Делови на Босна и Херцеговина се погодени од поплави по обилните врнежи во последните неколку дена. Додека реките Врбас и Врбанија во Бањалуци денес се повлекуваат, ситуацијата во Приједор се влошува, пишува порталот Независне.

Најтешко се погодени северните и северозападните делови на земјата, каде што некои градови веќе прогласија состојба на природна катастрофа и воведоа вонредни мерки за одбрана од поплави. Покрај Приједор, ситуацијата е алармантна и во Сански Мост и околните населби.

Приједор веќе прогласи вонредна состојба, а од градот пристигнуваат снимки на потопени стамбени и деловни објекти, како и возила.

Тешка е состојбата и во приједорската населба Гомјеница, каде што куќите се под вода, а водената стихија меѓу нив носи сè пред себе. Водата стигнала до крововите на помошните објекти, а по дворовите пливаат автомобили, од кои се гледаат само крововите, пишува Витез.

На Фејсбук профилот на БХ метeo објавен е снимка која покажува потопени автомобили и куќи.

Градоначалникот на Приједор, Слободан Јавор, изјави денес дека може слободно да се констатира дека се работи за едни од најголемите поплави во историјата на градот, дека најкритичната ситуација е во Гомјеници и Тукови, дека се загрозени и останатите месни заедници во горниот тек на реката Гомјеница, но дека најважно е што нема жртви и што луѓето не се загрозени.

Ситуацијата дополнително се отежнува со прогнозата за нови врнежи кои би можеле дополнително да ја влошат ситуацијата во овој дел на БиХ, пишува порталот Витез инфо.

И покрај налогот за апсење, Додик отпатува за Белград, а потоа за Израел, а околностите во кои ја преминал границата се предмет на истрага на Граничната полиција на БиХ.

Лидерот на босанските Срби Милорад Додик се огласи на социјалните мрежи по враќањето од Израел.

На својот профил на социјалните мрежи напиша: „Стигнав“.

Засега не се знае дали Додик се вратил во Бања Лука и ако е така, како се вратил.

Наводно, откако Додик го напуштил Израел, се вратил во Белград. Авионот на Владата на РС, кој полета од Израел во четвртокот околу 22.30 часот, слета во Белград во петокот околу 01.20 часот. Набрзо повторно полетал и слетал во Бања Лука околу два часа подоцна, но не се знае дали Додик излегол од авионот во Белград, пренесува хрватски Дневник.

Судот на БиХ му одреди притвор и издаде налог за апсење на Милорад Додик затоа што не одговорил на поканата за распит што му ја испрати Обвинителството на БиХ како дел од истрагата поради сомневање дека сторил кривично дело загрозување на уставниот поредок на БиХ.

И покрај налогот за апсење, Додик отпатува за Белград, а потоа за Израел, а околностите во кои ја преминал границата се предмет на истрага на Граничната полиција на БиХ. За време на престојот во Израел, Додик нагласи дека следната недела ќе се врати во Босна и Херцеговина.

Директорот на болницата „Пирогов“, д-р Валентин Димитров, изјави дека сите пациенти кои беа примени по трагедијата во Кочани се екстубирани, но борбата за нивното здравје продолжува. Лекувањето ќе биде долго и тешко, со оглед на сериозноста на повредите, изјави тој за бугарската медиумска куќа „Нова“.

„Нашата желба е да им помогнеме на овие деца максимално долго. Лекувањето ќе трае онолку колку што е потребно,“ потенцира Димитров.

Дел од пациентите, меѓу кои се и деца, сè уште користат кислородни маски како помош за дишење. „Кога има вакви типови изгореници кои ги зафаќаат дишните патишта, состојбата е многу комплицирана и трае долго. Пациентите вдишале отровни гасови, бактерии и разни штетни супстанци, што го усложнува лекувањето,“ објасни Димитров.

Постојана координација со македонските власти

Директорот додаде дека има секојдневна комуникација со македонските државници и амбасадори. „Секој ден во 8:30 часот подаваме информации до македонскиот министер за здравство за состојбата на децата,“ истакна тој.

Без компромиси за здравствената грижа

Лекувањето вклучува употреба на голем број биопродукти и антибиотици, а финансиските трошоци не се приоритет, изјави Димитров. „Болницата е целосно обезбедена со сè што е потребно,“ категоричен беше тој, додавајќи дека нема да се штеди во напорите за нивното закрепнување.

Трагедијата која ги погоди жителите на Кочани остава длабоки траги, но поддршката и напорите од бугарските медицински тимови претставуваат зрак надеж за семејствата на повредените деца.