Претседателот на Украина Володимир Зеленски учествувал во сообраќајна несреќа во Киев, не е тешко повреден, изјави неговиот портпарол Сергеј Никифоров.
„Во Киев патнички автомобил се судри со автомобилот на претседателот на Украина и возилата на неговата придружба. Лекарите кои го придружувале шефот на државата му пружиле итна помош на возачот на автомобилот и го предале на брзата помош. Претседателот бил прегледан од лекар, кој не констатирал сериозни повреди“, напиша Никифоров на социјалните мрежи.
Тој додаде дека полицијата ги истражува околностите на инцидентот.
Видео од местото на несреќата во Киев стана вирално и брзо се прошири на социјалните мрежи.
Возачот на вториот автомобил кој учествувал во инцидентот бил однесен со возило на брза помош, јавуваат локалните медиуми
