Скопје

Ист Гејт Мол со соопштение по реакциите: Ова е вистинската причина за поплавата (ВИДЕО)

Изминатото деноноќие на социјалните мрежи беа објавени различни шпекулации за причините за поплавата во Ист Гејт Мол. Од тоа дека целиот објект не е добро проектиран, дека не се обезбедени безбедносни мерки, па до какви се не други коментари кои не ја отсликуваат вистината.

Една и недвосмислена вистина е дека поплава во Ист Гејт Мол настана поради несоодветна и нефункционална атмосферска канализација на булеварот Александар Македонски. Безбедносните камери од трговскиот центар јасно покажуваат како река од вода како доаѓа од Булеварот, кој ниту има капацитет, ниту услови таа вода да ја апсорбира, и истата се прелева во енормно големи количини во подземните нивоа на центарот.

Ова е проблем кој се повторува веќе неколку пати на истото место, на истиот нефункционален булевар Александар Македонски, поврзан со кружниот тек кај Континентал, кој и понатаму останува нерешен и прави големи проблеми нa блиската околина во услови на поројни дождови. По големата поплава во 2016 година овие врнежи со силен интензитет и 35мм количество на см2 се втор ваков голем несакан настан во Гази Баба, кој само потврдува дека проблемот со проектираниот капацитет но и одржувањето на атмосферската канализација сеуште постои и за жал не е приоритет на агендата на надлежните институции.

Од трговскиот центар изјавуваат дека Ист Гејт Мол е изграден согласно одобрените услови за градба, утврдени со урбанистичко планската документација. Како објект од последна генерација, центарот е проектиран и изведен во согласност со планската документација врз основа на која по завршувањето на градбата е издадено решение за негов технички прием. Врз основа на добиените хидротехнички услови за проектирање на трговскиот центар не е предвидено сценарио во кое атмосферската канализација на околните сообраќајници, вклучувајќи го овде и Булеварот Александар Македонски, не се функционални. Во овој контекст трговскиот центар уште на датумот на поплавата ја информираше јавноста за причините поради кои истата е настаната. За жал и покрај тоа, во услови на страшна временска непогода трговскиот центар не по своја вина е мета на граѓаните на социјалните мрежи.

“Трговскиот центар, согласно усвоените документи за безбедност во услови на елементарна непогода брзо ги превзеде сите неопходни мерки најпрво за заштита на посетителите и вработените и успешно го евакуираше центарот без да се загрози нивното здравје и живот што сметаме дека е најважно во услови на елемтарна непогода. Истата вечер и во текот на вчерашниот ден се вршеше исцрпување на водата и санација на оштетувањата. Искрено се надеваме дека набрзо нашите закупци ќе продолжат со нормална работа, а нашите посетители повторно ќе можат да уживаат во својот центар”, изјави Игор Давков, Извршен Директор на Ист Гејт Мол.

Трговскиот центар е инвестиција од над 120 милиони евра, нема неподмирени јавни давачки и претставува место во кое работат 250 закупци и 2.500 вработени.

Up Next

Најден е Блаже Поповски по кој се тргаше

Don't Miss

Добивме датум за пиво – Пиволенд 2022 од 3-ти до 7-ми септември

Скопје

Тимот на Реал Мадрид поделен: Кој е за Винисиус, а кој за Алонсо

Во Реал Мадрид расте тензијата во соблекувалната, откако се откри дека дел од играчите ја поддржуваат новата политика на тренерот Чаби Алонсо, додека други се на страната на незадоволниот Винисиус Жуниор. Според шпанските медиуми, односите помеѓу тренерот и дел од фудбалерите се доведени до критична точка само шест месеци по неговото доаѓање на клупата.

Винисиус Жуниор, кој не сака да потпише нов договор додека Алонсо е на чело, го предводи таборот на незадоволните. Во оваа група се вбројуваат и Родриго, Федерико Валверде, Брахим Дијаз, Ендрик и Ферланд Менди. Од друга страна, Алонсо добива поддршка од Килијан Мбапе, Тибо Куртоа, Арда Гулер, Дин Хуијсен и Алваро Карерас.

