Американскиот претседател Доналд Трамп синоќа изјави дека „многу би сакал“ да го прекине финансирањето на американскиот јавен радио сервис Ен-пи-ар (NPR) и јавната телевизија Пи-би-ес (PBS), кои ги обвинува дека се „многу пристрасни“.

-Ќе ми биде чест да ставам крај на тоа – им рече Трамп на новинарите во Белата куќа.

Американските јавни медиуми, со понизок рејтинг од нивните европски колеги, долго време се мета на клевети од конзервативците, кои ги обвинуваат дека се „премногу левичарски“.

-Сите тие пари се фрлаат… И тие имаат многу пристрасен став – рече републиканскиот претседател.

Во истото обраќање до медиумите, Трамп го нападна главниот уредник на магазинот „Атлантик“, Џефри Голдберг, кој во понеделникот откри недостатоци во воената безбедност.

Според веб-страницата на јавниот радиодифузен сервис Пи-би-ес, структурата што ги дистрибуира федералните субвенции има буџет од приближно 500 милиони долари годишно, што беше одобрено од Конгресот за време на гласањето за буџетот.

Таа структура, Корпорацијата за јавна радиодифузија, наведува дека дава „повеќе од 70 отсто“ од своите субвенции на бројни локални радио и телевизиски станици, кои пак ги откупуваат правата за реемитување програми произведени од националните структури, Ен-пи-ар и Пи-би-ес.

Националната структура на Ен-пи-ар од своја страна наведува дека добива „околу еден процент“ од директните федерални субвенции и живее главно од реклами и програми купени од локалните станици.

Ен-пи-ар проценува дека 41 милион Американци, од вкупно 340 милиони жители, ги слушаат неговите програми секоја недела. Пи-би-ес проценува дека 36 милиони луѓе гледаат локална телевизија на нејзината мрежа секој месец.

Администрацијата на Трамп неодамна одлучи да ја распушти владината агенција која ги надгледува радио станиците Глас на Америка (ВоА), Радио Слободна Азија и Радио Слободна Европа/Радио Либерти.

Белата куќа денеска објави дека САД и Русија се договориле да обезбедат безбедна пловидба, да ја елиминираат употребата на сила и да спречат употреба на комерцијални бродови за воени цели во Црното Море.

на руски и американски експертски групи во Ријад, Саудиска Арабија.

Во соопштението на Белата куќа за Русија се вели:

„САД и Русија се договорија да обезбедат безбедна пловидба, да ја елиминираат употребата на сила и да спречат употреба на трговски бродови за воени цели во Црното Море. Соединетите Држави ќе помогнат да се врати Русија на светските пазари за извоз на земјоделски производи и вештачки ѓубрива, да ги намалат трошоците за поморско осигурување и да го подобрат пристапот до пристаништата и платните системи за такви трансакции.“

Од друга страна, за време на разговорите на САД со Украина, исто така било договорено да се обезбеди безбедна пловидба, да се елиминира употребата на сила и да се спречи употребата на комерцијални бродови за воени цели во Црното Море.

„Во согласност со разговорите на претседателско ниво меѓу претседателот Доналд Трамп и претседателот на Украина Володимир Зеленски, Соединетите Држави ги олеснија билатералните технички разговори со украинската делегација од 23 до 25 март во Ријад. По тие разговори, САД и Украина се согласија да обезбедат безбедна навигација, да ја елиминираат употребата на сила и да спречат употреба на комерцијални бродови за воени цели“, се вели во официјалната изјава на Белата куќа на нејзината веб-страница за Црното Море.

Се додава дека САД и Украина се согласиле дека Вашингтон останува посветен на помошта во размената на воени заробеници, ослободувањето на цивилните затвореници и враќањето на насилно преместените украински деца.

Забележано е и дека САД и Украина се договориле да развијат мерки за спроведување на договорот меѓу Трамп и Зеленски за забрана на напади врз енергетски објекти во Русија и Украина.

„САД го повторија императивот на претседателот Трамп на двете страни дека убиствата на двете страни од конфликтот меѓу Русија и Украина мора да престанат, како неопходен чекор кон постигнување трајно мировно решение. За таа цел, САД ќе продолжат да ги олеснуваат преговорите меѓу двете страни за да се постигне мирно решение, во согласност со договорите постигнати во Ријад“, се вели во соопштението.

Преговарачките страни во моментов се поблиску од кога било до прекин на огнот во Украина, вклучително и во Црното Море, и потоа можат да почнат да разгледуваат понатамошни прашања во рамките на решавањето на украинскиот конфликт, изјави раководителката на прес-службата на Стејт департментот, Тами Брус на редовниот брифинг со новинарите.

Таа најавила дека мораториумот на нападите во Црното Море му претходи на договорот за целосен прекин на огнот во Украина.

„Преговарачките тимови се состануваат во Саудиска Арабија и разговараат за продолжување на прекинот на огнот до Црното Море на патот кон целосен прекин на огнот“, рекла Брус.

Додала дека целта е целосно да се врати безбедната трговија во Црното Море.

Според неа, за суштинските несогласувања меѓу страните во украинскиот конфликт ќе може да се разговара дури по прекин на огнот.

„Само ве потсетувам дека додека не дојде до прекин на огнот, целосен прекин на огнот, дури тогаш, како што истакнаа претседателот (САД Доналд Трамп) и, се разбира, државниот секретар (Марк Рубио), ќе можеме да ги разгледаме несогласувањата и што ќе следи откако ќе постигнеме траен мир“, нагласила таа.

Портпаролката посочила дека не се работи за доверба меѓу страните, туку за продолжување на контактите.

Во Саудиска Арабија вчера продолжија руско-американските разговори за Украина.

Руската делегација ја предводи Карасин, претседател на Комитетот на Советот на Федерацијата за меѓународни прашања и советник на директорот на Федералната служба за безбедност на Русија, Сергеј Беседа.

Во американската делегација се директорот за планирање политика на Стејт департментот, Мајкл Антон, како и помошниците на специјалниот пратеник за Украина Кит Келог и советникот за национална безбедност, Мајк Волц.