуваат американските институции, со цел да се заштитат граѓаните и да се спречат злоупотреби на визниот систем.