Македонија
Македонија донира тенкови на Украина (Фото)
Донирани се тенкови на Украина кои се од третата генерација и кои со оглед на развојот на технологијата се неконкурентни и некомпатибилни, соопшти вчера попладне Министерството за одбрана и Армијата на Република Северна Македонија. Од Министерството без да ја споменат бројот на донираните тенкови, за МИА информираа дека дополнително во наредниот период би требало да се трошат и ресурси за уништување на тенковите, што според нив е нецелисходна активност за нашата Армија.
– Согласно донесените Одлуки од страна на Владата на Република Северна Македонија во неколку наврати донираше воена опрема за Украина во согласност со нивните барања и потреби, а во координација со сојузниците. Република Северна Македонија како кредибилна членка на НАТО, во линија со сојузниците и партнерите, почитувајќи го територијалниот интегритет, суверенитет и правото на самоодбрана на Украина, притоа строго осудувајќи ја агресијата на Русија на Украина, ги донесе овие Одлуки да упати помош на Министерството за одбрана на Украина, со одредена количина на материјални средства, наведува МО.
Се наведува дека врз основа на извршените анализи, препораки и усвоени планови за опремување на Армијата на Република Северна Македонија во наредниот период ќе се изврши трансформација, односно расформирање на тенковскиот баталјон, која како што велат оттаму веќе е во тек, и ќе се пристапи кон воспоставување на модерни и современи противоклопни способности и капацитети во Армијата.
-Имајќи ги предвид, НАТО-одбранбено планирање, планот за модернизација и опремување на Армијата, во тек е проект „Набавка на лесни оклопни возила на тркала”, согласно договорот со американската Влада, кој е започнат во 2019 година со склучување на Договори помеѓу Владите на Република Северна Македонија и САД. Пред некој ден пристигна и испораката на првите 6 ЛОВ ЈЛТВ во рамките на овој проект. Оваа испорака претставуваат сериозен исчекор во процесот на модернизација и опремување на Армијата согласно НАТО стандардите и ќе бидат поддршка на Лесната пешадиска баталјонска група во Штип, која воедно е наша НАТО единица како и замена на застарените тенковски капацитети кои нема да бидат дел од армиската формација појаснуваат од Министерството.
Македонија
Димовски: Знаеме по кои улици оди протестот во Белград, ама не знаеме каде се наоѓа во Македонија градот Пазар. Чудно, нели?
Поранешниот пратеник Илија Димовски ја коментира преокупираноста на македонските граѓани со протестите во Србија деновиве.
Дечки, целта за формирање на независна држава беше да олабават и они од нас, и ние од Белград. Некако не ни оди?
Знаеме по кои улици оди протестот во Белград, ама не знаеме каде се наоѓа во Македонија градот Пазар, на пример. Чудно, нели?“, прашува Димовски во објава на Икс, мислејќи на градот во средишниот дел од Егејска Македонија, познат и како Ениџе Вардар, преименуван во Јаница од грчката држава.
Македонија
Специјалните полициски единици спасија две момчиња од водите на Мавровското езеро (ВИДЕО)
Екипи на Министерството за внатрешни работи (МВР), САЕ Тигар, ренџерската служба на Националниот парк „Маврово“ и локални жители успешно извлекоа две лица од Мавровско Езеро, на кои им се превртел чамецот. Како што информираат од Центарот за управување со кризи (ЦУК), извлечените лица се наоѓаат во возилото на итната медицинска помош.
Претходно, ЦУК соопшти дека полицискиот хеликоптер со тим од САЕ Тигар, опремен со чамец, се упатил кон двете лица кои се потпирале на нивниот превртен чамец.
Од ЦУК истакнуваат дека двете лица успеале да го превртат чамецот и да го вратат во нормална позиција, по што успеале повторно да се качат во чамецот и чекале да бидат извлечени од тимот на САЕ Тигар.
„Благодарност до храбрите припадници на Одделот за воздухопловни единици и САЕ „Тигар“, како и на сите други кои со брза и решителна акција денес успеаја да спасат две момчиња од водите на Мавровското Езеро“, напиша министерот за внатрешни работи, Панче Тошковски.
Ова е уште една потврда дека полицијата е тука за граѓаните во секоја ситуација и подготвена е да реагира и во случаи на сложени спасувачки акции.
Опозициската СДСМ утре избира нов партиски претседател. Актуелниот лидер на СДСМ, Венко Филипче, е единствен кандидат за претседател на партијата на редовните внатрепартиски избори.Одговарајќи на новинарско прашање дали има некаков револт кај членството што не се пријавил никој друг кандидат, Филипче истакна дека немало и смета дека тоа е одраз на консолидацијата на партиското членство на кое што тој, како што рече, интензивно работел во изминатиов период.
-Не, напротив. Сметам дека тоа е одраз на консолидацијата на партиското членство на кое што јас интензивно работев во изминатите девет месеци. Веќе се пријавени поголем број на гласачи, се регистрираа за гласање отколку во претходниот циклус. И тоа што имаме интензивни средби на ниво на сите општински организации и состаноци на кои доаѓаат огромен број на членови кои до пред некое време едноставно покажувајќи револт не се појавуваа на тие состаноци, а сега се присутни, присуствуваат, сугерираат, учествуваат во процесот на градење на политики. Тоа за мене е само еден знак дека консолидацијата е веќе настаната и ние продолжуваме во следниот период да се спремаме за локалните избори кои што ќе дојдат наесен, рече Филипче
-
Република3 days agoТри сестри од кривопаланечкото село Жидилово ќе останат без 493 крави, ради политички реваншизам !!!
-
Црна Хроника4 days agoТрагедија во Тетово: Прегазена 18-годишна девојка, возачката избегала!
-
Република4 days agoУТРЕ ПРЕКИН ВО НАПОЈУВАЊЕТО СО ЕЛЕКТРИЧНА ЕНЕРГИЈА ВО ТЕТОВСКО
-
Македонија5 days agoПАДНАА ГОЛЕМИ ИМИЊА: Приведени нафтени моќници во акцијата против трујачите со мазут!
-
Република5 days agoУтре без струја делови од Тетово и тетовско
-
Македонија8 hours agoДимовски: Знаеме по кои улици оди протестот во Белград, ама не знаеме каде се наоѓа во Македонија градот Пазар. Чудно, нели?
-
Црна Хроника5 days agoОГНЕН ХАОС ВО КИСЕЛА ВОДА: Осум возила во пламен, едно целосно изгоре!
-
Македонија1 day agoСудот ја промени одлуката за Јахоски мали Пуцко