Според извештаите, падот на формата на тимот дополнително ја заострува ситуацијата, а судирот помеѓу тренерот и клучниот напаѓач создава загриженост кај управата. Винисиус планира да отпатува во Саудиска Арабија во февруари 2026 година за преговори со локални клубови, што може да резултира со негов трансфер следното лето, иако тоа би го отстранило од борбата за „Златната топка“.

И покрај понудите од клубот за продолжување на договорот, Винисиус инсистира на минимално 30 милиони евра по сезона, додека Реал му нуди 20 милиони, што е значително повеќе од неговата сегашна плата. Иднината на Бразилецот и неговиот однос со Алонсо остануваат неизвесни, а вниманието на јавноста е насочено кон тоа како ќе реагира претседателот Флорентино Перез.

Скопје

„Зелен хуман град“ бара забрана за огномети во Скопје: Токсичните честички и бучавата сериозно го загрозуваат здравјето и безбедноста на луѓето и животните

Граѓанската иницијатива „Зелен хуман град“ предлага забрана за употреба на огномети во Скопје, потенцирајќи дека традиционалните прослави и забави со експлозивни материи со децении го загрозуваат здравјето на луѓето, животната средина и безбедноста на животните.

„Огнометите ослободуваат големи количини ПМ 2,5 и ПМ 10 честички, токсични гасови како CO, SO₂, NOx, како и тешки метали – бариум, бакар, стронциум и олово. Овие супстанции загадуваат воздух, вода и почва, а најранливите групи, како деца, бремени жени и лица со хронични респираторни или кардиоваскуларни заболувања, се директно погодени“, велат од иницијативата.

Тие предупредуваат дека огнометите предизвикуваат и сериозни психолошки реакции кај луѓето: анксиозност, панични напади, флешбекови кај лица со посттрауматски стрес, сензорни колапси кај луѓе со аутизам, како и ризик од епилептични напади кај лица со фотосензитивна епилепсија.

Последиците врз животните се исто така драматични. „Околу 70–75% од домашните миленици доживуваат силен страв, тресење, паника, обиди за бегство и повреди. Кај дивите животни се забележани масовни повреди, особено кај птиците, како и висок стрес, дезориентација и смрт“, додаваат од „Зелен хуман град“.

Иницијативата потсетува дека Законот за заштита од експлозивните материи веќе предвидува забрана за употреба на огномети без дозвола и стручно лице, но законот ретко се почитува на терен.

„Ги повикуваме сите советнички групи во Советот на Град Скопје да ја поддржат оваа иницијатива и да покажат дека здравјето на луѓето и животните, особено на најранливите жители на Скопје, е приоритет“, заклучуваат од „Зелен хуман град“.

Скопје

Виртуелно патување низ Кисела Вода – првата скопска општина со дигитална прошетка

Општина Кисела Вода влегува во новата дигитална ера, поставувајќи нов стандард за локална самоуправа.! Со лансирањето на спектакуларниот 360° виртуелен проект, наречен „Општина Кисела Вода НА ДЛАНКА – 360°“, таа стана првата скопска општина која доби ваква целосна, реална и интерактивна презентација.

Овој модерен дигитален потфат ја трансформира општината во достапен виртуелен простор. Граѓаните, учениците, но и сите посетители и туристи, сега имаат уникатна можност виртуелно да „прошетаат“ низ Кисела Вода, истражувајќи ги нејзините најзначајни точки – од образовни и културни центри, до спортски терени и духовни локации.

Со над 500 панорами снимени и од воздух и од земја, поврзани во беспрекорна интерактивна прошетка, корисниците добиваат реалистично искуство, комплетирано со сите релевантни информации за секоја локација.

Од Општината истакнуваат дека оваа иновативна алатка има далекусежни последици.

Проектот претставува едукативен пресврт. Учениците сега можат да ја користат виртуелната прошетка за полесно разбирање на содржините по историја, географија и други предмети – учењето никогаш не било поинтерактивно.

Од туристички аспект, „Кисела Вода НА ДЛАНКА“ е моќна промотивна алатка. Потенцијалните посетители сега можат однапред да ја истражат целосната понуда на општината, што создава силен потенцијал за привлекување нови туристи.

Со овој проект, Кисела Вода ја докажува својата посветеност кон иновациите и транспарентноста, ставајќи го секое ќоше од општината буквално во рацете на своите жители и гости.

Видеото може да го погледнете на: Facebook