Македонија
Не еден, туку и два хакерски напади врз страницата на МОН
Хакерски напади го урнаа сајтот на Министерството за образование. Интернет страната на МОН е недостапна од синоќа, откако сајбер напаѓачите успеале да се пробијат низ безбедносните протоколи.
Официјална потврда нема, но според информации на Сител, веб страната ја презеле бугарски и грчки хакери во два одделни напада, кои се заканиле дека ќе објават сензитивни податоци од базата на МОН.
Случајот е веднаш пријавен во надлежните институции, а интернет страната на МОН е исклучена. Од Министерството се децидни – нема место за загриженост, ниту се пробиени бази на податоци како што се шпекулира.
„МОН е во комуникација со Националниот ЦИРТ центар за компјутерски инциденти при Агенцијата за електронски комуникации каде што е пријавен случајот и од каде очекуваме со поддршка на МВР да се преземат конкретни активности за пронаоѓање на локацијата и изворот на нападите. Во меѓувреме ИТ службата на МОН со поддршка од надворешни соработници презема дејствија за зајакнување на безбедноста на веб страницата, по што повторно ќе биде активирана. Нема потреба од грижи за наводно преземање на некакви бази на податоци на граѓаните, затоа што на веб страната не постојат такви позадински бази и истата има информативен карактер“
Дека нема простор за загриженост сугерираат и експертите за сајбер безбедност кои се запознаени со случајот.
Што се однесува до едниот од сајбер нападите, тој е извршен од хакерска група од Грција која себеси се нарекува “Netwatchers”, чии припадници по влезот на страната на МОН, го поставиле своето лого на неколку места на сајтот.
Освен профил на социјалната мрежа Инстаграм кој е заклучен, за оваа хакерска група од Грција нема други податоци на интернет.
Според Симеонов, Македонија не обрнува многу внимание на сајбер безбедност.
Последниот хакерски напад на МОН е само еден од низата кои се случија во изминатиот период. Претходно цел на хаекрите беа УКИМ, Државниот завод за статистика, ДИК, но и Бирото за јавни набавки.
Македонија
Германски воен авион наместо во Приштина – принудно слета во Скопје
Германски воен авион денеска не успеал да слета на аеродромот „Адем Јашари“ во Приштина поради недостиг на сертифициран персонал за слетување во услови на намалена видливост.
Од Агенцијата за воздушна навигација информираа дека другите летови функционираат нормално, а проблемот се однесувал конкретно на воениот лет.
Податоците од платформата Flightradar24 покажуваат дека авионот полетал од Берлин во 8:40 часот наутро и бил пренасочен кон Скопје, каде безбедно слетал.
Инцидентот повторно го отвори прашањето за техничката подготвеност на аеродромот во Приштина за слетувања во комплексни метеоролошки услови.
Македонија
Инспекциите откриваат неправилности кај матичните гинеколози
09.12.2025 – Засилени контроли од страна на Управата за јавни приходи (УЈП) и Фондот за здравствено осигурување (ФЗОМ) открија дека дел од матичните гинеколози не издаваат фискални сметки за услугите кои ги наплаќаат.
Според неофицијални информации на „Слободен печат“, мерките следат по мониторингот на невладините организации од октомври 2024 година, кој покажал дека жените често плаќале за услуги кои би требало да бидат бесплатни, а без да добијат фискална сметка.
ФЗОМ истовремено ја проширил контролата и на други сектори, вклучувајќи ја службата за итна помош, како и проверка на реалноста на боледувањата и начинот на исплата на платите. Резултатите од сите инспекции се очекуваат да бидат објавени следната недела.
Директорот на ФЗОМ, Сашо Клековски, на прес-конференцијата се осврна и на проблемот со Клиниката за онкологија при Клиничкиот центар „Мајка Тереза“, каде не се изработуваат анализи за тумор маркери.
Македонија
Мицкоски: Додека јас сум премиер, нема да никне ниту еден шатор со илегални мигранти
Премиерот Христијан Мицкоски денеска јасно го потенцираше ставот на Владата дека Македонија нема да прифати илегални мигранти и нема да дозволи поставување шатори за нив на територијата на земјата.
Повод за изјавата беа објавите на британските медиуми дека Велика Британија разгледува можност за депортирање на одбиени баратели на азил во Северна Македонија, при што секој депортиран мигрант би бил платен од британската страна. Мицкоски изјави дека со британските власти оваа тема не е разговарана и дека, доколку биде, Владата ќе ја одбие таквата опција.
„Во објавите се наведува ‘неуспешни апликанти за азил да ги праќаат во трети земји’. Да потенцирам пред македонската јавност – таква тема не е предмет на разговор, а и да биде, ќе биде одбиена од наша страна. Нашата цел е заеднички да се бориме против илегалната миграција и да ја браниме Европа“, рече Мицкоски.
Премиерот додаде дека опозицијата се обидува да го користи прашањето за мигрантите за политичка кампања, но нагласи дека борбата против илегалната миграција е фундаментална политика на ВМРО-ДПМНЕ.
Тој најави и нов проект „Безбедна држава“, инспириран од концептот „Безбеден град“, кој ќе овозможи мониторинг на македонските граници и ќе го спречи илегалниот влез, шверцот и трговијата со луѓе.
-
Црна Хроника6 days agoПолициска акција: Уаспени Украинки во Горно Седларце – МВР со детали
-
Црна Хроника3 days agoОбид за кражба завршил со пожар во Брвеница – Полицијата со детали
-
Балкан3 days agoДрама во Србија: БМВ се заби во камион, возачот со цигара тврди: „Не знам, ме удри камион“ (ВИДЕО)
-
Република6 days agoЕве од кога ќе почнат да работаат камерите од „Безбеден град“ во Тетово и Куманово
-
Црна Хроника4 days agoПолицијата го лоцираше украденото „Ауди“ за неколку часа – младиот тетовец уапсен!
-
Скопје5 days agoСекое застанување на булевар на „пет минути“ ќе се санкционира, вели Топаловски
-
Црна Хроника11 hours agoПолицијата во Тетово со полни раце работа – Уапсени пет лица
-
Економија2 days agoКинескиот канал Солун–Дунав повторно актуелен: Македонија би била клучна транзитна точка