Амбасадата на САД од утрово ги информира сите невладини и други организации што веќе имаат добиено, па речиси и реализирано проекти во Македонија – да запрат со реализацијата и ништо да не исплаќаат, во согласност со извршната наредба на новиот претседател Доналд Трамп кој ја замрзна странската помош за сите земји, oсвен за Израел и Египет на 90 дена.

Ваквото барање беше студен туш за сите што веќе работат со амбасадата, бидејќи очекувањата беа дека наредбата ќе се однесува за новите проекти, а не за тековните.

Ова практично е првата последица од новата администрација на САД, а очекувањата се дека ќе има повеќе, откако Трамп ќе почне да се справува со негативниот трговски биланс што го има со Европа, а можно е и македонски граѓани да бидат погодени од депортациите, иако засега нема такви информации.

Генерално, помошта на САД во Македонија се менаџираше преку проекти на амбасадата и преку агенцијата УСАИД, а беше фокусирана на владеење на правото, на сајбер безбедноста, на животната средина, на развој на демократијата, подобрување на конкурентноста, на борба против корупцијата и за поголемо граѓанско учество. Само за судскиот систем САД дадоа речиси половина милијарда долари помош, што беше повод амбасадорката Ангела Агелер да се пожали во една прилика дека „зборувањето не е без пари“, односно дека се потрошени многу пари во јакнење на независноста на правосудството, а довербата во него сѐ уште е многу ниска.

САД даваа помош и за пандемијата (околу милион и пол долари), а вкупно од 1993 година, од кога работат на овој начин со Македонија, дадоа помош од речиси една милијарда долари, надвор од воената. Иако на удар на наредбата се главно невладини организации и медиуми, преку УСАИД помош добиваа и владини и други институции.

Инаку, упатството што во петокот го објави државниот секретар Марк Рубио, издадено до сите дипломатски и конзуларни претставништва, бара од вработените да издаваат „наредби за стопирање на работата“ за речиси сите „постојни награди за странска помош“ и тоа веднаш. Според оценката на „Политико“, кој прв ја објави веста, се чини дека тоа оди подалеку од неодамнешната извршна наредба на претседателот Доналд Трамп, која му наложи на Министерството да ги паузира грантови за странска помош на 90 дена во очекување на разгледување од секретарот.

Во соопштението на Стејт департментот за одлуката на Марко Рубио се вели дека државниот секретар иницира преглед на сите програми за странска помош за да се осигури дека тие се ефикасни и конзистентни со надворешната политика на САД во рамките на агендата „Америка прво“.

„Претседателот Трамп јасно изјави дека Соединетите Држави повеќе нема слепо да одвојуваат пари без враќање за американскиот народ. Прегледот и усогласувањето на странската помош во име на вредните даночни обврзници не е само вистинската работа, туку морален императив. Секретарот е горд што ја штити американската инвестиција со намерно и разумно разгледување на тоа како ја трошиме странската помош во странство.

Мандатот од американскиот народ беше јасен – мораме повторно да се фокусираме на американските национални интереси. Одделот и УСАИД многу сериозно ја сфаќаат својата улога како чувари на даночните обврзници. Спроведувањето на оваа извршна наредба и насоките на секретарот ја унапредуваат таа мисија“, стои во соопштението.

Наредбата шокираше некои претставници на Стејт департментот околу широчината на нејзиниот огромен мандат. Упатството би можело да ја отвори американската влада за граѓанска одговорност бидејќи може да се покренат тужби за неисполнети договори доколку се смета дека се прекршени условите, рекоа сегашните и поранешните официјални лица.Во упатството се наведува дека „одлуките дали да се продолжат, изменат или прекинат програмите ќе бидат донесени по прегледот“ од секретарот.

Трамп и републиканците со години го опишуваа како расипничко трошењето за странска помош во администрациите на Барак Обама и Џо Бајден. Сега очекува Стејт департментот да подготви извештај во рок од 85 дена од издавањето на упатствата за тоа што понатаму.

