Македонија

Градоначалникот на Велес спасил жена да скокне од мост

Published

2 years ago

August 19, 2022

Жена вчера се обидела да се самоубие со скокање во реката Вардар на стариот мост во Велес. Ја спасил градоначалникот, Марко Колев. За МКД.мк тој вели дека сосема случајно се нашол на мостот преку кој секој ден поминува враќајки се од работа, и ја видел жената како се качува на оградата и се обидува да скокне. Го запрел автомобилот и ја фатил во прегратка од зад грб во дел од секунда. Ја спасил и ја симнал од оградата.

„Јас не сум никаков херој. Го направив тоа што би го направил секој граѓанин во таква ситуација. Бев единствен кој во тоа време го минуваше мостот бидејќи беше некаде по 16 часот и поради топлото време немаше фрекфенција на луѓе. Жената стоеше свртена кон реката и ја прекачуваше оградата. Се стрчав и ја фатив од зад грб. Тоа беа делови од секунда, но ете, се најдов веројатно во вистинско време на местото за да ја спасам. Ја прашав: „Мајче, каков проблем имаш“, а таа не ми одговори многу. Рече само дека не сака да живее“, вели Колев.

Ја држел жената во прегратка и повикал случаен минувач, кого го замолил да се јави во полицијата, бидејќи, како што вели Колев, поради рефлексно брзата реакција да излезе и да ја спаси жената, тој во автомобилот го оставил и мобилниот телефон.

„Им кажав на оние што потоа почнаа да доаѓаат да повикаат полиција. Ова што ви го кажувам на вас, го кажав и пред службените лица. Се надевам дека нема никогаш да се повтори ваков настан. Жената е згрижена, жива и здрава, а тоа за мене како човек е најважно“, додава градоначалникот.

Жената што се обидела да се самоубие скокајќи во река, според неофицијални информации, е мајка што пред години го загубила едното дете во сообраќајка.

Овој настан во МВР бил пријавен вчера по 16 часот.

Related Topics:Велес градоначалник жена самоубиство

Up Next

Се јави Заев – Донирал 100 илјади денари преку фондацијата (Фото)

Don't Miss

Во Струга исвиркан Пендаровски на пристигнување на ракометен натпревар (Видео)

Македонија

ВО БИТОЛА ЌЕ СЕ ГРАДИ „ПАМП ТРАК“ ВЕЛОСИПЕДСКИ ПАРК

Published

30 mins ago

November 5, 2024

Арлингтон

Општина Битола започна со изградбата на новиот „Памп Трак” полигон за велосипеди, кој ќе се наоѓа во Градскиот парк, во близина на „Ќумурното“ игралиште. Полигонот ќе биде изведен на површина од 900 м² и ќе понуди адреналинска патека која вклучува нагорнини и надолнини, околу кои возачите ќе можат да возат велосипеди, скејтборди, ролери и други спортски реквизити.

Целта на оваа патека е да обезбеди забавни и безбедни услови за возење, нудејќи различни начини на забавен и контролиран спорт. Секој кој ја сака активната рекреација и возењето на отворено ќе има можност да ужива во оваа нова содржина.

Проектот го реализира фирмата ДТУ Јумак ДООЕЛ од Скопје, а вкупната вредност на набавката изнесува 5.216.343 денари со вклучен ДДВ. Средствата се целосно обезбедени од буџетот на Општина Битола.

Со овој проект, покрај велосипедските патеки кои се веќе во изградба, Битола ќе добие уште една атрактивна спортска и рекреативна содржина која ќе ги задоволи потребите на љубителите на велосипедизмот и активниот начин на живот.

Македонија

Приведен малолетник во Тетово

Published

35 mins ago

November 5, 2024

Арлингтон

На 03.11.2024 во 23.30 часот на булевар „Илинденска“ во Тетово, полициски службеници од СВР Тетово, во присуство на старател, привеле малолетник од Тетово затоа што кај него бил пронајден нож. Тој е задржан во полициска станица и против него ќе следува соодветен поднесок согласно член 80 од Законот за оружје.

Македонија

Орце Ѓорѓиевски: Честит Светски ден на ромскиот јазик – Поддршка и почит кон ромската заедница во Македонија

Published

2 hours ago

November 5, 2024

Арлингтон

Денес, на 5 ноември, го одбележуваме Светскиот ден на ромскиот јазик – ден посветен на зачувувањето и промоцијата на јазикот, културата и образованието на ромската заедница. Ромската заедница, со својата богата историја и традиции, претставува значаен дел од културното богатство на Македонија и придонесува кон нејзината разновидност и инклузивност.

ЗЕЛС се посветува на поддржување иницијативи и програми кои промовираат инклузија и овозможуваат еднаков пристап на ромската заедница во образованието, културата и општествениот живот. Во соработка со локалните самоуправи и институции, ЗЕЛС ќе продолжи да ги креира можностите за рамноправен развој на ромската заедница во Македонија.

Одбележувањето на Светскиот ден на ромскиот јазик не само што истакнува значајноста на јазикот и културното наследство на Ромите, туку претставува и порака на поддршка, почит и заедништво.