Телевизијата МНет објави видео од дивеење со автомобил на кружен тек во Пробиштип.

На снимката се гледаат неколку лица во автомобилот, а дел од нив седат на вратите, додека автомобилот “дрифта” околу кружниот тек во Пробиштип.

Дали возачите размислуваат за последиците од нивните непромислени акции?

Погледнете го видеото:

1603 сообраќајни прекршоци изминатиот викенд.

Во текот на изминатиот викенд (22/23.03.2025) како резултат на сообраќајните контроли што ги спроведуваат полициски службеници од сите сектори за внатрешни работи на патиштата низ државата, беа издадени вкупно 1603 платни налози по основ на Законот за безбедност на сообраќајот на патиштата и Законот за возила.

Притоа, во рамки на контролите, согласно статистичките податоци по основ на пречекорување на брзината на движење евидентирани се 818 прекршоци, а по основ на непрописното паркирање 177. Исто така во посочениот период, регистрирани се 138 прекршоците по основ на непоседување на возачка дозвола, потоа за некористење на сигурносен појас изречени се 95 санкции и уште 30 прекршоци за неносење заштитна кацига, како и 45 прекршоци за користење на мобилен телефон при возење.

Покрај ова во текот на викендот беа регистрирани 36 случаи на возачи кои што управувале под дејство на алкохол, деветмина минале на црвено светло, а евидентирани се и 14 прекршоци на пешаци. Согласно, пак, Законот од сообраќај биле исклучени 47 возила од кои 36 заради тоа што биле нерегистрирани и 11 заради техничка неисправност.

Докторите од Итната помош во Софија, Тања Алексова и Румен Гоцев, беа испратени во скопје, да помогнат со превоз на повредени во болницата „Пирогов“ во Софија, пренесува 21ТВ.

Сликите постојано ми се во глава, па дури и во моите соништа. И натаму не можеме да се соземам од она што го видов. Ќе треба време, изјави Алексова.

Од самиот почеток си го знаевме редот, се беше добро организирано. Не упатуваа километри од клиниката. Секој си го знаеше редот, изјави Гоцев.

Тие двајца пристигнале за три часа во придружба на полициско возило.

Во Скопје имаше страшна тишина. Како да имало апокалипса. Имаше организиран транспорнтен коридор низ улиците. Немаше луѓе, многу малку“, рече Алексова.

Нивната брза помош превезувала девојче од 16 години во многу тешка состојба.

Имаше изгореници од висок степен на лицето и горните екстремитети. Беше збунета, на моменти зборуваше и прашуваше како се нејзините пријатели. Ова е ризичен транспорт, имаше процедури кои мораше да ги направиме. Не требаше да застанеме, се работеше во движење, затоа што целта беше побрзо да стигнеме до болницата во Софија“, изјави Алексова.

Вториот вокал на бендот ДНК бил во амбулантата на д-р Гоцев. Имал изгореници на горниот дел од телото, и рече дека кровот му се запалил пред очи. Ништо не ја претскажало апокалипсата што се случила подоцна. Кога почнал да трча, се сопнал и паднал покрај вратата и го видел целиот ужас од дискотеката.