Земјотрес со јачина од 7,7 степени според Рихтеровата скала го погоди Мјанмар, соопшти Американскиот геолошки институт (USGS). Стотици луѓе во тајландската престолнина Бангкок во паника излегоа од зградите откако почувствуваа дека земјата се тресе, јавува Ројтерс.

Според Геолошкиот институт на Соединетите Американски Држави (USGS), епицентарот бил на околу 17,2 километри од градот Мандалеј, кој има околу 1,2 милиони жители. Околу 12 минути по првиот земјотрес, втор силен последователен потрес со јачина од 6,4 ја погоди областа.

Пристигнуваат информации за урнати згради во Мјанмар и Бангкок.

Видеото може да го погледнете тука

Унгарскиот премиер Виктор Орбан денеска изјави дека Брисел се подготвува за војна, иако, како што наведе, во моментов нема закана од војна.

„Нема закана од војна, Унгарија нема да војува со никого. Остануваме на страната на мирот и ако Европа започне војна, ние сигурно нема да влеземе во неа“, рече Орбан на прес-конференција, пренесе МТИ.

Орбан рече дека во моментов не се чини дека Европа е под непосредна закана од војна и дека е многу малку веројатно дека „некој би нападнал членка на НАТО“.

Според него, оние кои се подготвуваат за војна обично го прават тоа за да иницираат „некој чин на војна“, додавајќи дека во моментов се водат политички подготовки за подлабоко вклучување во конфликтот.

Унгарските семејства, рече Орбан, не треба да преземаат посебни мерки, пренесува Танјуг.

Прашањето за Гренланд нема никаква врска со Русија, но ние сме загрижени поради фактот што земјите од НАТО сè повеќе го признаваат далечниот север како упориште за можни конфликти. Русија сигурно ќе ги брани своите интереси на Арктикот, бројот на војници таму ќе расте, изјави рускиот претседател.

Русија ќе ги брани своите интереси на Арктикот и бројот на војници таму ќе расте, изајви рускиот претседател Владимир Путин пред членовите на Меѓународниот арктички форум., јави Скај Њуз. Путин ја коментираше состојбата со островот Гренланд за кој американскиот претседател Доналд Трамп повеќепати изјави дека сака да го припои кон САД.

– Би било голема грешка да се мисли дека ова е само некоја ексцентрична приказна за новата американска администрација, бидејќи не е. Слични планови првпат беа јавно претставени во Вашингтон во 1860-тите, но предлогот за анексија на Гренланд и Исланд беше одбиен од Конгресот во тоа време. Овие планови имаат длабоки историски корени и очигледно е дека САД ќе продолжат да ги туркаат своите геополитички, воени и економски интереси на Арктикот. Прашањето за Гренланд нема никаква врска со Русија, но ние сме загрижени поради фактот што земјите од НАТО сè повеќе го признаваат далечниот север како упориште за можни конфликти. Русија сигурно ќе ги брани своите интереси на Арктикот, бројот на војници таму ќе расте. Русија ќе одговори и на вклучувањето на Финска и Шведска во активностите на Алијансата – рече Путин.