Во денешното соопштение до медиумите, судиите и Подружницата на Здружението на судии на Република Северна Македонија при Основен кривичен суд Скопје изразија длабоко жалење за загубениот млад живот на Фросина Кулакова, која трагично го загуби животот во сообраќајна несреќа која ја потресе јавноста. Потоа, тие истакнаа дека, поттикнати од бурните реакции на јавноста, посебно по повод неправосилната пресуда за Васил Јованов за сосема различен случај, сметаат дека е неопходно да се обратат до јавноста во интерес на заштита на угледот на судиската функција, како и за демантирање на шпекулациите и лажните вести.

Во реакцијата на судиите се вели дека тие го поддржуваат барањето за системски промени кои се однесуваат на зголемување на безбедноста во сообраќајот. Овие промени се со цел за постигнување на безбедност на патиштата, што во извесна мера подразбира и измени на одредбите во Кривичниот законик, кои честопати „ограничуваат“ судиите во нивното постапување.

Судиите соопштија дека пресудата за Васил Јованов се однесува на кривичното дело за наркотици и дека таа пресуда се уште не е правосилна, туку е во фаза на одлучување пред Апелациониот суд Скопје. Притоа, судијата Даниела Алексовска-Стојановска ја донела пресудата согласно со Законските одредби, слободното судиско уверување и судската пракса.

Во Завршните зборови, јавниот обвинител ја предложил пресудата, нагласувајќи дека обвинетиот е млад, без претходни судски инциденти, па судот имал задача да избере најдобра санкција, што ќе има ефект на обвинетиот да разбере дека неговите дејствија биле противправни.

Судиите исто така ги демантираа шпекулациите дека обвинетиот имал претходни осуди, како и дека постоеле други кривични постапки против него. Во соопштението се додава дека не е јасно кои се тие „фамозни 10 пријави“ кои се поврзуваат со истата судија и обвинет.

Во соопштението беше истакнато прашањето дали доколку беше изречена казна затвор, мерката притвор ќе можела да опстои во повисоките судски инстанци. Истовремено, судиите повикаа надлежните институции да ги искористат механизмите за проверка на првостепената пресуда и да утврдат евентуални пропусти во постапката.

Судиите истакнаа дека неказнивоста не е само проблем на судската власт, туку и на сите три власти во државата. Тие посочија дека системот на амнестија, помилувања и измени на Кривичниот законик имал директно влијание на ослободените осуденици и на правото на казни за одредени кривични дела.

Конечно, судиите апелираа до јавноста да не подлегнува на провокации и лажни вести, и ја повикаа на рационален и објективен пристап при разгледување на сите пропусти што можат да бидат исправени. Судиите исто така изразија сочувство за сите жртви на сообраќајни несреќи и апелираа за создавање на побезбедно општество за сите граѓани.

Почнувајќи од денес, 5 февруари 2025 година, повторно е воведена железничката линија Скопје – Куманово – Скопје, која беше укината. Возовите ќе сообраќаат двапати дневно во двата правци:

• Од Скопје за Куманово: во 04:57 и 16:37 часот.

• Од Куманово за Скопје: во 06:00 и 17:40 часот.

Оваа одлука доаѓа како резултат на зголемената побарувачка за железнички превоз и заложбите за подобра поврзаност меѓу двата града.

Премиерот Христијан Мицкоски во јануари годинава рече дека ако Судот донесе одлука да се вратат 50-те милиони евра од солидарниот данок, парите ќе им бидат вратени на компаниите и најави потенцијална кривична одговорност за креаторите на оваа политика.

Уставниот суд донесе одлука да го поништи Законот за солидарен данок. Тоа значи дека државата, односно ние граѓаните, ќе треба да им вратиме околу 49,2 милиони евра на 156-те најпрофитабилни компании кои во 2022 година беа еднократно оданоечни со т.н. солидарен данок.

Данокот на солидарност беше воведен како еднократна, вонредна јавна давачка во 2023 година. Со него беа задолжени сите компании кои оствариле профит над 615 милиони денари во 2022 година. Околу 150 компании мораа да платат задолжителен вонреден данок на солидарност на веќе одданочениот профит од претходната година.

Целта на законот, како што објаснуваше претходната влада на СДСМ, беше да се соберат средства за ублажување на последиците од здравствената и екномската криза и да се придонесе за јавните расходи на солидарен начин.

На седница лани во ноември Уставниот суд ги прифати како основани дел од наводите во иницијативите на пет подносители.

„Судот изрази сомнеж дека оспорениот закон ја повредува темелната вредност владеење на правото и фундаменталните принципи на кои почива, како што е правната сигурност на субјектите во нивната правна положба, правната предвидливост и правната извесност. Според дискусијата и аргументите, со донесувањето на законот е нарушена правната сигурност на компаниите кои оствариле профит над 615.000 000 денари во 2022 година, со тоа што во септември 2023 година е донесен закон кој им наложува задолжителен вонреден данок на солидарност на веќе одданочениот профит од претходната година. Уставните судии изразија сомнеж дека станува збор за закон кој произведува повратно дејство, што е во спротивност со Уставот. Судот го имаше во предвид фактот дека ретроактивноста и нејзиниот исклучок е дозволен само кога станува збор за тековни постапки, но во случајот засегнатите субјекти ги окончале односите со плаќањето на данок во 2022 година“, соопшти тогаш Уставниот суд.

Премиерот Христијан Мицкоски, во јануари годинава рече дека одлуките на Уставниот суд не се коментираат, туку се спроведуваат и ако Судот донесе одлука да се вратат 50-те милиони евра од солидарниот данок ќе бидат вратени. Тој најави и потенцијална кривична одговорност за креаторите на оваа политика.

– Ние враќаме многу работи кои ги задолжиле претходните. Многу пати сум рекол дека нема да ги коментирам одлуките на Уставниот суд. Ако донесат таква одлука мора да ги вратиме тие пари, нема што да правиме, ќе скратиме од нешто друго и ќе направиме ребаланс. Воедно ќе ја разгледаме и можноста за кривична одговорност на тие кои донесоа одлука на ваков начин да се води економијата, зашто дефакто Буџетот е оштетен – рече Мицкоски.

Извор: plusinfo.mk