Европа

Запрепастувачки: Maкедонија е шестта најсиромашна земја во Европа

Published

3 years ago

September 11, 2022

Од балканските земји, посиромашни од нас се само Косово и Албанија. Најсиромашната европска земја е Украина, во листата се и Грузија, Молдавија, Босна и Херцеговина, Белорусија, Србија и Црна Гора. Заедничко за сите е што ниту една земја не е членка на Европската унија.

На веб-агрегатот „World Population Review“, кој обработува податоци од релевантни извори како Светска Банка и Обединетите Нации, земјава се најде на шестата позиција на неславната листа.

Според податоците за 2020 година, бруто-домашниот производ по глава на жител во Македонија изнесувал 5 888 долари, а бруто-националнио приход по човек нешто помалку – 5 720 долари.

Во краткиот осврт е наведено дека по независноста во 1991 Македонија претрпела драматични промени и постепено ја подобрувала економијата. Во текстот стои и дека околу 90% од БДП отпаѓа на трговијата а најмногу се забележува за генерално високата стапка на невработеност.

ПРИХОДИ ПО ГЛАВА НА ЖИТЕЛ БДП ПО ГЛАВА НА ЖИТЕЛ

Косово 4 440$ 4 287$

Aлбанија 5 210$ 5 215$

Mакедонија 5 720$ 5 888$

БиХ 6 090$ 6 031$

Србија 7 400$ 7 666$

Црна Гора 7 900$ 7 686$

Бугарија 9 540$ 9 975$

Романија 12 570$ 12 896$

Хрватска 14 190$ 13 828$

Грција 19 690$ 17 676$

Словенија 25 910$ 25 179$

Бугарија и Романија се најсиромашните земји во Унијата – но сепак се подобри од сите во поранешна Југославија и источниот блок, кои не се дел од неа. БДП по жител кај источниот сосед пред 2 години бил речиси 10 000 долари, а кај Романија околу 12 900 долари. Во Хрватска, пак, изнесувал 13 828 долари. Од членството во ЕУ најголем бенефит добила Словенија која сега има четири пати поголем БДП по глава на жител од Македонија, иако и двете беа дел од иста држава до 1991 година – безмалку 25 200 долари.

Во листата на најбогати доминираат генерално земјите од Скандинавија и Западна Европа. Лихтенштајн и Монако имаат дури 180 000 односно 190 000 долари БДП по жител. Трета земја е Луксембург со 115 000 долари. Германија, која е меѓу најчестите дестинации за студирање и работа на Македонците, пред две години остварила БДП по глава на жител од 45 723 долари.

Европа во моментов се соочува со една од најтешките економски и енергетски кризи некогаш. Ќе ги погоди сите на континентот, но особено најсиромашните…

Европа

Украинските војници во паника побегнале од руската област Курск

Published

3 hours ago

March 23, 2025

Арлингтон

Украинските сили побегнале од руската област Курск во паника по молскавичниот продор на руските сили во нивната одбранбена линија, пишува „Волстрит журнал“.

Според весникот, теренските команданти на украинските единици им наредиле на своите подредени да се повлечат, дури и пред да добијат наредби од повисоките офицери.

Ситуацијата била критична за украинските сили во Курск, и тоа уште пред маневрите на руските војници во близина на гасоводот. „Не можевме повеќе да издржиме“, изјавил еден од украинските наредници за весникот.

Украинските лекари забележуваат дека, поради големиот број руски беспилотни летала, многумина при брзото повлекување заборавиле да ја проверуваат подлогата, што довело до тоа да бидат повредени или убиени од мини.

Европа

Украинците ги објавија официјалните бројки: Колкави се загубите на Русија? Досега бројките се загрижувачки

Published

9 hours ago

March 23, 2025

Арлингтон

Русија изгубила 903.480 војници од почетокот на инвазијата на Украина, соопшти Генералштабот на вооружените сили на Украина.

Таа бројка, како што додаваат, вклучува 1.470 руски загуби во последните 24 часа.

Според податоците од генералштабот на украинската армија, украинските сили од почетокот на војната уништиле повеќе од 10,412 тенкови од кои 9 во последните 24 часа. Украинските сили од почетокот на војната собориле 30.495 беспилотни летала од кои 157 во последните 24 часа.

Украинците исто така потврдија дека уништиле 3121 крстаречка ракета но и повеќе од 25.000 артилериски системи, 28 воени бродови, 1 подморница, повеќе од 41.000 возила и резервоари за гориво, 1116 против-воздушни системи, но и разновидна специјална опрема.

Европа

Руски ракетен напад врз Киев – има загинати и повредени

Published

11 hours ago

March 23, 2025

Арлингтон

Во напад со руски дронови на Киев, загинаа најмалку три лица, вклучувајќи и петгодишно дете, рекоа украинските официјални лица во неделата наутро.

„Масовен непријателски напад со беспилотно летало врз Киев“, објави градоначалникот Виталиј Кличко на Телеграм.

Русија лансираше 147 беспилотни летала во неколку украински региони во текот на ноќта, соопшти во неделата украинското воздухопловство.

Украинските единици за противвоздушна одбрана уништија 97 беспилотни летала, додека 25 беспилотни летала не успеаја да стигнат до своите цели, се вели во објавата на воздухопловните сили на Телеграм.

Украинците одговорија на нападот со напади врз Ростов, по што загина едно лице. Министерството за одбрана на русија соопшти дека Русија соборила 59 украински беспилотни летала во текот на ноќта.