На 21.03.2025 во 15.20 часот полициски службеници од ОВР Прилеп на ул. „Осоговска“ во Прилеп го лишиле од слобода П.К.(51) од Прилеп поради основи на сомнение дека на 21.03.2025 околу 14.30 часот на повеќе места на различни ниви во близина на Прилеп запалил сува трева, при што се запалиле и изгореле дрва, бандера сопственост на ЕВН и сува трева во непосредна близина на куќите.

Пожарот бил изгаснат од страна на Територијалната противпожарна единица Прилеп.

На 21.03.2025 во 13.20 часот во Ресен полициски службеници од ОВР Ресен ја лишиле од слобода Г.М.(60) од Ресен поради основи на сомнение дека на 21.03.2025 во 12.35 часот кај место викано „Бараки” запалила ѓубре, но огнот се проширил и зафатил простор со сува трева. Пожарот бил изгаснат од страна на Територијалната противпожарна единица Ресен. По документирање на случаите, ќе бидат поднесени соодветни поднесоци.

Министерот за надворешни работи и надворешна трговија, Тимчо Муцунски, изрази искрена благодарност за солидарноста и подготвеноста на сите оние кои помогнале во овие исклучително тешки моменти.

„Нивната поддршка значи многу – не само од медицински аспект, туку и како израз на човечка блискост, хуманост и доказ за одличните пријателски односи што ги негуваме“, истакна Муцунски.

Министерот ја нагласи важноста на меѓусебната помош и истакна дека таквата солидарност е од суштинско значење во тешките периоди како овој.

До сега се собрани 51.822.579 денари за помош на настраданите во пожарот во Кочани и за нивните семејства, соопшти денеска Црвениот крст.

Од Црвениот крст информираат дека во моментов се подготвуваат за првичната исплата на собраните средства, кои ќе бидат наменети за најитните потреби на настраданите.

Тие апелираат до сите да продолжат да ја покажуваат хуманоста и солидарноста, и се заблагодаруваат на сите кои допринесоа со своите донации.