Балкан
„ВАСКО ЖАБАТА“ го збудале Балканот
„На китарата Васко Жабата, тој ште пее мили гости само за вас“! Ако овој стих сте го слушнале деновиве и не ви излегува од главата, верувајте не сте сами. Вие сте само еден од милионите „жртви“ на целиот Балкан, кои се заразени деновиве од виралниот хит „Комбајна-вршачка“ на бугарскиот ромски „Оркестар Камчија“.
Хитот „Комбајна-вршачка“ е снимен, односно поставен на Јутјуб, уште во 2014 година, и од тогаш има повеќе од 3,3 милиони прегледи, само на оваа мрежа. Сепак, во „регионален“ поход тргна неодамна, откако по илинденските празници некои македонски блогери го искористија како монтажа за снимките со македонски политичари на празникот. Освен Македонците, по рефрените за „Васко жабата“ и „Цеца мецата“ „полудеа“ и на просторите на поранешна Југославија.
Иако текстот е банален, мелодијата е потполно заразна, и „влегува во уво“ на слушателите.
На социјалните мрежи Фејсбук, Твитер, Тик-ток, освен оригиналот, постојано се споделуваат и верзии со поинакви видео содржини, фотографии или „мемиња“, што повлекува најразлични коментари од слушателите.
„Мозокот ми е толку yништен што нема ништо во него, само хор кој континуирано ја пее „Васко жабата на гитарата“ – вели еден коментар на Твитер.
„Водам сериозни бизнис разговори, а во главата му врти „Васко жабата“ – вели друг твитерџија.
„На шала на смеа, ќе ја слушате Васко жабата на свадба сезонава/Ако првиот свадбен танц не ни е на ‘Васко жабата’ не ја ни женам“ – вели трет.
Песната, всушност е реклама на оркестарот Камчија за самиот себе, си го претставува својот гитарист Васко, односно „китарист“ (иако во видеото не може да се види гитара) со прекар Жабата, и пејачката Цеца, наречена Мецата (Мечката) и ветува добра забава, „цигански“ чочеци, народни песни и ора „само за вас“.
Целиот текст прочитајте го ТУКА
Балкан
Судии и обвинители во Белград протестираа против политички притисоци
Судии, обвинители и адвокати од цела Србија денеска се собраа пред Уставниот суд и Правниот факултет во Белград за да протестираат против, како што велат, политичките притисоци врз судството.
Причината за протестот беше забраната на обвинител од Првото основно јавно обвинителство во Белград да изврши увид по инцидент во шаторската населба „Ќациленд“ пред српскиот парламент, каде престојуваат поддржувачи на власта. Дополнителен повод се најавените измени на законот за Обвинителството за организиран криминал, со кои ова обвинителство би станало дел од Вишото јавно обвинителство.
Присутните на протестот истакнаа дека ваквите законски измени би ја ограничиле автономијата и независноста на Обвинителството за организиран криминал и корупција, што, според нив, е јасен сигнал дека државата се откажува од институционалната борба против организираниот криминал.
Протестот заврши пред Правниот факултет во Белград со 16-минутен молк во чест на жртвите кои го загубија животот при падот на натстрешницата на Железничката станица во Нови Сад.
Балкан
Драма во Србија: БМВ се заби во камион, возачот со цигара тврди: „Не знам, ме удри камион“ (ВИДЕО)
Рано утрово на Обреновачки пункт се случи сообраќајна несреќа во која автомобил БМВ се судри со камион. На социјалните мрежи се појави видео од возачот на БМВ, кој, со цигара во рака и траги од крв на облеката, на прашањето „Што направи?“ одговорил: „Не знам, ме удри камион. Многу силно.“
Според извештајот на станицата „Србија Сад“, возачот на БМВ претходно возел агресивно, менувајќи ленти и речиси предизвикувајќи други инциденти. На крајот, автомобилот удрил во камионот, а наводно возачот дури се фалел со тоа.
Полицијата соопшти дека во несреќата тешко е повреден 46-годишен маж, кој е пренесен во Ургентниот центар. Возачот на камионот (38) се здобил со повреда на раката, но одбил транспорт до болница.
Судирот предизвикал голема материјална штета – предниот дел на БМВ е згмечен, додека камионот е делумно оштетен и завршил со предниот дел деформиран од силата на ударот.
Балкан
Банско се поклони пред Никола Вапцаров по повод 116 години од неговото раѓање
Денес пред споменикот на поетот Никола Вапцаров во Банско, деца, млади, возрасни и пензионери се поклонија пред делото на великанот од градот.
По повод 116 години од неговото раѓање, јавни личности, претставници на локалните институции, ученици и граѓани положија венци и цвеќе како знак на почит и признателност.
Делото на Вапцаров останува живо и денес, како неизбежен дел од духот, историјата и идентитетот на Банско.
-
Република5 days agoТЕТОВО ВО НОВO-ОБJАВЕНИ ДОКУМЕНТИ НА ЦИА
-
Црна Хроника4 days agoПолициска акција: Уаспени Украинки во Горно Седларце – МВР со детали
-
Република6 days agoУтре големи прекини на струја во Тетово и тетовско
-
Скопје3 days agoСекое застанување на булевар на „пет минути“ ќе се санкционира, вели Топаловски
-
Република4 days agoЕве од кога ќе почнат да работаат камерите од „Безбеден град“ во Тетово и Куманово
-
Магазин5 days agoРазрешена вековната дилема: Научниците конечно потврдија каде е погребан Филип Втори Македонски
-
Црна Хроника2 days agoПолицијата го лоцираше украденото „Ауди“ за неколку часа – младиот тетовец уапсен!
-
Црна Хроника21 hours agoОбид за кражба завршил со пожар во Брвеница – Полицијата со детали