Првиот вицепремиер во Владата, Изет Меџити, во емисијата „Топ Тема“ на ТВ Телма ја истакна важноста на единството во рамки на коалицијата ВЛЕН и го изрази своето целосно доверување кон политичките партнери со кои споделува иста идеја и визија.

„Јас по природа им верувам на луѓето, им верувам на пријателите. Потполно им верувам на Касами, Ибрахими и Гаши, затоа што не обединува идејата. До тука стигнавме како ВЛЕН, не сами,“ изјави Меџити.

Тој додаде дека секој обид за напуштање на овој заеднички пат ќе резултира со неуспех. „Секој што ќе се оддели, ќе се скрши и ќе биде губитник,“ нагласи тој.

Првиот вицепремиер во Владата, Изет Меџити, во емисијата „Топ Тема“ на ТВ Телма ја критикуваше ДУИ за нејзините обиди да собере што повеќе партии околу себе во пресрет на локалните избори, вклучително и Арбен Таравари.

„На ДУИ не и се доволни девет политички партии. По Села, Дудуш и другите, сега го бараат и Таравари за да бидат конкуренти на политичката сцена, особено на локалните избори“, изјави Меџити.

Тој нагласи дека ДУИ, која секогаш самостојно учествувала на локалните избори, сега бара поширока поддршка. „Никогаш не се случило ДУИ да оди како коалиција на локални избори, секогаш одела самостојно. Но јас со целосна увереност велам дека ВЛЕН ќе биде апсолутен победник на локалните избори“, истакна Меџити.

Зголемена потрошувачката на енергенси во февруари – домашното производство покрива над 80% од потребите

Во февруари 2025 година во земјава се потрошени вкупно 692.461 мегават-час електрична енергија, 39,165 милиони нормални кубни метри природен гас, 574.134 тони јаглен и 85.541 тон нафтени деривати.

Според податоците што денеска ги објави Државниот завод за статистика, 82,4% од вкупно потрошената енергија потекнува од домашно производство, што укажува на високо ниво на енергетска самостојност. Интересен е и податокот дека 99,4% од вкупно потрошениот јаглен бил искористен за производство на електрична енергија.

Бруто-производството на електрична енергија во февруари изнесувала 570.529 мегават-часови, што претставува 82,4% од вкупната бруто-домашна потрошувачка.

Во споредба со истиот месец лани, статистиката покажува умерен раст – потрошувачката на природен гас е зголемена за 3,3%, а на нафтените продукти за 4,5%.