Connect with us

Македонија

Левица му поднесе кривична на Талат Џафери за референдумот

Published

on

Правниот сектор на Политичката партија Левица, до Основното јавно обвинителство – Скопје, поднесе кривична пријава против претседателот на Собранието на Република Македонија – Талат Џафери, бидејќи тој, своеволно и спротивно на Уставот, Законот и Деловникот го оневозможил спроведувањето на граѓанската иницијатива на државно ниво за собирање на 150.000 потписи за распишување задолжителен дополнителен референдум за Законот за ратификација на Договорот за добрососедство со Бугарија. – велат од ЛевицаПријавениот се терети дека, намерно и со умисла, преку противуставното, противзаконското и противделовничкото одбивање на уредната граѓанска иницијатива – поднесена од страна на група од 646 граѓани, на пропишаниот образец од страна на Државната изборна комисија – сторил тешко кривично дело против изборниот систем – „Спречување на избори и гласање“, казниво по чл. 158, ст. 1 од Кривичниот законик, со запретена минимална затворска казна од најмалку три години. Во пријавата се нотира дека, со ова свое инкриминирано деликтно дејствие, преку злоупотреба на своите службени овластувања, пријавениот арбитрарно го ускратил врховното колективно уставно право на граѓаните, како носители на народниот суверенитет, на т.н. директна демократија, свесно спречувајќи нивно непосредно изјаснување по пат на референдум. Со тоа, тој од старт ја осуетил и ја спречил законската можност за собирање потписи за распишување државен референдум, гарантирана во Законот за референдум и други облици на непосредно изјаснување на граѓаните, манипулирајќи ја и непочитувајќи ја изречно предвидената подзаконска деловничка процедура за постапување во случај на поднесена иницијатива од група-граѓани, како овластени предлагачи. Имено: (1) Спикерот не е надлежен да се впушта во мериторно оценување на иницијативата за распишување референдум, туку исклучиво може само да ја цени нејзината уредност, како поднесок, од формално-правен аспект; (2) Toj не можел сам, без претходно прибавено мислење од две собраниски комисии, да одлучи за уредноста на иницијативата; (3) Џафери бил должен прашањето да го префрли на парламентарниот пленум на Собранието, поради тоа што само тоа има уставна и материјална надлежност да цени дали истата ќе продолжи или ќе запре, бидејќи единствено Собранието, во полн состав, на пленарна седница, е надлежно ad meritum да одлучи за уредноста или неуредноста на поднесената граѓанска иницијатива – преку носење на подзаконски правен акт наречен „Заклучок“ (а не „Известување“)!? – информираат од Левица

Македонија

Со изградба на гасни централи ќе се решава проблемот со загадувањето

Published

on

Премиерот Христијан Мицкоски најави мега-инвестиција за гасни централи за решавање на проблемот со загадување, бесплатен приклучок на домаќинствата и над милијарда евра инвестиции во енергетика.

Тој во владата имаше средби со раководството на „Казанчи Холдинг“, која преку своите енергетски компании што работат под брендот „АКСА“, преставува еден од најголемите енергетски гиганти во својата област.
Со повеќе од 25 години искуство, „АКСА Енерџи“ е водечка турска компанија во енергетскиот сектор и клучен глобален инвеститор во одржлива енергија. Компанијата располага со инсталиран капацитет од над 3.500MW во 8 земји, а мнозинскиот сопственик на „АКСА Енерџи“, „Казанчи Холдинг“ работи во 22 земји на четири континенти.

„Јас во минатото говорев, кога станува збор за решавање на проблемот со загадување на воздухот дека разговараме со инвеститори кои се заинтересирани за градење на когенеративни гасни централи кои всушност се единственото трајно решение за загадениот воздух. И дека се друго би значело ставање на проблемот под тепих. Станува збор за когенеративни централи со 500MW инсталиран капацитет кои произведуваат 4,1TWh електрична енергија и 720 GWh топлинска енергија на годишно ниво. Токму „Казанчи Холдинг“ е компанијата со која разговараме за изградба на секундарна мрежа на гас и топловодна мрежа која ќе стига до домаќинствата по исклучително поволни услови. Приклучоците на гасоводна и топловодна мрежа предвидуваат 0 денари трошоци за домаќинствата, а цената на природниот гас за домаќинствата ќе биде многу пониска од онаа цена која е на берзите. Целиот проект, изградба на секундарна гасоводна мрежа, топловодна мрежа и когенеративните централи е димензиониран на инвестиција од над една милијарда евра“, кажа Мицкоски.

Тој додаде дека оваа инвестиција не е важна само за трајно решавање на проблемот со загадување на воздухот, туку и за енергетскиот потенцијал на државата.

„Инвестициите во ова поле се гаранција и зацврстување на нашата енергетска независност која во 21 век е всушност и зацврстување на сувереноста на државата во нејзиното одлучување и водење на политика. Разговараме за проекти кои се од темелно значење за животната средина, економијата, енергетската независност и стратешкото позиционирање на Македонија. Разговорите продолжуваат и сигурен сум дека за брзо време ќе се договориме и ќе има конкретни чекори во реализација на нивните планови“, рече премиерот.

Continue Reading

Македонија

Украински блогер објави видео: Македонски ми-24 воен хеликоптер напаѓа цели во Донецк

Published

on

Украински блогер објави видео снимка во која се гледа македонски воен хеликоптер “ми-24” како напаѓа руски цели во Донецк.

“Македонски хеликоптер ми-24 и украински транспортен хеликоптер ми-8 со ненаведувани проектили, се прикажани како напаѓаат руски цели во регионот Донецк”, пишува блогерот.

Хеликоптерите што Македонија и ги донираше на Украина во 2023, и беа набавени токму од Украина во 2001 година.

Одлуката за донација на хеликоптери од Армијата на Северна Македонија за војската на Украина беше донесена на владина седница на 29 март 2023 година.

Македонија во повеќе наврати донираше воена помош за Украина. Руската инвазија на Украина започна пред три години, но според изјавите на светските лидери, изгледа дека на војната и се ближи крајот.

Continue Reading

Македонија

Меџити: Инвестиција од над 1 милијарда евра во енергетиката, трајно решение за загадувањето

Published

on

Првиот вицепремиер и министер за животна средина и просторно планирање, Изет Меџити, најави значајна инвестиција во енергетскиот сектор, која ќе го подобри загадувањето и енергетската стабилност на земјата.

Во врска со ова, Меџити изјави: „Оваа инвестиција нема да има трошоци за домаќинствата. Поврзувањето на мрежата за гас и топла вода за домаќинствата ќе биде бесплатно, додека цената на природниот гас ќе биде значително пониска од онаа на меѓународните пазари.“

Тој додаде: „Овој проект ќе обезбеди одржливо решение за намалување на загадувањето, ќе го подобри квалитетот на животот на граѓаните и ќе го зајакне енергетскиот сектор на земјата.“

Според него овој проект вклучува изградба на когенеративни електрични централи на гас и изградба на втора гасна и топлинска мрежа која ќе донесе многу поволни услови за семејствата.

Continue Reading
Advertisement
Advertisement

Трендинг

Copyright © 2024 Булевар.мк