Комерцијалист за амбулантна продажба – Тетово и Гостивар

Може да аплицирате на следниов линк: https://www.vrabotuvanje.com.mk/Rabota/460870/Komercijalist-za-ambulantna-prodazhba-Tetovo-i-Gostivar/

Првообвинетиот за двојното убиство на Вања Ѓорчевска и Панче Жежовски, Љупчо Палевски Палчо, на почетокот на денешното рочиште, побара изземање на јавната обвинителка Жаклина Крстевска и целото ОЈО Скопје во случајот поради несоодветно спроведена истрага.

Судијата Ивица Стефановски, судењето го одложи за 3 февруари, посочувајќи дека мора да остави простор Републичкиот јавен обвинител Љупчо Коцевски се произнесе по наводите во барањето за изземање.

Палевски, изнесувајќи го предлогот, пред судот рече дека причините и доказите се содржани во двата обвинителниот акти кои се споени во една судска постапка, но и за лажно сведочење на сведок, докази кои, како што рече, ги приложува со барањето за изземање.

– Исто така, приложено е вештачење на телефон, базни станици и докази од вашата обвинителка. Сите овие докази се изготвени по наредба на надлежната јавна обвинителка Јосифовска, која иако ги знаеле доказите без да ги вештачи телефоните на сведокот. Криење на оружје 421 истражен ден, нерасчистивање на таа важна околност дали обвинетиот или обвинетите поседуваат оружје е најсериозно кривично дело што еден ЈО може да го направи, изјави Палевски.

Јавната обвинителката, нагласи Палевски, во листата на докази заборавила да ја стави и чаурата пронајдена и вештачена на местото Рудник, посочувајќи дека тој како обвинет ја приложува како доказ таа чаура.

– Доставувам и доказ. Сообвинетиот Боро Видевски поседува пиштол зборевка со дозвола и ловна пушка мозберг. Второ, криминалистичката пракса покажува дека вакви злосторства се вршат со оружје купено на црн пазар, но тоа требало да го разоткрие обвинителката, а на вас да одговори зошто не го сторила. При претрес во неговиот дом, пиштолот не евидентиран и не постои. Зошто јавната обвинителка не го зела тоа во предвид е само уште еден доказ за намерата на креирање на обвинение без докази. За обвинетиот Боро Видевски нема потврда за привремено одземени предмети од СВР Велес и во списите од Обвинителството не постои, изјави Палевски.

Сите докази, нагласи Палевски не се наоѓаат во новиот систем на МВР, туку во стариот Хост.

– Се уште постојат правдољубиви лица во МВР и вакви сериозни пропусти и докази за лоша истрага и ги доставија до одбраната. Сето ова е доказ за лошата истрага на вашата обвинителка, изјави Палевски.

Според него, прашања на кои обвинителка мора да одговори, се каде е пиштолот сопственост на еден од обвинетите, зошто 421 ден ЈО не го расчистија овој факт и зошто чаурата не ја приложила како доказ.

-Целата лоша слика за ЈО е поради спроведување на вакви политички наредби и истраги. Затоа нека остане трага дека е докажано кривично дело на јавен обвинител во истрага, изјави Палевски.

Обвинителството, пред денешното рочиште најави дека ќе продолжи со изведување на материјални докази, и по завршување со тоа ќе биде испитан сведокот Гоце Трајковски.

Трајковски, кој е предложен како сведок во овој случај, а осомничен за друго тешко кривично дело – подметнување пожар, на 23 јануари 2025 сам се пријавил во полициска станица и ќе биде сослушан на следното рочиште.

На првото одржано рочиште обвинетите Љупчо Палевски, Боре Видевски, Велибор Манев и Влатко Кешишов, како и таткото на девојчето, Александар Ѓорчевски се произнесоа дека не се чувствуваат виновни.

Според обвинението, тие заедно испланирале грабнување на 14-годишното девојче со цел да присилат член на нејзиното потесно семејство да даде парични средства за откуп. Додека, грабнувањето на оштетениот Панче Жежовски во Велес било со намера да го присилат да им го даде сопственото возило „Цитроен“ за да го користат за грабнување на детето во Скопје.

Малолетната Вања и велешанецот Панче, кои беа пријавени за исчезнати на 27 и 24 ноември, беа пронајдени мртви во близина на Скопје и Велес на 3 декември 2023 година.