Вицепремиерот и министер за транспорт и врски, Александар Николоски, упати остри критики кон поранешниот претседател Стево Пендаровски, обвинувајќи го за лицемерие и непочитување на стратешките партнерства на Македонија.

Николоски потсети дека Пендаровски двапати изгуби на претседателските избори, а вториот пораз го доживеа со историски најголема разлика. По десетмесечна пауза од јавноста, според него, поранешниот претседател повторно се активирал со напади врз премиерот Христијан Мицкоски и ВМРО-ДПМНЕ, особено во контекст на нивната поддршка за САД и претседателот Доналд Трамп.

„Пендаровски, кој вети, но не се откажа од доживотната пензија на грбот на граѓаните, сега го напаѓа претседателот на нашиот стратешки партнер број еден. Арогантно дели ’ум’ на светските лидери, а самиот не се гледа“, изјави Николовски.

Тој го обвини Пендаровски дека во минатото ја злоупотребувал Агенцијата за разузнавање за фабрикување извештаи против ВМРО-ДПМНЕ, со цел да ги претстави како „проруски“ и „антизападни“, а во обид да ги дискредитира, барал од странски партнери дел од носителите на листи на ВМРО-ДПМНЕ да завршат на црна листа.

„Стево, троши ја пензијата, не се брукај, не ја руши позицијата на Македонија и дружи се со пријателите од Агенцијата за разузнавање додека можеш!“, порача Николоски.

Останува да се види дали Пендаровски ќе одговори на овие обвинувања или ќе продолжи со критики кон актуелната влада.

Артан Груби и Бујар Османи биле гаранторите дека Македонија ќе ги внесе Бугарите во Устав. Европските челници биле изненадени што Македонија воопшто го прифатила Францускиот предлог, кој ни стана услов за почеток на преговорите со Европската Унија… Извори од Министерството за надворешни работи и надворшна трговија, велат дека поранешниот прв дипломат и екс вицепремиерот во Брисел убедувале, дека преходната Влада ќе обезбеди двотретинско мнозинство во Собранието за уставни измени по вкус на Бугарија.

-Тогашните носители на високи позиции во земјите членки на Европската Унија биле убедувани примарно од претходниот министер и од еден поранешен вицепремиер кој што сега не е во државата, дека тие имаат јасен конкретен план како да испорачаат двотретинско мнозинство во Собранието, велат извори од МНР.

Без никаква широка дебата во јавноста пред три години Владата предводена од Димитар Ковачевски, неговиот прв заменик Груби и министерот Османи го прифатија Францускиот предлог. Според извори од МНР, на ова се чуделе меѓународните фактори во Брисел, бидејќи им било јасно дека нема начин како да тоа да се испорача.

-Првото изненадување било прифаќањето. Кога се појавило ова решение од 2022-та година, нас ни е пренесено од неколку високи претставници и на Европската Унија и на неколку земји членки, дека во самата Европска Унија не било очекувано дека тогашната Влада ќе го прифати тоа решение. Пред се поради недостатокот на капацитет да го испорача. Самото решение во себе има инкорпорирано и многу други комплексни аспекти кои што водат кон крајно блокирање, велат извори од МНР.

Сега, главната цел на македонската Влада е повеќе да нема билатерални спорови на патот кон ЕУ. Поради тоа се бараат уставни измени со одложено дејство, односно внесувањето на Бугарите во Устав да биде по завршување на преговарачкиот процес.

-Тие јасно кажуваат дека уставните измени се само за отворање на преговорите и многу е очигледно дека начинот на кој се поставува Бугарија во моментов на тоа прашање е дека и доколку се направат уставните измени, во моментот кога ќе се отворат преговорите, повторно ќе се сведеме на билатерални прашања. И тоа е она кое што ние се обидуваме да го спречиме во моментов, велат извори од МНР.

Поради попустливоста на претходната власт, Македонија прифати условите и уцените на Бугарија да станат и пречка во евроинтеграциите, поради која во моментов сме блокирани за старт на преговорите со ЕУ. Инаку, за времето на владеењето на СДСМ, неколку пати беше соопштувано дека Македонија добила датум за старт на преговори со Европската Унија, датум кој се уште го нема.

Извор: alfa.mk

Апелација му ја укина мерката притвор на обвинет водач на криминална група која се занимавала со продажба на дрога и оружје, иако, додека траела предистрагата тој избегал во Тирана, а подоцна бил фатен и вратен во државата.

Од Основното јавно обвинителство за гонење на организиран криминал и корупција појаснуваат дека официјално ја нема примено одлуката на Апелациониот суд Скопје кој според информациите, во текот на вчерашниот ден решавајќи по жалба на мерка притвор на првообвинет во предмет на ова обвинителство донел Решение со кое истиот е пуштен на слобода со понудената гаранција и му се определени мерки на претпазливост.

-Иако обвинителството не ги коментира судските одлуки, особено на Апелациониот суд на кои нема право на жалба, истакнува дека во конкретниот случај мислењето на надлежниот јавен обвинител континуирано беше негативно по однос на замена на мерката притвор.
Имено, обвинетиот кој организатор на повеќечлена криминална група од охридско – струшкиот регион која подолг временски период се занимавала со неовластено набавување и продажба на наркотична дрога и оружје, за време на акцијата што беше спроведена во ноември 2023 година успеа да избега и по него беше распишана национална и меѓународна потерница. Истиот подоцна е фатен на аеродромот во Тирана и е екстрадиран по што истражната постапката за него продолжи, а тој се наоѓаше во притвор кој во неколку наврати е продолжуван од Кривичниот совет при Основниот кривичен суд – Скопје и покрај понудените гараанции за замена на притворот со поблага мерка. Во меѓувреме, додека се очекуваше во понеделник Кривичниот совет да ја продолжи мерката притвор, Апелациониот суд Скопје, постапувајќи по жалба за претходното продолжување ја прифатил гаранцијата и го пуштил на слобода без притоа да ги земе предвид околностите дека обвинетиот е првообвинет во предметот, дека истиот беше во бегство и е екстрадиран од друга држава со купена карта во еден правец и дека предметот е во судска постапка која е скоро пред завршни зборови.

Обвинителството, кое во овој случај секогаш укажуваше на погоренаведените околности и врз основа на истите даваше негативно мислење за сите обвинети, почитувајќи го слободното судско убедување не реагираше кога во овој предмет обвинет кој е на маргините на хиерархија беше ослободен со гаранција. Останатите обвинети за кои сѐ уште се води судска постапка, како и оние кои признаа вина и имаат пресуди, до правосилноста на пресудите им е определена мерка притвор продолжувана и потврдувана од страна на Апелациониот суд – Скопје, велат од Обвинителството.