Претседателот на ЗЕЛС и градоначалник на општина Кисела Вода, Орце Ѓорѓиевски, истакна дека со добра волја и соработка помеѓу институциите ќе се најдат прифатливи решенија за граѓаните. На денешната средба во просториите на ЗЕЛС, заедно со министерот за земјоделие Цветан Трипуновски и градоначалникот на Струмица, Костадин Костадинов, се зацртаа правците за решавање на актуелните проблеми со водоснабдувањето и манганот во водата во Струмица. Ѓорѓиевски додаде дека ЗЕЛС останува обединет и дека политиката ќе биде ставена настрана, при што приоритет остануваат потребите на граѓаните.

Договорено е формирање на комисија од научни институции која ќе ги следи состојбите на браната Турија и ќе ја анализира појавата на манган во водата. Исто така, општина Струмица ќе го сервисирате својот долг кон АД “Водостопанство” согласно утврдена динамика.

„Како претседател на ЗЕЛС, ќе се заложам за конструктивен дијалог и комуникација помеѓу институциите, така што проблемите ќе се решаваат на маса“, нагласи Ѓорѓиевски.

Податоците од мерните станици на Министерството за животна средина покажуваат дека попладнево најзагаден е воздухот во Тетово и Кавадарци. 

Во овие два града, воздухот е високо загаден. Гостивар, Кичево, Битола и делови од Скопје се со средно загаден воздух. Во другите градови, воздухот е ниско загаден или многу ниско загаден. Состојбата со квалитетот на воздухот варира од час во час. Деновиве, Скопје беше меѓу најзагадените градови во светот. 

На 11.11.2024 во 07.41 часот во СВР Штип било пријавено дека во периодот од 08.11 до 11.11.2024 во објект во кругот на Клиничката болница Штип било влезено со употреба на сила и погоден алат и биле одземени повеќе шишиња и пакувања со лекови и камерата од ѕидот. 

Се преземаат мерки за расчистување на случајот, велат од МВР.