Судијката што го судеше Васил Јованов убиецот на дизајнерката Фросина Кулачка е разрешена од работната група во министерството за Правда која работела на измени на Кривичниот законик.

Со одлука на министерот за правда Филков судијката Даниела Алексовска Стојановска веќе не е дел од работната група која е формирана во декември 2020 година за измена на Кривичниот законик.

,,Ви се обраќам не само како министер за правда, туку и како граѓанин, родител”. 

Вака министерот Игор Филков ја започна денешната прес-конференција за случајот со трагично загинатата Фросина Кулакова, која минатата недела беше прегазена на булеварот Партизански Одреди во Скопје.

,,Ги повикувам судовите и Судскиот совет за да преземат дејства со кои ќе се преиспита целиот случај со прерано загинатата Фросина. Ве информирам дека денеска донесов одлука да ја разрешам од членство во работна група во Министерството за правда судијката чие име ја бранува јавноста. Таа беше дел од работната група која е формирана во декември 2020 година за измена на Кривичниот законик и беше дел од оптимизираната работна група за брзите измени на Кривичниот законик со кои очекуваме да се отстранат штетните последици предизвикани со измените во 2023 година. Ова го правам за да не се дискредитира процесот којшто е започнат за потребните суштински редорми во правосудството. Крајно време е надлежните институции да покажат дека се подготвени да преземат мерки за лоцирање на виновниците и нивна евентуална одговорност. Одговорност мора да се утврди и тука нема компромиси. Граѓаните очекуваат правда, а институциите се должни да ја испорачаат. Овој случај е само потврда на податоците за оценка на работата на судовите кои беа презентирани пред некој ден. Токму корумпираноста беше детектирана како најголем проблем на судството со најниска оценка”, рече Филков.

На 2 јануари 2025 година е реализирана голема меѓународна истрага координирана од ЕУРОПОЛ, македонската и српската полиција, а под раководство на надлежните јавни обвинителства. Во акцијата е сузбиена организирана криминална група инволвирана во фалсификување и пуштање во оптек на лажни пари на териториите на повеќе држави.

Истрагата утврдила дека од крајот на 2023 година до февруари 2025 година групата, составена од македонски и српски државјани, изработувала фалсификувани пари во специјално опремен стан во Скопје. Со помош на машини со гравирани плочи, кои имитирале сигурносни знаци на банкноти, биле произведувани лажни пари во различни апоени. Тие биле пуштани во оптек во Северна Македонија и Србија, а значителен дел од нив завршувал во Австрија, Германија, Романија, Словенија, Хрватска и Косово.

Во акцијата на територијата на Северна Македонија биле извршени претреси во Скопје, Велес и Прилеп, при што се уапсени 10 лица – девет од Скопје и едно од Велес. Запленети се околу 500.000 евра, 25.000 американски долари, 500 швајцарски франци, 1.800 израелски шекели, 500 хрватски куни, 10.000 албански леки, 1.000 шведски круни и 25.000 руски рубљи. Исто така, откриени се CNC машина за изработка на калапи, калапи, жигови, валјаци за печатење, копии од банкноти, три пиштоли, една пушка, 140 куршуми, кесе со непозната прашкаста материја, мобилни телефони, СИМ картички, УСБ уреди и лаптопи.

Во истовремена акција во Србија се уапсени шест лица, членови на истата група, при што се запленети дополнителни 153.700 евра.

Истражните активности продолжуваат, а Одделот за сузбивање на организиран и сериозен криминал во текот на денот ќе поднесе кривична пријава против шест македонски и двајца српски државјани.

Во вечерашниот поткаст, „ВМРО-ДПМНЕ зборува“ гостуваше директорот на Агенција на катастар за недвижности, Иван Живковски, кој говореше за сработените мерки и проекти во Aгенцијата. Како што вели тој, минатото раководство сакало да ги зголеми цените на услугите на Kатастарот за значителен процент, но за среќа сега на граѓаните драстично им се намалени цените за услугите кои ги нуди.

-Бев инспириран пред се од една фамозна одлука на претходниот директор, со која што беа цените вртоглаво покачени на катастарот и по една опсежна анализа предложивме да се намалат цените дури до 75 проценти. Така да, тој тарифник е сега на сила, стапен е на сила, ги помина сите оние потребни филтри, истакна Живковски и додаде дека заштедата со новите цени, ќе достигне милион евра, пари кои што ќе останат во џебот на граѓаните.

Живковски се осврна на заостанатите предмети и процеси кои што ги затекнал во институцијата, каде што напомена дека над 6000 предмети биле оставени нерешени.

-Веднаш направивме еден координативен состанок и донесовме одлука дека тоа треба под итно да се заврши. Епилогот од тоа беше дека се работеше прекувремено, во саботи, се остануваше и подоцна од предвиденото работно време и во моментов имаме само тековни предмети кои што како стигнуваат така се решаваат, појасни тој и додаде, „Само во ноември месец имаме речиси 95 илјади предмети кои што се решени на ниво на цела Република Македонија. Тоа е една бројка која што е многу сериозна и никогаш претходно се нема случено’’.

Директорот на Катастар, даде своја визија за работењето во институцијата која ја подели во две фази.

-Првата насока е дигитализацијата, зголемување на овие услуги, кои што ги напоменав, брза и ефикасна услуга, што значи нели да не се чека со недели, па и месеци, потенцираше Живковски и додаде, „Другиот аспект е нула корупција, затоа и започнавме една кампања во првите два месеца, а кампањата беше и сеуште трае „Не биди соучесник – пријави обид за корупција“.

Живковски на крајот на поткастот, даде едно резиме за тоа што е направено изминативе 6 месеци откако тој е директор на Агенцијата на катастар за недвижности.

Тој меѓу главните карактеристики ги истакна реорганизација на седиштето на Агенцијата и центарот Скопје, намалувањето на тарифникот, отворање на општински подрачја, обуки за вработените, нова платформа за добивање на електронски услуги и проектот за нула корупција.

-Морам да констатирам дека Катастарот е една од институциите што во најголема мера е дигитализирана. Како Агенција за катастар имаме повеќе од 140 виртуелни услуги, трет најголем оперативен систем во Македонија сме, покрај Царина и УЈП, трети сме ние, истакна Живковски за дигитализацијата и заклучи за проектот нула корупција.

„-И секако, морам повторно да напоменам, кампањата која што ни е во тек и дава многу добри резултати, „Не биди соучесник – пријави обид за корупција“, ќе продолжи и понатаму. Ќе продолжиме да се бориме максимално со сите обиди за корупција. Ако едноставно сакаме да одиме напред, тоа мораме како термин и поим да го заборавиме, рече Живковски.