Во Кривичниот суд во Скопје денеска се продолжи судскиот процес за двојното убиство на Вања Ѓорчевска и Панче Жежовски. Првообвинетиот Љупчо Палевски, познат како Палчо, изрази намера да постави 97 прашања на сведокот Влатко Кешишев, кој претходно сведочеше во судницата.

„Имам 97 прашања. Ги прочитав сите записници од Јавното обвинителство и ги користам за да формулирам квалитетни прашања, а не ги цитирам директно. Важно е што тие содржат значајни информации за целокупниот судски случај. Се надевам дека тоа не е тешко кривично дело, бидејќи имам сознанија за контрадикторностите во сведочењето на Кешишев, што е причината зошто не беа прочитани неговите записници“, изјави Палчо во судницата.

На претходното рочиште, кога Кешишев даваше исказ, неговиот адвокат побара да се отстрани Палевски од судница, што судот и одобри. Иако адвокатот Страшевски се противеше на оваа одлука, Палчо не беше присутен за време на сведочењето на Кешишев.

Во претходните рочишта искази дадоа и Велибор Манев и Боре Видевски, што ја зголемува динамиката на оваа сложена судска постапка. Сите очи се вперени во текот на судењето, кое продолжува да открива нови детали за овој брутален злостор.

Обвинетиот Влатко Кешишев на денешното рочиште опиша како, по убиството на Панче Жежовски, пристигнале во Скопје и го паркирале „цитроенот“ на паркингот кај Кванташкиот пазар. На прашањето дали пред да биде грабната Вања биле на обиколка на нејзината зграда, Кешишев одговори:

„Не сум бил, освен привиот пат кога се обидоа и вториот пат кога беше грабнувањето.“

На прашањето од бранителот на Александар Ѓорчевски, Владимир Туфегџиќ, Кешишев откри дека телефоните биле во штабот и дека со себе носеле мотороли: „Телефоните ни беа во штабот, со себе носевме мотороли.“

Туфегџиќ го праша Кешишев дали слушнал дека девојчето било по грешка грабнато, на што Кешишев одговори:

„Не, бидејќи бев подалеку, ниту пак некој ги спомна мајката и таткото на детето.“

Градоначалникот на Општина Кисела Вода, Орце Ѓорѓиевски, најави нова голема акција за пошумување на територијата на целата општина, во рамки на еколошките иницијативи за подобрување на квалитетот на воздухот.

Во основното училиште „Кузман Шапкарев“ денес се одржа акција за засадување на чинари, како дел од проектот „ЕУ за чист воздух“, финансиран од Европската Унија, која ги донираше садниците. Градоначалникот нагласи дека ваквите активности се насочени кон училиштата и градинките, местата каде што растат и се образуваат најмладите.

„Засадувањето на секое дрвце е инвестиција во иднината на нашите деца. Како општина, континуирано работиме на подобрување на квалитетот на воздухот и животната средина“, изјави Ѓорѓиевски.

Покрај акциите за пошумување, во сите училишта во Кисела Вода се поставени прочистувачи на воздух, а во поголемите паркови надворешни пречистувачи, достапни за сите граѓани.

„Нашата заложба за чиста и здрава животна средина нема да запре овде. Наскоро започнуваме голема акција за засадување на дрвја низ целата општина“, додаде Ѓорѓиевски, изразувајќи благодарност до сите кои учествуваат во еколошките иницијативи.

Општина Кисела Вода продолжува со реализација на проекти за одржлив развој и подобрување на животната средина, со цел создавање подобри услови за сите жители.